Zeremi 23:2 - Bibeli do fee

² Na ŋɔi í jɔ̀ Aɔ̃ Lafɛ̃ɛi inɛi Izirɛli ŋau í nyi í fɔ má si gãmɛi inɛ ŋa iyi à waa degbe inɛɛ ŋau í ni, ì fangaa angudãm ŋa, ì lele ŋa ŋa, i kù gbɔ nŋa ŋa. Na nŋu, i cɔ, an naa si ŋɛ na kuce laalɔ nŋɛ ŋau.

Zeremi 23:2 Iomraidhean Croise

Kufita 32:34

Bɛbɛi koo gbã inɛ ŋau i nɛò ŋa tengi bii ǹ sɔ̃ɛu. Amalekam nii á maa cuaɛ. Amma ajɔ iyi ǹ dede an kpã ŋa iju na irii dulum du ŋa.

Zeremi 10:21

Ŋɔi Zeremi í ni, woo degbe ŋaui à ce nnyɛi, domi aŋai a kù dɛdɛ Aɔ̃ Lafɛ̃ɛ. Na ŋɔi í jɔ̀ a kù nɛ lasabu jiida, nɔ inɛ ŋa iyi à waa gbã ŋau à fangaa fei.

Zeremi 11:22

Ŋɔi Aɔ̃ Lafɛ̃ɛi lele do ilɛ í ni, an naa si ŋa, nɔ waati bɛɛbɛ taakuba á kpa awaasũ nŋa ŋa, nɔ ama inɛmɔkɔ nŋa ŋa do ama inaabo nŋa ŋa aa kui do ari.

Zeremi 13:17

Bii ì kɔ̀ ku gbɔ iyi ihɛ̃ ŋa, an kpatai si asii na faau nŋɛ. An kpatai ntɔ ntɔ si na iyi í jɔ̀ aa na a mu mɛɛmu gaai Aɔ̃ Lafɛ̃ɛ aru a nɛò.

Zeremi 13:20

Wu iju nɔ i cɔ inɛ ŋa iyi à waa naa hai ikpa awɔ njɛi kpãai inunu. Hee iwoi mɛɛmu gaa iyi à tako à naɛu í wa. Hee iwoi mɛɛmu gaa iyi í tako wa jɛ bɛɛrɛɛ wou í wa.

Zeremi 13:21

Bii inɛ ŋa iyi awɔ takaɛ ì jɔ̀ iŋɛò ŋa ì nɛ anu akã à naa siɛ igũ nɔ à kãmiaɛ, bɛirei aa ba i ni má. Ara kuro á to siɛi ntɔ ntɔ bɛi inaabo iyi wa bi ku bí.

Zeremi 17:10

Amu Aɔ̃ Lafɛ̃ɛ, amui ǹ ya n wusɛ idɔi amanɛ n yɛ hee lɛlɛɛ. Do yaase bɛɛbɛi ǹ ya n sãaò inɛ fei si bɛi isɛɛnɛɛ í yɛ do si bɛi kookoosuɛ ŋa í to.

Zeremi 21:12

iŋɛ inɛi kpasɛ̃i Davidi ŋa. Aɔ̃ Lafɛ̃ɛ í ni, i ya kiiti dee dee hai daadaakɔ ŋa, nɔ i ya faaba inɛ ŋa iyi inɛ laalɔ ŋa à waa takii ŋa, ku ba idɔɔkɔ̃m ku maà na ku dede bɛi ina iyi a kaa yɔkɔ a kpa na kuce laalɔ nŋɛ ŋa.

Zeremi 23:34

Bii walii gɔ, walakɔ woo wee gɔ, walakɔ inɛ mmu gɔ wa fɔ idei ijuukpã iyi amu Aɔ̃ Lafɛ̃ɛ ǹ jilɛu, an naa si lafɛ̃ɛi do si inɛi kpasɛ̃ɛ ŋa.

Zeremi 44:22

Ntɔ ntɔ Aɔ̃ Lafɛ̃ɛ kù yɔkɔ kù temuaò kuce hai nɛ bɛɛrɛ nŋɛ ŋa. Na ŋɔi í jɔ̀ ilɛ í ce nfe í baa í kpɔò bomma nɔ í jɛ yaase iyi aa so bii à waa bi a ceekpe inɛ gɔ, nɔ inɛ kãma kù wa si inɔ iluu. Ŋɔi í jɔ̀ ì waa yɔɔ bɛ ihɛ̃ nnyiu bɛ ŋa.

Zeremi 5:29

Amu Aɔ̃ Lafɛ̃ɛ, n kù nɛ n kpã kookoosu ŋau bɛ iju de. N kù nɛ n baò inɛi ilɛ dimiɛ ŋa ijai?

Zeremi 5:9

Amu Aɔ̃ Lafɛ̃ɛ, n kù nɛ n kpã kookoosu ŋau bɛ iju de. N kaa n baò inɛi ilɛ dimiɛ ŋa ija de.

Zeremi 8:12

Anyɔ í nɛ ku mu ŋai wo si laalɔ ŋa iyi à ce. Amma kù mu ŋa. A kù mà baa mà aŋa à wa si kurara. Na ŋɔi í ce aa cukui do inɛ ŋa iyi à waa cuku. Ilɛi aa maa tɛɛsɛ waati iyi an kpã ŋa iju. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 34:5

Mɛɛmu ŋau à fangaa si na iyi í jɔ̀ a kù nɛ woo degbe ŋa, nɔ à koo à jɛ sɔndai mɛɛmui sako ŋa.

Ozee 2:13

An jɔ̀ inɔ didɔ̃ɛ fei ku leekĩi. Nɔ hai jingauɛ ŋa, do jingaui ajɔi cukpa titɔ̃ɛ ŋau, do ajɔi kusĩmiɛ ŋau hee do waati si bii à ya ko a ce jingau ŋau fei, aa leekĩi.

Misee 7:4

Inɛ iyi í daama si inɔ nŋa í yɛi bɛi agũ. Inɛ iyi í jɛ inɛ dee dee si inɔ nŋa í re baa wua ku nɛ agũ. Walii woo degbe ŋau, à sɔ̃ ŋɛ idei ajɔ gɔ iyi á na ku naa, iyi aa ba ijuukpã ŋa, ajɔu í to wa tã mɔm. Nɔ bɛbɛi ì wa si biti ŋa.

Zakari 10:3

Aɔ̃ Lafɛ̃ɛ í ni, ǹ wɛɛò idɔɔkɔ̃ do woo degbe inɛm ŋa nɔ an kpã ilaalu nŋa ŋa iju. Amu Aɔ̃ Lafɛ̃ɛi lele do ilɛ an gbɔa inɛi Zudaa ŋa iyi aa jɛ bɛi mɛɛmu gaam ŋa. An bɔò ŋa igũ bɛi acĩ kaasãanɛ.

Zakari 11:16

domi nŋu á jɔ̀ woo degbe gɔ ku naa si ilɛu. Woo degbeu kaa gbɔa angudã ŋa iyi à waa bɔ ku ku. Kaa bɔ ama angudã ŋa iyi à nyɔu ku dɛdɛ. Baaɛ kaa wa si do inɛ ŋa iyi à mɛɛ, nɔ kaa cɔ ilu baani ŋa mɔ. Amma iyi à nɛ ikpo ŋau, á ya maa ŋɔ ŋai hee do kɔwei kɔbisi nŋa ŋau fei.

Matie 25:36

Nɔ si waati iyi ǹ wɛɛ basĩ ì bii anyim ŋa. Nɔ iyi ǹ wa n ce bɔ̃ɔ ì gbɔɔm ŋa. Nɔ si waati iyi ǹ wa ile piisɔ̃ɔ ì ya naa ku cɔm ŋa.

Matie 25:43

Waati iyi ǹ jɛ inɛ njoo i kù gbam si kpasɛ̃ nŋɛ ŋa. Nɔ si waati iyi ǹ wɛɛ basĩ i kù bii anyim ŋa. Iyi ǹ wa n ce bɔ̃ɔ walakɔ iyi ǹ wa ile piisɔ̃ɔ, i ci ya naa ku cɔm ŋa mɔm.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.