Zeremi 21:7 - Bibeli do fee

⁷ Nɔ Aɔ̃ Lafɛ̃ɛ í ni má, Sedesiasi ilaalui Zudaau do akaweɛ ŋa do inɛi ilu ŋa iyi aa fita si patapoou, do inɛ ŋa iyi aa fita si igũu do ari iyi á ceu, an so ŋai n daa Nebukanɛsaa ilaalui Babilɔniu si awɔ. Ntɔ ntɔ an so ŋai n daa mbɛɛ nŋa ŋa iyi à waa dɛ ku kpa ŋau si awɔ. Nɔ Nebukanɛsaa á kpa ŋai, kaa ce araare nŋa, nɔ kaa jɔ̀ baa inɛ akã ku fita si. Kaa ce araarei inɛ kãma nŋa.

Zeremi 21:7 Iomraidhean Croise

Ezai 27:11

Waati iyi amaawɔi jĩi ŋau à gbɛ, à ya cɛi. Inaabo ŋa à ya naa a kooi a koo a koò ina. Ntɔ ntɔ inɛ ŋau a kù nɛ bisi kãma. Nɔ na ŋɔi í jɔ̀ inɛ iyi í taka ŋau kù nɛ araare nŋa má, nɔ kù bi ku ce nŋa didɔ̃ gɔ má.

Ezai 47:6

Idɔm í kɔ̃i wo si inɛm ŋau, nɔ ǹ jɔ̀ anyɔ í mu ŋa. Ǹ so ŋai wo ǹ daaɛ si awɔɛ ŋa. Amma i kù ce araare nŋa baa keeke. Ì jɔ̀ aso kuwo í tɛ mɔkɔ ngbo ntɔ ntɔ.

Zeremi 13:14

An so ŋai n gãmɔ ŋa si njɛ nɔ a lɛgɛ yabi yabi. An gãmɔ iyeò baa ŋai do amu ŋa ajɔ. Amu Aɔ̃ Lafɛ̃ɛi ǹ fɔ bɛɛbɛ. N kaa n jɔ̀ inɛ kãma ku fita si. Nɔ n kaa n ce araare nŋa. Nkãma kaa nɔ ku ganjim n kpa ŋa.

Zeremi 14:12

Baa bii à waa tɔɔm do anu ku dĩ, n kaa n gbɔ anu ku dɔ̃i inɔ kufɔ nŋa. Nɔ baa bii à waa ceem kuwee iyi à ya jo si ina fei sãa sãa do amua ŋa, n kaa n gba, domi ǹ wa n bi n ce nfe nŋai do taakuba do ari do bɔ̃ɔ ŋa iyi á kpa ŋa.

Zeremi 15:5

Ŋɔi Aɔ̃ Lafɛ̃ɛ í ni, inɛ kãma kù wɛɛ iyi á ce araarei Zeruzalɛmu má, nɔ inɛ kãma kù wɛɛ iyi á kpata na iriɛ má, nɔ inɛ kãma kaa maa bitandi araɛ ku maa bee laabaauɛ ŋa má.

Zeremi 15:9

Abo iyi à mà bɛɛrɛɛ wo si na iyi í jɔ̀ í bí ama mɛɛje, kù jɛ nkãma má. Í wɛɛò inɔ kufɔ na ikui amaɛ ŋa. Anyɔ do bɛɛrɛ hai nɛi í jɛ tɛɛ. Inɛ ŋa iyi à gbe ŋau, an jɔ̀ mbɛɛ nŋa ŋa a kpa ŋai do taakuba. Amu Aɔ̃ Lafɛ̃ɛ, amui ǹ fɔ bɛɛbɛ.

Zeremi 19:7

Si inyau bɛi an kpa irii kucei inɛi Zudaa do ti inɛi Zeruzalɛmu ŋau. An jɔ̀ a dasi awɔi mbɛɛ nŋa ŋai do si awɔi woo yɛ taale nŋa ŋa, nɔ a kpa ŋa do taakuba. Yɛi ŋa do mɛɛmui sako ŋai an jɔ̀ a jɛ iku nŋa ŋa.

Zeremi 20:4

domi Aɔ̃ Lafɛ̃ɛ í ni, zigiidai an dasiɛ awɔ do kpaasiɛ ŋa fei. Taakubai mbɛɛ nŋa ŋai á ce ŋa nfe, nɔ awɔ takaɛ aa maa yɔɔ. An so inɛi Zudaa ŋa mɔ feii n daa ilaalui Babilɔni si awɔ, nɔ ku mu ŋa ku nɛò ŋa ilɛi Babilɔni koo kpa ŋa.

Zeremi 22:25

An soɛ n dasiɛ si awɔi inɛ ŋa iyi à waa dɛdɛ ku kpaɛ, inɛ ŋa iyi ì ya maa yaya si waju nŋa ŋau. An jɔ̀ i dasi awɔi Nebukanɛsaa ilaalui Babilɔni do si awɔi inɛi Kaladee ŋa.

Zeremi 27:6

Nsɛi bɛbɛi, ilɛ ŋau bɛ fei, an so ŋai n daa Nebukanɛsaa ilaalui Babilɔni woo ce icɛm nɔu si awɔ. Mɛɛmui sako ŋau mɔ, an so ŋai n daa si awɔ ku ba a maa cea icɛ.

Zeremi 32:4

Na mii í jɔ̀ ì fɔ ì waa ni, Sedesiasi ilaalui Zudaau kaa fita si awɔi inɛi Kaladee ŋau, amma kù nɛ sika kãma, aa muui a daa ilaalui Babilɔniu si awɔ. Á baa ide ku fɔi, nɔ aŋaò aa yɛ njɛ ijuò iju.

Zeremi 34:3

Nɔ i kaa ba i fita hai si awɔɛ, amma aa muɛi a daa si awɔ. Awɔ do ilaalui Babilɔniu aa yɛ njɛ ŋai ijuò iju. Iŋɛò aa fɔ ide ŋai gɛlɛò gɛlɛ, nɔ aa nɛ ilɛi Babilɔnii.

Zeremi 36:29

Si gãmɛi Zoakimu ilaalui Zudaau aa fɔi i ni, Aɔ̃ Lafɛ̃ɛ í ni, awɔ Zoakimu awɔi ì jo tia iyi à kɔu. Nɔ ì ni, Zeremi na mii í ce ì kɔ ide ŋau ihɛ̃ ì ni ilaalui Babilɔni á naa kù nɛ sika kãma, á lɛgɛ iluui nɔ ku ce nfei amanɛ do mɛɛmu ŋa fei.

Zeremi 37:17

Ŋɔi ilaalu Sedesiasi í jɔ̀ à kpoo wa, nɔ í gbãa í bɔò kabaɛ í koo í beeɛ ide si asii, í ni, Aɔ̃ Lafɛ̃ɛ í fɔ ide gɔ? Nɔ Zeremi í jɛaa í ni, oo. Aa dasi awɔi ilaalui Babilɔni.

Zeremi 50:17

Izirɛli í yɛi bɛi angudã iyi í nyɔ, iyi muusu nla ŋa à lele. Nɔ ilaalui Asirii í jɛ inɛ sinte iyi í ŋɔɔ. Nɔ inɛ ankãanyi iyi í lɛgɛ kũkũɛ ŋai, í jɛ Nebukanɛsaa ilaalui Babilɔni.

Kukpata 2:20

Aɔ̃ Lafɛ̃ɛ, cɔ nɔ i yɛ inɛ iyi ì waa cea dimi bɛɛbɛ. Aa jɔ̀ ku to hee inaabo ŋa a maa ŋɔ ama nŋa ŋa iyi à bí? Inaabo ŋau à nɛ kubii ama nŋa ŋa iyi à bí ŋau jiida jiida. Aa kpa woo wee ŋa do walii ŋau fei si inɔ kpasɛ̃ɛi?

Kukpata 2:22

Inɛ ŋa iyi à jɔ̀ njo wa mum ŋau, ì kpe ŋa wai hai bii fei bɛi si ajɔi jingau nla gɔ. Aɔ̃ Lafɛ̃ɛ, si ajɔi idɔɔkɔ̃ɛu inɛ kãma kù fita si, inɛ gɔ kù gbe si hunde. Amu ŋa iyi ǹ bi jiida jiida, nɔ ǹ bíi ŋau, mbɛɛm nɔu í ce nfe nŋai mam mam.

Ezekiɛli 23:28

Amu Aɔ̃ Lafɛ̃ɛ ǹ ni, an soɛi n dasiɛ si awɔi inɛ ŋa iyi i kù bi do inɛ ŋa iyi ì céu.

Ezekiɛli 7:9

N kaa n cɔ ŋɛ n ce araare nŋɛ, nɔ inɛ kãma kaa fita si. An sã nŋɛi bɛi isɛɛnɛ nŋɛ í to. An jɔ̀ kuce laalɔ nŋɛ ŋau a fita gbugbãai nɔ aa mà ŋa iyi amui ǹ jɛ Aɔ̃ Lafɛ̃ɛ iyi wa kpã ŋɛ iju.

Ezekiɛli 8:18

Amu mɔ an naa si ŋai do idɔɔkɔ̃ nla nla, nɔ n kaa n cɔ ŋa n ce araare nŋa. N kaa n jɔ̀ inɛ gɔ ku fita si. Waati iyi aa maa dɔ̃ sim anu, n kaa n gbɔ nŋa.

Ezekiɛli 9:10

Na nŋu, amu mɔ n kaa n ce araare nŋa, n kaa n jɔ̀ inɛ gɔ ku fita si. Daa iyi à ce, si iri nŋai á cuku si.

Wooda ku kɔsi 28:50

Inɛ ŋau aa gaabui ntɔ ntɔ. A kaa mà jirimai mɔkɔ ngbo ŋa, nɔ a kaa nɛ araarei ama keeke ŋa.