Zeremi 22:2 - Bibeli do fee

² sotĩ i gbɔ ide iyi Aɔ̃ Lafɛ̃ɛ wa fɔ awɔ ilaalui Zudaa iyi ì waa buba si kitãi bommai Davidi, awɔ do woo ce icɛɛ ŋa do inɛɛ ŋa iyi à ya lɔ inɔ kabai bommaɛu.

Zeremi 22:2 Iomraidhean Croise

Ilaalu 1, 22:19

Ŋɔi Misee í ni, i sotĩ i gbɔ ide iyi Aɔ̃ Lafɛ̃ɛ wa fɔ. Ǹ yɛ Aɔ̃ Lafɛ̃ɛ wa buba si kitãi bommaɛ nɔ soogei lelei Aɔ̃ ŋau fei à wa kɔkɔɛ canga do njɛɛ.

Ezai 1:10

Iŋɛ inɛ ngbo laalɔ ŋa iyi ì yɛ bɛi inɛi Sodomu ŋa, i sotĩ i gbɔ bɛi Aɔ̃ Lafɛ̃ɛ wa fɔ ŋa. Nɔ iŋɛ zamaa ŋau mɔ, iŋɛ iyi ì jɛ inɛ laalɔ bɛi inɛi Gomɔɔ ŋau, i sotĩ i gbɔ ikɔi Ilaaɔ̃ Lafɛ̃ɛ nwau ŋa.

Ezai 28:14

Na nŋu, iŋɛ woo yaako inɛ ŋau, iŋɛ iyi ì waa jɛ inɛ ngboi zamaau Zeruzalɛmu bɛ, i sotĩ i gbɔ idei Aɔ̃ Lafɛ̃ɛ ŋa.

Ezai 9:7

Aɔ̃ Lafɛ̃ɛ í fɔ si tɔkui Zakɔbu ŋa ide, nɔ ideu í cuku si ŋa aŋa inɛi bommai Izirɛli ŋau.

Zeremi 13:18

Sɔ̃ ilaalu do iyeɛ i ni, i buba ilɛ ŋa, domi fulai amanlu nŋɛ iyi í nɛ booda kusĩau í nya í cuku hai si iri nŋɛ.

Zeremi 19:3

Aa sɔ̃ ŋai i ni, i sotĩ i gbɔ idei Aɔ̃ Lafɛ̃ɛ iŋɛ ilaalui Zudaa ŋa do iŋɛ inɛi Zeruzalɛmu ŋa. Bɛi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í ni wee. Í ni, an jɔ̀ wahala ku naa si inyau ihɛ̃. Inɛ ŋa iyi aa gbɔ ibai kunaaɛu wa fei, aa gbɔɔi bɛi ibai kulai ijĩ.

Zeremi 22:1

Ŋɔi Aɔ̃ Lafɛ̃ɛ í sɔ̃ Zeremi má í ni, bɔ kpasɛ̃i ilaalui Zudaa nɔ i fɔ i ni,

Zeremi 22:4

Bii ì dasi idɔ i ceò ide ŋa iyi ǹ wa n sɔ̃ ŋɛu ihɛ̃ icɛ ŋa, aa ba ilaalu ŋa iyi aa buba si kitãi bommai Davidiu nɔ aa ya maa nɛ do acĩ walakɔ do sarɛti iyi acĩ ŋa à waa fa. Aa ya yɔkɔ a maa lɔ inɔ kabai bommau aŋa do akawe nŋa ŋau do zamaai ilɛu.

Zeremi 29:20

Amma nsɛi iŋɛ fei i gbɔ ŋa, iŋɛ iyi Aɔ̃ Lafɛ̃ɛ í jɔ̀ à mu ŋɛ hai Zeruzalɛmu à nɛò Babilɔni, i gbɔ ide iyi Aɔ̃ Lafɛ̃ɛ wa sɔ̃ ŋɛ ŋa.

Zeremi 34:2

koo i ba Sedesiasi ilaalui Zudaa ide ku fɔ i sɔ̃ɔ i ni, Aɔ̃ Lafɛ̃ɛ í ni nŋu á so iluu ihɛ̃ nŋu ku daa ilaalui Babilɔni si awɔ ku ba ku ce nfeɛ do ina.

Zeremi 36:30

Na nŋu, ide iyi Aɔ̃ Lafɛ̃ɛ í fɔ si gãmɛi Zoakimu ilaalui Zudaau wee. Í ni, dimiɛ kãma kaa buba si batai bommai Davidiu má, nɔ dasã ikuɛ á maa wai si inya gbãa, idũ mɔ si tũtũ.

Zeremi 7:2

koo leekĩ andɛ gamboi kpasɛ̃i Aɔ̃ Lafɛ̃ɛ. Nɔ i fɔ ideu ihɛ̃ tengi bɛ i ni, i sotĩ i gbɔ idei Aɔ̃ Lafɛ̃ɛ ŋa, iŋɛ inɛi Zudaa ŋa fei iyi ì waa lɔò wa do anu koofa ŋau ihɛ̃ ku ba i sɛɛbataa Aɔ̃ Lafɛ̃ɛ ŋa.

Ezekiɛli 34:7

Na nŋu, iŋɛ woo degbei Izirɛli ŋau, i sotĩ i gbɔ iyi amu Aɔ̃ Lafɛ̃ɛ ǹ wa n fɔ ŋa.

Amɔsu 7:16

Nsɛi sotĩ i gbɔ idei Aɔ̃ Lafɛ̃ɛ, awɔ iyi ì ni, maà ce walii si inɛi Izirɛli ŋa, maà ce ide nkpɔ si kpasɛ̃i Izaaki.

Luku 1:32

Á na ku jɛ inɛ nla. Amai Ilaaɔ̃i aa ya kpoo, nŋu iyi kù nɛ saa. Aɔ̃ Lafɛ̃ɛ á coo ilaalu, á náa bommai Davidi balaɛ.