Zeremi 22:3 - Bibeli do fee

³ Bɛi Aɔ̃ Lafɛ̃ɛ í fɔ wee. Í ni, i ya ce iyi í tɛ do iyi í jɛ dee dee ŋa. I ya faaba inɛ iyi inɛ laalɔ ŋa à waa takii ŋa. I maà ya gba mii ndii inɛ njoo gɔ, nɔ i maà ya gba mii ndii kɔyɔ do abo jaaɔ̃ ŋa. I maà ya taa inɛ ŋa gbugbã, nɔ i maà ya dikã njɛi hai nɛ taale ŋa si inyau ihɛ̃ ŋa.

Zeremi 22:3 Iomraidhean Croise

Samuɛli 2, 23:3

Ilaaɔ̃ Lafɛ̃ɛi inɛi Izirɛli ŋa, nŋu iyi wa degbe ŋa, í sɔ̃m í ni, ilaalu iyi wa gbã inɛɛ ŋa do dee dee ku jɛ, nɔ wa mà bɛɛrɛi Ilaaɔ̃,

Ilaalu 2, 24:4

do si na iyi í jɔ̀ í dikã njɛi hai nɛ taale ŋa hee í kɔ̃ ilui Zeruzalɛmu. Nŋu ŋau bɛ feii í jɔ̀ Aɔ̃ Lafɛ̃ɛ kù bi ku ce nŋa suuru má.

Zɔɔbu 22:9

Ì ya jɔ̀ jaaɔ̃ ŋa iyi à naa sobi ku tɔɔɛ a nɛ awɔ ngbɛ nɔ ì ya taa kɔyɔ ŋa gbugbãi.

Zɔɔbu 24:9

Inɛ laalɔ ŋa à ya gba ama kɔyɔ ŋai do gbugbã. À ya bee hai nɛ ngɔgɔ gbese ŋa.

Iri ku kɔ̃ 68:5

I kɔ̃a Ilaaɔ̃ iri ŋa, i kɔ̃ iri na bɛɛrɛɛ ŋa. I teesea kpãa ŋa, nŋu iyi í gũ acĩ wa baa hai jĩijĩ. Aɔ̃ Lafɛ̃ɛi í jɛ iriɛ. I wɛɛò inɔ didɔ̃ ŋa si wajuɛ.

Iri ku kɔ̃ 82:4

I faaba hai nɛ gbugbã do ilu are ŋau ŋa. I gba ŋa hai si awɔi ilu inɔ kukã ŋau ŋa.

Iri ku kɔ̃ 94:21

À ya tɔtɔɔi si gãmɛi inɛ dee dee nɔ a yɛ taalei hai nɛ taale.

Iri ku kɔ̃ 94:6

À waa kpa jaaɔ̃ do inɛ njoo ŋa, nɔ à waa kpa kɔyɔ ŋa mɔ.

Kufita 22:21

I maà ya fɔ inɔi jaaɔ̃ ŋa do kɔyɔ ŋa.

Kufita 22:22

Bii ì waa fɔ inɔ nŋa ŋa nɔ à tɔɔm faaba, an gbɔ anu ku dɔ̃ nŋa.

Mɔnda ŋa 23:10

Maà tekĩò kɔɔ nwo. Maà lɔ si buɛi kɔyɔ ŋa,

Ezai 1:23

Inɛ ngboi Zeruzalɛmu ŋa, woo kɔ̀ ide ŋai, nɔ kpaasii ile ŋai. Amua ŋa iyi à sinda lasabu nŋai à ya bi ku gba, nɔ a ci ya kɔ̀ò kɔyɔ ŋa si gãmɛi mii ŋa iyi í nɛ ku jɛ tu ŋa. A ci ya gbɔa jaaɔ̃ ŋa baa bii à waa tɔɔ a sobi aŋa.

Ezai 58:6

Dimii anu ku dĩ iyi ǹ bii í jɛ, i fũ inɛ ŋa iyi à kpati do sesee si ngbɛ ngbɛ. Inɛ ŋa mɔ iyi asoi tilasi wa tɛ ŋa, i sɔ ŋa ŋa. Nɔ inɛ ŋa mɔ iyi à waa taa gbugbã, i faaba ŋa ŋa. Mii iyi wa mu lafɛ̃ɛ ŋa aru fei, i leekĩɛ ŋa.

Ezai 58:7

Mii iyi ì nɛ i cei í jɛ, i kpɛ̃ sɔndaɛ do inɛ iyi ari wa kpa, nɔ ilu are ŋa mɔ iyi a kù nɛ bi kuwa, i gbã ŋa i baaò ŋa wa kpasɛ̃ɛ. Inɛ mɔ iyi ì yɛ í wɛɛ basĩ, i bii anyiɛ, nɔ inɛ mɔ iyi iŋɛò ì jɛ ara akã, maà saa.

Zeremi 19:4

Ntɔ ntɔ, inɛi Zudaa ŋau à fũsim awɔi. À jɔ̀ inɛ ŋa a kù mà inyau ihɛ̃. Iwɛ̃ ŋai à ya maa joa tuae ku dɔ̃ inunu ŋa. Iwɛ̃ ŋau aŋa taka nŋa a kù mà ŋa, nɔ bala nŋa ŋa a kù mà ŋa, nɔ ilaalui Zudaa ŋau mɔ a kù mà ŋa. Nɔ à jɔ̀ inyau í kɔ̃i do njɛi inɛ ŋa iyi a kù nɛ taale kãma.

Zeremi 21:12

iŋɛ inɛi kpasɛ̃i Davidi ŋa. Aɔ̃ Lafɛ̃ɛ í ni, i ya kiiti dee dee hai daadaakɔ ŋa, nɔ i ya faaba inɛ ŋa iyi inɛ laalɔ ŋa à waa takii ŋa, ku ba idɔɔkɔ̃m ku maà na ku dede bɛi ina iyi a kaa yɔkɔ a kpa na kuce laalɔ nŋɛ ŋa.

Zeremi 22:17

Amma awɔ, idei irii araɛi ì waa ce, nɔ ì waa kpa hai nɛ taale ŋa. Ì waa kpã inɛ ŋa ijui ntɔ ntɔ.

Zeremi 26:16

Ŋɔi akawe ŋau do zamaau fei à sɔ̃ woo wee ŋau do walii ŋau fei à ni, inɛɛu ihɛ̃ kù nɛ ku ku má, domi ntɔ ntɔ, ide iyi Aɔ̃ Lafɛ̃ɛ nwa í sɔ̃ɔ wai í naa í sisi nwa.

Zeremi 5:28

À jɛ à ce ikpo, nɔ à kpa kaato. Laalɔ nŋa í caa. A ci ya kɔ̀ò kɔyɔ do ilu are. A ci ya na ŋa ntɔ, si mii iyi í jɛ tu ŋa. A ci ya jirima asaiya nŋa. Amma aŋa, wũa nŋa wa bɔ waju.

Zeremi 7:23

Amma ide iyi ǹ jilɛ nŋa wee. Ǹ sɔ̃ ŋai ǹ ni a ya sotĩ a gbɔ idem. Nɔ n jɛ Aɔ̃ Lafɛ̃ɛ nŋa, nɔ aŋa mɔ a jɛ zamaam ŋa. A nɛ si kpãa iyi an nyisi ŋa fei ku ba a nɛ inɔ didɔ̃ ŋa.

Zeremi 9:24

Ŋɔi Aɔ̃ Lafɛ̃ɛ í ni má, ajɔ wa naa si bii an na n naa si inɛ ŋa iyi à waa ni aŋa à ce bango ŋa.

Kukpata 3:36

waati iyi à cea inɛ gɔ kiiti hai jɛ dee dee, Aɔ̃ Lafɛ̃ɛ kù waa yɔɔi?

Ezekiɛli 18:12

bii wa takii ilu are ŋa do hai nɛ gbugbã ŋa, nɔ wa ce ile, bii ci ya sindo tɔɔma, nɔ ijuɛ si iwɛ̃ ŋa ku tɔɔ do laalɔ ŋa ku cei í ya wa,

Ezekiɛli 18:7

Inɛɛu ci ya takii inɛ ŋa, nɔ tɔɔma iyi í gba, í ya sindoi. Ci ya ce ile. Inɛ iyi ari wa kpa, í ya muaa sɔndai. Inɛ iyi í wɛɛ basĩ, í ya muaa jĩnɛi.

Ezekiɛli 22:7

Bi tu ŋɛ, inɛ ŋa à donda iyeò baa nŋa ŋa. Inɛ ŋa à ya maa takii inɛ njoo ŋa, nɔ à ya maa taa kɔyɔ ŋa do jaaɔ̃ ŋa gbugbãi.

Ezekiɛli 45:9

Ide iyi amu Aɔ̃ Lafɛ̃ɛ ǹ fɔ wee. Ǹ ni, iŋɛ amanlui Izirɛli ŋa í to i leekĩ do inɛ ŋa ku taa gbugbã do ile ku ce ŋa ŋa. I too ntɔ do dee dee ku jɛ ŋa. I maà ti i maa gba ilɛi inɛm ŋa bɛɛbɛ ŋa. Amu Aɔ̃ Lafɛ̃ɛi ǹ fɔ bɛɛbɛ.

Kuwee 19:15

I maà ya ce laalɔ si kiiti nŋɛ ŋa, i maà ce araarei inɛ na gbugbã hai nɛɛ baa bii kù nɛ ntɔ ŋa, nɔ i maà ce araarei inɛ gɔ mɔ si na iyi í jɔ̀ í jɛ inɛ nla. Amma i kiiti inɛ fei dee dee si bɛi í jɔ.

Amɔsu 5:15

I cé laalɔ ŋa nɔ i bi jiida ŋa, i jɔ̀ dee dee ku jɛ ku jɛ bomma bi ku ce kiiti nŋɛ ŋa. Á yɔkɔ ku jɛ do yaase bɛɛbɛ Aɔ̃ Lafɛ̃ɛi lele do ilɛ á ce araarei inɛi kpasɛ̃i Zozɛfu ŋa iyi à gbe.

Amɔsu 5:24

Amma i jɔ̀ ntɔ ku wɛɛ nŋɛ bɛi acãi inyi iyi ci ya da, nɔ dee dee ku jɛ nŋɛ mɔ ku jɛ bɛi acãi inyi hai nɛ kɔɔ.

Misee 3:11

Woo kiiti nŋɛ ŋa, kiiti iyi à waa ce fei do amua hai nɛ yaase ŋai. Woo wee nŋɛ ŋa, ikɔ nŋa do isãi. Walii nŋɛ ŋa, kuyɛ nŋa do fiai. Nɔ à waa ni, awa inɛi Aɔ̃ Lafɛ̃ɛ ŋai, laalɔ kaa ba wa, Aɔ̃ Lafɛ̃ɛ í wɛɛ do awa.

Misee 6:8

Awɔ amanɛ, à jɔ̀ ì mà mii iyi í jɛ jiida, do mii iyi Aɔ̃ Lafɛ̃ɛ í bi i ce. Í bi i ce mii iyi í tɛ, do mii iyi í jɛ dee dee, nɔ i maa nɛ do ara ku kaye do nŋu Ilaaɔ̃ Lafɛ̃ɛɛ.

Malasi 3:5

An naa si ŋɛi n na n kiiti ŋɛ. An dede si woo ce dobu dobu ŋa do woo ce sakara ŋa, do woo ce kugbasi si ibo ŋa do si inɛ ŋa iyi à waa taa woo ce icɛ ŋa iyi à nɛ a ba isã do jaaɔ̃ ŋa do kɔyɔ ŋa do isɛ mmu ŋa gbugbã, nɔ a kù mà bɛɛrɛm. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Matie 23:23

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa na Ilaaɔ̃ akã si mɛɛwa fei si nyaui ayɛ ŋa, amma ì waa gbɛjɛ mii iyi í la í re si wooda ŋa. Mii ŋaui í jɛ idɔɔbii Ilaaɔ̃ ku ce do araare ku nyisi do ilu naanɛ ku jɛ. Nŋu ŋau bɛi í jɔ i ce ŋa, nɔ i maà gbɛjɛ iyi í gbe ŋau.

Wooda ku kɔsi 10:18

Nŋui í ya kɔ̀ò kɔyɔ ŋa do abo jaaɔ̃ ŋa dee dee si bɛi í jɔ. Í bi inɛ njoo ŋa nɔ í ya mu nŋa sɔnda do ibɔ ŋa.

Wooda ku kɔsi 24:17

I maà ti i cea inɛ njoo walakɔ kɔyɔ gɔ kiiti ibo. Nɔ i maà gba acɔi abo jaaɔ̃ gɔ ku jɛ bɛi tɔɔma.

Wooda ku kɔsi 24:7

Bii inɛi Izirɛli gɔ í ce ilei inɛ gɔ si inɔi iŋɛ inɛi Izirɛli ŋau í koo wa jɛ aruɛ, walakɔ bii í jɛ í koo í taai, aa kpa lafɛ̃ɛi. Do yaase bɛɛbɛi aa nyaò laalɔu bɛ hai si anini nŋɛ.

Wooda ku kɔsi 25:1

Bii í jɛ inɛ ŋa à waa ja aŋa duusɔ̃ɔ nɔ à bɔ bi ku ce kiiti ku ba a kiiti nŋa, aa na inɛ iyi kù nɛ taaleu ntɔi nɔ à yɛ taalei inɛ iyi í nɛ taaleu.

Wooda ku kɔsi 27:19

Ikpei á jɛ ti inɛ iyi kù cea inɛ njoo kiiti dee dee, walakɔ kɔyɔ walakɔ inaabo jaaɔ̃ gɔ. Nɔ zamaau fei á jɛi ku ni, ami.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.