Zeremi 26:10 - Bibeli do fee

¹⁰ Waati iyi akawei Zudaa ŋa à gbɔ ide ŋau, ŋɔi à dede wa hai kabai ilaaluu à naa bantumai kpasɛ̃i Aɔ̃ Lafɛ̃ɛu nɔ à koo à buba anu koofai gambo titɔ̃i kpasɛ̃i Aɔ̃ Lafɛ̃ɛu.

Zeremi 26:10 Iomraidhean Croise

Ilaalu 2, 15:35

Nŋu de, kù lɛgɛ bi kuweea iwɛ̃ ŋa. Zamaau í ya maa ce kuwee ŋa nɔ ku maa jo tuae ŋa si antaii iri kuta ŋa. Yotamui í ma anui ile lelei kpasɛ̃i Aɔ̃ Lafɛ̃ɛu.

Bomma 2, 27:3

Yotamui í ma anui ile lelei kpasɛ̃i Aɔ̃ Lafɛ̃ɛu nɔ í ce kuma nkpɔ si bindii Ofɛli.

Zeremi 20:2

Ŋɔi í sambalaɛ nɔ í jɔ̀ à dũu si jĩi iyi í wa anu koofai Bɛnzamɛɛ hai do bii inɛ í ya too ku lɔò inɔ kpasɛ̃i Aɔ̃ Lafɛ̃ɛu.

Zeremi 26:21

Ŋɔi ilaalu Zoakimu do inɛmɔkɔ kaasãanɛɛ ŋa do akaweɛ ŋau fei à gbɔ ide ŋa iyi Uria í fɔu. Ŋɔi ilaaluu wa dɛdɛ ku kpaa. Amma waati iyi Uria í gbɔ iyi ilaaluu wa dɛdɛ ku kpa nŋu, njo í muu nɔ í sa í nɛ ilɛi Ezibiti.

Zeremi 26:24

Amma Ahikamu amai Safãa í bii si Zeremi awɔ nɔ í ganji a soo a daa zamaau si awɔ a kpaa.

Zeremi 34:10

Ŋɔi inɛ ngbo ŋau do zamaau fei à na ara nŋa si idei akabuuu à jirimaɛ à jɛsi a jɔ̀ aru inɛmɔkɔ walakɔ inaabo ku ba a maà ti a maa mu ŋa si aru ku jɛ má. Aŋa fei à jirima ideu nɔ à jɔ̀ aru ŋau à nɛ.

Zeremi 36:10

Baruku amai Neria í koo í leekĩi si inɔ ile iyi í jɛ ti Gemaria amai Safãa iyi í jɛ woo kɔ tia nwoi ilɛu. Ileu í wai si bantuma iyi í wa lelei kpasɛ̃i Aɔ̃ Lafɛ̃ɛu kɔkɔi gambo titɔ̃u. Nɔ ide ŋa iyi Zeremi í jɔ̀ à kɔ si tiau, Baruku í dede í cioɛ hee lele si wajui zamaa iyi í wa bɛu fei.

Zeremi 36:25

Do nŋu fei, Elinatãa do Delaya do Gemaria à tɔɔ ilaaluu à manteɛ à ni ku maà jo tiau, amma í kɔ̀ ku gbɔ ide nŋa.

Ezekiɛli 22:27

Inɛ ngbo ŋau à ya maa kpa inɛ ŋai bɛi mɛɛmui sako ŋa. À ya nya hunde ŋai a bɛi a ko fia nŋa ŋa.

Ezekiɛli 22:6

Bi tu ŋɛ si ilui Zeruzalɛmu, inɛ ngbo baa yooma fei í ya maa nyisi gbugbãɛi nɔ ku maa kpa inɛ ŋa.