Zeremi 23:3 - Bibeli do fee

³ Amu takam nii an tɔtɔɔ mɛɛmu gaam ŋa iyi à gbeu wa hai ilɛ ŋa bii ǹ lele ŋa ǹ jɔ̀ à nɛu fei. An baaò ŋa wai si aro nŋa. An jɔ̀ a bí, nɔ aa kpɔ a kɔ̃ɔsi.

Zeremi 23:3 Iomraidhean Croise

Iri ku kɔ̃ 106:47

Aɔ̃ Lafɛ̃ɛ nwa, faaba wa. Nya wa ikã hai si inɔi dimi mmu ŋa i tɔtɔɔ wa ku ba ka saabuɛ, awɔ iyi ì má. Nɔ ka wɛɛò inɔ didɔ̃ ka maa cĩɛ.

Zeremi 16:15

Amma aa ya ce kugbasii a ni, do irii Aɔ̃ Lafɛ̃ɛ nŋu iyi í wɛɛ, nŋu iyi í nya inɛi Izirɛli ŋa wa hai ilɛi awɔ njɛi kpãai inunu do hai si ilɛ mmu ŋa fei bii à koo à wa wo, waati iyi í lele ŋau. Aɔ̃ Lafɛ̃ɛu í ni, an baaò ŋa wa si ilɛ nŋa tengi bii ǹ tako ǹ muaa bala nŋa ŋau.

Zeremi 30:10

Nɔ awɔ Zakɔbu woo ce icɛm, maà jɔ̀ zigiɛ ku da. Amu Aɔ̃ Lafɛ̃ɛi ǹ fɔ bɛɛbɛ. Awɔ Izirɛli, maà yaya, domi an faabaɛ hai ilɛ jĩijĩ bii ì wa, nɔ amui an faaba tɔkuɛ ŋa hai ilɛ bii à waa jɛ aru. Zakɔbu á na ku baa, nɔ á ba kusĩmi do laakai ku sũ. Nɔ inɛ kãma kaa dede laakaiɛ má.

Zeremi 30:3

Nɔ Aɔ̃ Lafɛ̃ɛ í nyi í ni má, ajɔ wa naa si bii an jɔ̀ inɛi Izirɛli do inɛi Zudaa inɛm ŋa iyi à wa ilɛ mmu ŋau a baa si ilɛ iyi ǹ tako ǹ muaa bala nŋa ŋau. Nɔ aa nyi a nɔɔ mái hee do ajɔ fei.

Zeremi 31:7

Bɛi Aɔ̃ Lafɛ̃ɛ í fɔ wee. Í ni, i dɔ̃ anu do inɔ didɔ̃ ŋa na irii Zakɔbu. I dakpɛaa ŋa, nŋu iyi í jɛ sinte si ilɛu. I jɔ̀ inɛ ŋa a gbɔ anu ku dɔ̃i inɔ didɔ̃ nŋɛ ŋa, nɔ i ni, Aɔ̃ Lafɛ̃ɛ, faaba inɛɛ ŋa. Faaba zamaai Izirɛli iyi í gbe si hunde.

Zeremi 31:8

An jɔ̀ a baa hai ilɛi ikpa awɔ njɛi kpãai inunuu, nɔ n tɔtɔɔ ŋa wa hai kɔɔi andunya bii à wau fei. Fɛɛju ŋa do ilu kutɛ akã ŋa, inaabo bãasĩ ŋa, do inaabo ŋa iyi à waa gbɔ ara kuroi kubí, aŋa fei aa wa si. Zamaa nla nlai á baa ihɛ̃.

Zeremi 32:37

Amma ntɔ ntɔ amu Aɔ̃ Lafɛ̃ɛ an tɔtɔɔ ŋa wa má hai bii si idɔɔkɔ̃ nla nlam ǹ fangaa ŋa ǹ jɔ̀ à nɛò. An baaò ŋa wa si inyau ihɛ̃ má, nɔ n jɔ̀ a buba do laakai ku sũ.

Zeremi 46:27

Amma awɔ Zakɔbu woo ce icɛm, maà jɔ̀ zigiɛ ku da. Izirɛli, maà yaya, domi an faabaɛ wa hai ilɛ jĩijĩ awɔ do tɔkuɛ ŋa hai ilɛ bii ì waa jɛ aruu. Zakɔbu á na ku sinda ku baa, nɔ ku buba sɛ̃ɛ do laakai ku sũ cau, nɔ inɛ kãma kaa dede laakaiɛ má.

Zeremi 50:19

An jɔ̀ Izirɛli ku nyi aroɛ, nɔ á ba sɔndaɛ ŋa ku jɛ ku yoi si iri kutai Kaamɛli do Basãa ŋa, do si iri kutai Efaraimu do Galaadi ŋa.

Zeremi 8:3

Iku á sĩa ku re kuwɛɛ bi inɛ ŋa iyi aa gbe si zamaa laalɔ iyi an fangaa bii feiu. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Ezekiɛli 11:17

Na nŋu sɔ̃ ŋa i ni amu Aɔ̃ Lafɛ̃ɛ ǹ ni an tɔtɔɔ ŋa wai hai si inɔi dimi mmu ŋa si ilɛ ŋa bii à koo à wau, nɔ n na ŋa ilɛi Izirɛliu má.

Ezekiɛli 36:11

Amanɛ ŋa do mɛɛmu ŋa aa kpɔ a kɔ̃ɔsii si ilɛu bii fei. Aa kpɔ, nɔ aa ba tɔku ŋa bututu. Zamaa nŋa á kpɔi bɛi ti takou, nɔ amani nŋa á re ti tako si ilɛu fei. Do yaase bɛɛbɛi, aa mà iyi amui ǹ jɛ Aɔ̃ Lafɛ̃ɛ nŋa.

Ezekiɛli 36:24

An nya ŋɛ wai hai si inɔi dimi mmu ŋa do si ilɛ mmu ŋa bii ì wa ŋau. Nɔ an tɔtɔɔ ŋɛ wai n baaò ŋɛ wa si ilɛ nŋɛ.

Ezekiɛli 36:37

Amu Aɔ̃ Lafɛ̃ɛ, ide iyi ǹ wa n fɔ má wee. Ǹ ni, an jɔ̀ inɛi Izirɛli ŋa a tɔɔm sobi má nɔ an jɛ nŋa n jɔ̀ a kpɔ bɛi mɛɛmu gaa ŋa.

Kuwee 26:9

An ce nŋɛ jiida n jɔ̀ i maa bí ŋa, nɔ i kpɔ i kɔ̃ɔsi ŋa. Nɔ akabuui awaɛ ŋa á maa wɛɛi waati kãma fei.

Misee 2:12

Nɔ Aɔ̃ Lafɛ̃ɛ í ni, ntɔ ntɔ, iŋɛ tɔkui Zakɔbu ŋa, an tɔtɔɔ inɛ nŋɛ ŋa fei wai. An tɔtɔɔ inɛi Izirɛli ŋa iyi à gbeu wai. An tɔtɔɔ ŋɛ wai bɛi angudã ŋa si inɔ aro. An tɔtɔɔ ŋɛ wai bɛi kɛtɛ gaa ŋa iyi à bɔò degbe. Bɛ, aa tɔtɔɔ ŋai nkpɔ nkpɔ nɔ i maa ce wakata ŋa.

Misee 7:12

Si ajɔ nŋu bɛ, hai Asiri do hai ilui Ezibiti ŋau, do inɛi kɔkɔi ido nlai Ezibiti ŋau, hee ku bɔ si inɛ ŋa iyi à wa bubaai tenkuu, do inɛ ŋa iyi à wa si inyai iri kuta ŋau, aŋa fei aa baai bi tu ŋɛ.