Zeremi 21:9 - Bibeli do fee

⁹ Inɛ iyi í gbe si iluu, taakubai á kpaa, walakɔ ari walakɔ patapoo. Amma inɛ iyi í fita í koo í na inɛi Kaladee ŋa iyi à bu iluu koeu araɛ, lafɛ̃ɛi á fita si, nɔ iyi bɛi á jɛ amaniɛ iyi í ba.

Zeremi 21:9 Iomraidhean Croise

Zeremi 14:12

Baa bii à waa tɔɔm do anu ku dĩ, n kaa n gbɔ anu ku dɔ̃i inɔ kufɔ nŋa. Nɔ baa bii à waa ceem kuwee iyi à ya jo si ina fei sãa sãa do amua ŋa, n kaa n gba, domi ǹ wa n bi n ce nfe nŋai do taakuba do ari do bɔ̃ɔ ŋa iyi á kpa ŋa.

Zeremi 21:7

Nɔ Aɔ̃ Lafɛ̃ɛ í ni má, Sedesiasi ilaalui Zudaau do akaweɛ ŋa do inɛi ilu ŋa iyi aa fita si patapoou, do inɛ ŋa iyi aa fita si igũu do ari iyi á ceu, an so ŋai n daa Nebukanɛsaa ilaalui Babilɔniu si awɔ. Ntɔ ntɔ an so ŋai n daa mbɛɛ nŋa ŋa iyi à waa dɛ ku kpa ŋau si awɔ. Nɔ Nebukanɛsaa á kpa ŋai, kaa ce araare nŋa, nɔ kaa jɔ̀ baa inɛ akã ku fita si. Kaa ce araarei inɛ kãma nŋa.

Zeremi 24:10

An jɔ̀ inɛ ŋa a naa si ŋa igũi do taakuba, nɔ ari do patapoo hee a koo a kpaò iri hai si ilɛ iyi ǹ na aŋa do bala nŋa ŋau.

Zeremi 27:11

Amma Aɔ̃ Lafɛ̃ɛ í ni, dimi iyi í jɛsi nŋu ku so zuugu iyi ilaalui Babilɔni í kãa nŋuu, nɔ wa sũaa iri ilɛ, an jɔ̀ɛi ku buba si ilɛɛu nɔ ku maa logooɛ.

Zeremi 27:12

Ide bɛɛbɛ ŋai ǹ sɔ̃ Sedesiasi ilaalui Zudaau cau cau. Ǹ sɔ̃ɔi ǹ ni, i toa ilaalui Babilɔni kɔ̃ɔ nŋɛ ŋa ku da nŋɛ si zuugu. I ceaa icɛ ŋa nŋu do zamaaɛu ku ba i maa wɛɛ si hunde ŋa.

Zeremi 27:13

Na mii í ce aa jɔ̀ i ku awɔ do inɛɛ ŋa si igũ do si ari do si bɔ̃ɔ bɛi Aɔ̃ Lafɛ̃ɛ í fɔ si gãmɛi dimi iyi kù jɛ ku sũa ilaalui Babilɔni iri ilɛ.

Zeremi 38:2

Aɔ̃ Lafɛ̃ɛ í fɔ í ni, inɛ baa yooma iyi í gbe si inɔ iluu ihɛ̃ fei, á kui si igũ, walakɔ do ari, walakɔ si patapoo. Amma inɛ iyi í fita í koo í na inɛi Kaladee ŋa araɛ, lafɛ̃ɛ á ba ku fita si nɔ kuwɛɛɛ ku baa ku jɛaa bɛi mii iyi inɛ í ba wa hai bi ku ce igũ, nɔ á maa wɛɛ si hunde.

Zeremi 38:3

Ntɔ ntɔ Aɔ̃ Lafɛ̃ɛi wa fɔ í ni, nŋu á so iluu ihɛ̃i nŋu ku daa soogei ilaalui Babilɔni ŋau si awɔ nɔ a gbaa.

Zeremi 39:18

Amui an jɔ̀ i fita si a maà kpaɛ nɔ i wɛɛ si hunde, domi ì dasi amu Aɔ̃ Lafɛ̃ɛ naanɛ.

Zeremi 45:5

Ŋɔi awɔ ì jɛ ì waa bee ngɔgɔ iyi í jɛ ti aranfãanii araɛ? Maà bee nkãma, domi wahala iyi an jɔ̀ ku naau, á tosi mii iyi wa mí si hunde feii. Amu Aɔ̃ Lafɛ̃ɛi ǹ fɔ bɛɛbɛ. Amma do nŋu fei, mii iyi an jɔ̀ i ba wee. An jɔ̀ hundeɛ ku ya fita sii tengi bii ì waa bɔ fei.

Ezekiɛli 5:12

Bii à kpɛ̃ zamaai iluu ikɔ mɛɛta, sinteu á kui do bɔ̃ɔ do ari iyi á ce si inɔ iluu. Minjisiau do taakubai aa kpa ŋa si anyii iluu a kaakoɛ. Mɛɛtasiau mɔ an fangaa ŋai bii fei si andunyau nɔ n maa n lele ŋa do taakubam.