Zeremi 23:1 - Bibeli do fee

¹ Aɔ̃ Lafɛ̃ɛ í ni, inɔ kufɔi í jɛ ti woo degbe ŋa iyi à waa nyɔ mɛɛmum ŋa, nɔ à waa fangaa ŋa.

Zeremi 23:1 Iomraidhean Croise

Zeremi 10:21

Ŋɔi Zeremi í ni, woo degbe ŋaui à ce nnyɛi, domi aŋai a kù dɛdɛ Aɔ̃ Lafɛ̃ɛ. Na ŋɔi í jɔ̀ a kù nɛ lasabu jiida, nɔ inɛ ŋa iyi à waa gbã ŋau à fangaa fei.

Zeremi 12:10

Woo degbe nkpɔ nkpɔi wa ce asɔɔi jĩi ndii rezɛ̃ɛm. À waa jojo si bantumai ikom ŋa. À waa kpaasi iko kusĩam nɔu bɛi gbaa do bɛi inya iyi í kpɔò bomma.

Zeremi 13:17

Bii ì kɔ̀ ku gbɔ iyi ihɛ̃ ŋa, an kpatai si asii na faau nŋɛ. An kpatai ntɔ ntɔ si na iyi í jɔ̀ aa na a mu mɛɛmu gaai Aɔ̃ Lafɛ̃ɛ aru a nɛò.

Zeremi 2:26

Bɛi anyɔ í ya mu ile waati iyi à muu, bɛɛbɛi anyɔ á mu iŋɛ inɛi Izirɛli ŋau, iŋɛ do ilaalu nŋɛ ŋa do inɛ ngbo nŋɛ ŋa do woo wee nŋɛ ŋa do walii nŋɛ ŋa.

Zeremi 2:8

Woo wee ŋau a kù bee, iwoi Aɔ̃ Lafɛ̃ɛ í wa. Woo mà wooda ŋau a kù màm má. Woo gbã inɛm ŋau à dedeò ide ku kɔ̀ bi tom. Walii ŋau à ce walii nŋai do irii iwɛ̃ Baali. Nɔ à koo à waa too iwɛ̃ ŋa iyi a kaa yɔkɔ a ce nŋa nkãma.

Zeremi 22:22

Inɛ ŋa iyi à jɛ inɛ ngbo nŋɛ ŋa fei, fufu á gbangaa ŋai ku nɛò ŋa, nɔ inɛ ŋa iyi à bi ŋɛ ŋau fei aa mu ŋa aru a nɛò ŋai. Do yaase bɛɛbɛ, aa kaye ŋɛi, nɔ i wa si anyɔ nla nla na laalɔ ku ce nŋɛ ŋau fei.

Zeremi 23:2

Na ŋɔi í jɔ̀ Aɔ̃ Lafɛ̃ɛi inɛi Izirɛli ŋau í nyi í fɔ má si gãmɛi inɛ ŋa iyi à waa degbe inɛɛ ŋau í ni, ì fangaa angudãm ŋa, ì lele ŋa ŋa, i kù gbɔ nŋa ŋa. Na nŋu, i cɔ, an naa si ŋɛ na kuce laalɔ nŋɛ ŋau.

Zeremi 50:6

Inɛm ŋau à yɛi bɛi angudã ŋa iyi à nyɔ. Woo degbe nŋa ŋaui à jɔ̀ à waa nyɔ, domi aŋai à waa nɛò ŋa do ikpa iri kuta ŋau. À ya maa dabiii si iri kuta ŋa do si geete ŋa, nɔ à ya gbɛjɛ kolo nŋaui.

Ezekiɛli 13:3

Sɔ̃ ŋa iyi amu Aɔ̃ Lafɛ̃ɛ ǹ ni, laalɔi á ba aŋa walii hai nɛ yaase ŋau. Aŋa iyi lasabui idɔ nŋai à ya maa ceò icɛ, a ci ya yɛ nkãma.

Ezekiɛli 34:1

Aɔ̃ Lafɛ̃ɛ í bam ide ku fɔ í ni,

Ezekiɛli 34:21

Mɛɛmu hai nɛ gbugbã ŋau ì tale ŋa do banga do cingaa ì nya ŋa hai si inɔ gaau ŋa nɔ ì cã ŋa do ngo nŋɛ ŋa ì lele ŋa ŋa.

Ezekiɛli 34:31

Ntɔ ntɔ, iŋɛ amanɛ ŋa, iŋɛi ì jɛ bɛi mɛɛmu gaam ŋa iyi ǹ wa n gbɔa. Amui ǹ jɛ Aɔ̃ Lafɛ̃ɛ nŋɛ. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 36:38

Si waatii jingau nla ŋa, Zeruzalɛmu í ya kɔ̃i do mɛɛmu ŋa iyi à waa naa ku ceò kuwee ŋa. Mɛɛmu gaa ŋai à ya naaò wa. Inɛ ŋa iyi aa baa a naa a wa si ilu nŋɛ ŋa iyi à tako à lɛgɛ ŋau, aa kpɔ ntɔ ntɔ bɛi mɛɛmu gaa ŋau. Do yaase bɛɛbɛ, inɛ fei á mà iyi amui ǹ jɛ Aɔ̃ Lafɛ̃ɛ.

Zakari 10:3

Aɔ̃ Lafɛ̃ɛ í ni, ǹ wɛɛò idɔɔkɔ̃ do woo degbe inɛm ŋa nɔ an kpã ilaalu nŋa ŋa iju. Amu Aɔ̃ Lafɛ̃ɛi lele do ilɛ an gbɔa inɛi Zudaa ŋa iyi aa jɛ bɛi mɛɛmu gaam ŋa. An bɔò ŋa igũ bɛi acĩ kaasãanɛ.

Matie 15:14

I jɔ̀ ŋa bɛ. Woo mu golo fɛɛju ŋai. Nɔ bii fɛɛju wa mua fɛɛju golo aŋa minji fei à ya koo a dasi gooi.

Matie 9:36

Iyi í yɛ zamaau, araare fei í muu, domi à wɛɛ do biti, inɔ nŋa fei í fɔ, à wɛɛ nŋa bɛi angudã ŋa iyi a kù nɛ woo degbe.

Laabaau jiida iyi Zãa í kɔ 10:10

Ile njɛ ci ya naa kaa ku ce ile nɔ ku kpa nɔ ku bɛjɛ. Amma amu ǹ naai ku ba inɛ ŋa a ba kuwɛɛ nɔ a nɔɔ jiida jiida.

Laabaau jiida iyi Zãa í kɔ 10:12

Amma woo ce gaanɔɔma kù jɛ woo degbe jiida. Si bɛi angudã ŋau a kù jɛ titɛɛ, bii í hɔ̃nnɛ muusu nla wa naa á jɔ̀ angudã ŋaui ku sa, nɔ muusu nlau ku mu angudã ŋau nɔ iyi à gbe ŋau a fangaa.

Laabaau jiida iyi Zãa í kɔ 10:8

Baai amu baasi inɛ ŋa iyi à cuam wa fei ile bata ngba ŋai, amma angudã ŋau a kù gbɔ ide nŋa.