Zeremi 26:16 - Bibeli do fee

¹⁶ Ŋɔi akawe ŋau do zamaau fei à sɔ̃ woo wee ŋau do walii ŋau fei à ni, inɛɛu ihɛ̃ kù nɛ ku ku má, domi ntɔ ntɔ, ide iyi Aɔ̃ Lafɛ̃ɛ nwa í sɔ̃ɔ wai í naa í sisi nwa.

Zeremi 26:16 Iomraidhean Croise

Ɛsitɛɛ 4:14

Bii ì kɔ̀ ku dasi ideu gɛlɛ nsɛi, Zuifu ŋa aa ba sobi wa hai bii gɔ nɔ a ba faaba, amma awɔi aa na i ku, nɔ kpasɛ̃i baaɛ ku kpa iri. Nɔ á yɔkɔ ku jɛ na ide dimi bɛ ihɛ̃i í jɔ̀ ì jɛ aboi ilaalu.

Iri ku kɔ̃ 94:16

Yooi á dede ku kɔ̀ɔm bi inɛ laalɔ ŋau. Yooi á leekĩ si anyim bi woo ce laalɔ ŋau.

Mɔnda ŋa 16:7

Bii Aɔ̃ Lafɛ̃ɛ í saabu si kucei inɛ gɔ í ya jɔ̀ baa lafɛ̃ɛ do mbɛɛɛ ŋa a dɔ̃i.

Zeremi 26:11

Ŋɔi woo wee ŋau do walii ŋau à sɔ̃ akawe ŋau do zamaau fei à ni, ikui í nɛ ku jɛ ti inɛɛu ihɛ̃, domi í ce walii sãmi si gãmɛi iluu ihɛ̃ bɛi iŋɛ taka nŋɛ ì gbɔɔ do itĩ nŋɛ ŋa.

Zeremi 34:10

Ŋɔi inɛ ngbo ŋau do zamaau fei à na ara nŋa si idei akabuuu à jirimaɛ à jɛsi a jɔ̀ aru inɛmɔkɔ walakɔ inaabo ku ba a maà ti a maa mu ŋa si aru ku jɛ má. Aŋa fei à jirima ideu nɔ à jɔ̀ aru ŋau à nɛ.

Zeremi 36:19

Ŋɔi akawe ŋau à sɔ̃ Baruku à ni, koo i manji awɔ do Zeremi fei nɔ inɛ kãma ku maà mà bii ì wa ŋa.

Zeremi 36:25

Do nŋu fei, Elinatãa do Delaya do Gemaria à tɔɔ ilaaluu à manteɛ à ni ku maà jo tiau, amma í kɔ̀ ku gbɔ ide nŋa.

Zeremi 37:15

Ŋɔi idɔi akawe ŋau í kɔ̃ si Zeremi nɔ à cãa à bɛi à muu à koo à cĩmboɛ si inɔ ilei Zonatãa woo kɔ tiai ilɛu, domi à sinda inyaui bi ku cĩmbo inɛ ŋa.

Matie 27:54

Ŋɔi inɛ ngboi sooge ŋa do inɛ ŋa iyi à wa bi tɛɛ à waa degbe Jesuu à yɛ kuyayai ilɛu do mii ŋa iyi í ce fei. Ŋɔi njo nla nla í mu ŋa à waa ni, ntɔ ntɔ, inɛɛu ihɛ̃ Amai Ilaaɔ̃i.

Luku 23:41

Bii awai à waa kpã iju bɛɛbɛ, dee deei, domi à waa sã nwa gbesei mii iyi à cei. Amma njɛ kù ce laalɔ kãma.

Luku 23:47

Iyi inɛ ngboi sooge ŋau í yɛ mii iyi í ceu, ŋɔi í saabu Ilaaɔ̃ í ni, ntɔ ntɔ inɛɛu ihɛ̃ kù nɛ taale kãma.

Woo bɛ ŋa 23:29

Hai bɛi ǹ yɔɔ iyi à waa yɛ taaleɛi na wooda nŋa amma kù ce ngɔgɔ iyi í to a dasiɛ piisɔ̃ɔ mɔm hee má jɛ a kpaa.

Woo bɛ ŋa 23:9

Nɔ wakata í dede si anini nŋa à waa jã do gbugbã, nɔ Farisi woo kɔ inɛ ŋa si wooda gɔ ŋa à ni, a kù yɛ taalei mɔkɔu. Yooi í mà mà amaleka gɔi walakɔ hunde mmu gɔi í sɔ̃ɔ ide.

Woo bɛ ŋa 25:25

Amu n kù yɛ siɛ taale kãma iyi í to a kpaa. Amma si bɛi nŋu takaɛ í so kiitiu í daa ilaalu nlau si awɔ ŋɔi í ce ǹ ni an jɔ̀ a kooɛ bi tɛɛ.