Zeremi 26:11 - Bibeli do fee

¹¹ Ŋɔi woo wee ŋau do walii ŋau à sɔ̃ akawe ŋau do zamaau fei à ni, ikui í nɛ ku jɛ ti inɛɛu ihɛ̃, domi í ce walii sãmi si gãmɛi iluu ihɛ̃ bɛi iŋɛ taka nŋɛ ì gbɔɔ do itĩ nŋɛ ŋa.

Zeremi 26:11 Iomraidhean Croise

Zeremi 18:23

Nɔ awɔ Aɔ̃ Lafɛ̃ɛ, ì mà sɔɔlui zamba nŋa iyi à dĩ ku ba a kpam. Na nŋu, maà ce nŋa suurui dulum du ŋa. Maà kpa dulum du ŋa hai si wajuɛ. Jɔ̀ a cuku si wajuɛ. Jɔ̀ idɔɔkɔ̃ɛ ku naa si ŋa.

Zeremi 26:16

Ŋɔi akawe ŋau do zamaau fei à sɔ̃ woo wee ŋau do walii ŋau fei à ni, inɛɛu ihɛ̃ kù nɛ ku ku má, domi ntɔ ntɔ, ide iyi Aɔ̃ Lafɛ̃ɛ nwa í sɔ̃ɔ wai í naa í sisi nwa.

Zeremi 38:4

Iyi akawe ŋau à gbɔ bɛi wa fɔ, ŋɔi à sɔ̃ ilaalu Sedesiasi à ni, mɔkɔu ihɛ̃ í gbe a kpaa, domi ide ŋa iyi wa fɔu ihɛ̃ á fɔ inɔi sooge ŋa do inɛ ŋa iyi à gbe si inɔ iluui. Inɛɛu ihɛ̃ kù waa dɛdɛa zamaai iluu mii jiida, í gbe nfe ku cei zamaau.

Matie 26:66

Bɛirei ì yɛ a cea mɔkɔu ŋa. Ŋɔi aŋa fei à yɛ taaleɛ à ni í to a kpaa.

Laabaau jiida iyi Zãa í kɔ 18:30

Ŋɔi à ni, bii kù ce laalɔ, a kaa ka daɛ si awɔ.

Laabaau jiida iyi Zãa í kɔ 19:7

Ŋɔi Zuifu ŋau à sɔ̃ɔ à ni aŋa à nɛ wooda, nɔ si woodai aŋau í gbe de a kpaai domi wa ni nŋuu amai Ilaaɔ̃i.

Woo bɛ ŋa 22:22

Inɛ ŋau à waa desi idei Pɔlu itĩ hee í fɔ ide ŋau bɛ. Amma waati iyi à gbɔ í ni Ilaaɔ̃ í bɛ nŋu bi dimi mmu ŋa, ŋɔi aŋa fei à lɔsi ku dɔ̃ anu à waa ni, i kpaa. Dimii lafɛ̃ɛ kù sĩa ku maa wɛɛ.

Wooda ku kɔsi 18:20

Amma walii ilu faau iyi wa fɔ ide do irim, bii wa fɔ ide ŋa iyi n kù ni ku fɔ, walakɔ bii wa fɔ ide do irii iwɛ̃ ŋa, walii inɛ bɛ aa kpaai.

Woo kiiti ŋa 6:30

Ŋɔi à koo à sɔ̃ Zoasi à ni, jɔ̀ amaɛu ku fita wa ka kpaa, domi nŋui í lɛgɛ bi kuweei Baaliu nɔ í da jĩi ndii Asera iyi í wa kɔkɔlɛ bɛu.