Zeremi 26:2 - Bibeli do fee

² ide iyi amu Aɔ̃ Lafɛ̃ɛ ǹ wa n sɔ̃ɛ wee. Koo i leekĩ bantumai kpasɛ̃i amu Aɔ̃ Lafɛ̃ɛu, nɔ i ba inɛ ŋa iyi à waa naa amu Aɔ̃ Lafɛ̃ɛ ku tɔɔ hai si ilui Zudaa ŋau fei ide ku fɔ. Sisi nŋa ide ŋa iyi an sɔ̃ɛ ŋau fei. Maà jɔ̀ baa ide icu akã.

Zeremi 26:2 Iomraidhean Croise

Zeremi 1:17

Awɔ Zeremi, dede i ce sɔɔlu i koo i sɔ̃ ŋa iyi an sɔ̃ɛ fei. Maà ti i ce njo si waju nŋa i maa yaya, ku ba amu takam n maà n na n jɔ̀ i maa yaya si waju nŋa.

Zeremi 1:7

Nɔ Aɔ̃ Lafɛ̃ɛ í sɔ̃m í ni, maà ti i ni awɔ ama keekei, domi awɔi aa bɔ bi inɛ ŋa iyi an bɛɛ ŋau bɛ fei, nɔ i fɔ iyi an sɔ̃ɛ fei.

Zeremi 19:14

Waati iyi Zeremi í sinda í baa hai Tofɛti bii Aɔ̃ Lafɛ̃ɛ í bɔɔ koo fɔ ide do irii nŋuu, ŋɔi í naa í leekĩ si bantumai kpasɛ̃i Aɔ̃ Lafɛ̃ɛu, nɔ í sɔ̃ inɛ ŋa iyi à wa bɛ ŋau fei í ni,

Zeremi 23:28

Si anyiɛ, ŋɔi Aɔ̃ Lafɛ̃ɛ í ni má, walii iyi í ce àla, ku ya ku sisia inɛ ŋa idei àlaɛ iyi í ce. Nɔ inɛ mɔ iyi ǹ ba ide ku fɔ, ku ya ku sisia inɛ ŋa idem dee dee. Amma i maà ya yɔgɛɛ fɔfɔ do ijui amaajɛ ŋa.

Zeremi 25:2

Ŋɔi Zeremi í sɔ̃ zamaai Zudaa ŋau fei ideu. Nɔ í fɔɔi si wajui inɛi Zeruzalɛmu ŋa fei í ni,

Zeremi 28:5

Ŋɔi walii Zeremi í jɛa walii Hanania si wajui woo wee ŋa do si wajui zamaa iyi wa leekĩ si inɔ kpasɛ̃i Aɔ̃ Lafɛ̃ɛu fei.

Zeremi 36:10

Baruku amai Neria í koo í leekĩi si inɔ ile iyi í jɛ ti Gemaria amai Safãa iyi í jɛ woo kɔ tia nwoi ilɛu. Ileu í wai si bantuma iyi í wa lelei kpasɛ̃i Aɔ̃ Lafɛ̃ɛu kɔkɔi gambo titɔ̃u. Nɔ ide ŋa iyi Zeremi í jɔ̀ à kɔ si tiau, Baruku í dede í cioɛ hee lele si wajui zamaa iyi í wa bɛu fei.

Zeremi 42:4

Ŋɔi walii Zeremi í sɔ̃ ŋa í ni, ǹ gbɔ. An tɔɔ Aɔ̃ Lafɛ̃ɛ nŋɛ si gãmɛi mii iyi ì waa tɔɔm nsɛiu ihɛ̃ ŋa. Nɔ ide iyi Aɔ̃ Lafɛ̃ɛ á jɛ nŋɛ wa fei, an sɔ̃ ŋɛ mam mam, n kaa n singa nŋɛ kãmaɛ gɔ.

Zeremi 7:2

koo leekĩ andɛ gamboi kpasɛ̃i Aɔ̃ Lafɛ̃ɛ. Nɔ i fɔ ideu ihɛ̃ tengi bɛ i ni, i sotĩ i gbɔ idei Aɔ̃ Lafɛ̃ɛ ŋa, iŋɛ inɛi Zudaa ŋa fei iyi ì waa lɔò wa do anu koofa ŋau ihɛ̃ ku ba i sɛɛbataa Aɔ̃ Lafɛ̃ɛ ŋa.

Zeremi 7:27

Bii ì waa sɔ̃ ŋa mii ŋau bɛ fei, a kaa desiɛ itĩ pai. Nɔ baa bii ì waa kpe ŋa, a kaa jɛɛ.

Ezekiɛli 3:10

Nɔ í ni má, amanɛ, cĩ itĩɛ ŋa i gbɔ nɔ i mu ide ŋa iyi an sɔ̃ɛ fei si idɔɛ.

Ezekiɛli 33:7

Awɔ amanɛ, ǹ jilɛɛi i jɛ woo kɛɛmai inɛi Izirɛli ŋau. Aa ya gbɔ ide iyi ǹ wa n sɔ̃ɛi nɔ i koo i sɔ̃ inɛi Izirɛli ŋau i faò laakai nŋa.

Ezekiɛli 40:4

Ŋɔi inɛɛu í sɔ̃m í ni, awɔ amanɛ, cĩ ijuɛ ŋa do itĩɛ ŋa. Ce laakai ntɔ ntɔ si mii ŋa iyi an nyisiɛ, domi à naaɛ wa ihɛ̃i ku ba i cɔ inyau sãa sãa. Si anyiɛ nɔ i koo i sisia inɛi Izirɛli ŋau mii iyi ì yɛ.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Luku 19:47

Jesu í ya maa kɔa inɛ ŋa si cioi idei Ilaaɔ̃ ajɔ fei kpasɛ̃i Ilaaɔ̃ bɛ. Ŋɔi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa do inɛ ngboi Zuifu ŋa à waa bi a kpaa.

Laabaau jiida iyi Zãa í kɔ 18:20

Ŋɔi Jesu í jɛaa í ni, ideu si bantumai ǹ sɔ̃ inɛ fei. Ǹ ya n kɔ inɛ ŋa si ciom nii ile bii à ya ce kutɔtɔɔ ŋa do si kpasɛ̃i Ilaaɔ̃, bii Zuifu ŋa fei à ya tɔtɔɔ. N kù fɔ ide kãma si asii.

Laabaau jiida iyi Zãa í kɔ 8:2

Amma iju kumáɛ daadaakɔ í sinda í bɔ bantumai kpasɛ̃i Ilaaɔ̃ nɔ inɛ fei wa bɔ bi tɛɛ, nɔ í buba í lɔsi cio ku kɔ ŋa si.

Woo bɛ ŋa 20:20

Iŋɛ taka nŋɛ ì mà mii iyi á ce nŋɛ aranfãani fei, n kù singa nŋɛ kãmaɛ. Amma ǹ sɔ̃ ŋɛ ntɔ fei nɔ ǹ kɔ ŋɛ si cio si bantuma do si kpasɛ̃ nŋɛ ŋa.

Woo bɛ ŋa 20:27

domi ǹ sisi nŋɛ ide iyi Ilaaɔ̃ í jilɛ fei n kù singa nŋɛ gɔgɔɛ.

Woo bɛ ŋa 5:25

Ŋɔi inɛ gɔ í naa í sɔ̃ ŋa í ni, i gbɔ ŋa, inɛ ŋa iyi ì dasi piisɔ̃ɔ ŋau à wa bantumai kpasɛ̃i Ilaaɔ̃ à waa kɔ inɛ ŋa si cio.

Woo bɛ ŋa 5:42

Ajɔ fei si bantumai kpasɛ̃i Ilaaɔ̃ do si inɔ kpasɛ̃ ŋa à ya maa ce waazoi laabaau jiidau nɔ a maa kɔ inɛ ŋa si cio waati kãma fei a maa ni Jesui í jɛ inɛ iyi Ilaaɔ̃ í cicau.

Wooda ku kɔsi 12:5

Tengi bii nŋu takaɛ í cica iriɛ ku maa wa si inɔi dimi nŋɛ ŋau fei, bɛi aa koo i tɔɔɛ ŋa.

Wooda ku kɔsi 4:2

I maà kɔ̃ɔsi nkãma si wooda ŋa iyi ǹ na ŋɛu, nɔ i maà kaye nkãma ŋa, amma i jirima woodai Aɔ̃ Lafɛ̃ɛ dee dee bɛi ǹ sɔ̃ ŋɛu.

Zozue 8:35

Nkãma kù gbe iyi Moizi í kɔ iyi Zozue kù kaa si wajui kutɔtɔɔi inɛi Izirɛli ŋau fei, hai inaabo ŋa do amu ŋa do inɛ njoo ŋa iyi à wa anini nŋa ŋau fei.

Kuyɛi Zãa 22:19

Bɛɛbɛ mɔi inɛ iyi í kaye ide gɔ hai si tiai idei waliiu ihɛ̃, Ilaaɔ̃ á kɔ̀ lafɛ̃ɛ ikpɛ̃i isoi jĩi ndii kuwɛɛ do ilu kumá iyi à sisi yaaseɛ si tiau ihɛ̃.