Zeremi 21:6 - Bibeli do fee

⁶ An cã inɛi ilu ŋaui hai amanɛ ŋa do mɛɛmu ŋa, nɔ aŋa fei aa kui na patapoo iyi á naa si ŋa.

Zeremi 21:6 Iomraidhean Croise

Kusintii Andunya 6:7

Nɔ í ni, an kpa irii mii iyi ǹ taka fei si andunyau ihɛ̃i. Hai amanɛ do mɛɛmu ŋa do iŋa hai nɛ nto ŋa hee do yɛi ŋa fei an kpa ŋai domi inɔm í ya maa fɔi do iyi ǹ takaò mii ŋau bɛ fei.

Ezai 6:11

Ŋɔi ǹ bee ǹ ni, hee waati yooma Aɔ̃ Lafɛ̃ɛ. Nɔ í jɛɛm í ni, hee bii à ce nfei ilu ŋau nɔ zamaa kãma kù wa si, nɔ inɛ kãma kù gbe si kpasɛ̃ ŋau hee ilɛu ku baa ku kpɔò bomma.

Zeremi 14:12

Baa bii à waa tɔɔm do anu ku dĩ, n kaa n gbɔ anu ku dɔ̃i inɔ kufɔ nŋa. Nɔ baa bii à waa ceem kuwee iyi à ya jo si ina fei sãa sãa do amua ŋa, n kaa n gba, domi ǹ wa n bi n ce nfe nŋai do taakuba do ari do bɔ̃ɔ ŋa iyi á kpa ŋa.

Zeremi 16:4

Bɔ̃ɔ á kpa ŋai. A kaa si ŋa, nɔ a kaa ce akũ nŋa. Aŋai aa baa a jɛ bɛi taasii ilɛ, nɔ aa kui si igũ walakɔ ari ku kpa ŋa. Nɔ mɛɛmui sako ŋa do yɛi ŋai aa jɛ iku nŋa.

Zeremi 20:4

domi Aɔ̃ Lafɛ̃ɛ í ni, zigiidai an dasiɛ awɔ do kpaasiɛ ŋa fei. Taakubai mbɛɛ nŋa ŋai á ce ŋa nfe, nɔ awɔ takaɛ aa maa yɔɔ. An so inɛi Zudaa ŋa mɔ feii n daa ilaalui Babilɔni si awɔ, nɔ ku mu ŋa ku nɛò ŋa ilɛi Babilɔni koo kpa ŋa.

Zeremi 32:24

Nsɛi inɛ ŋa à waa bi a kɛkɛ idĩ ŋau ku ba a gba iluu. Iluu á dasi awɔi inɛi Kaladee ŋa iyi aa naa a cuku siɛ a jɔɔ igũi, nɔ ari do bɔ̃ɔi á kpa inɛi ilu ŋa. Ide iyi ì ce waliiɛu, nŋui í to wa bɛ, ì nɔ ì waa yɔɔ.

Zeremi 33:12

Ide iyi Aɔ̃ Lafɛ̃ɛi lele do ilɛ í nyi í fɔ má wee. Í ni, si ilɛ iyi í gbe ngbɛu ihɛ̃ bii amanɛ kù wa hee má jɛ mɛɛmuu ihɛ̃, do si iluɛ ŋau fei, inya á nyi ku wɛɛ má ti woo degbe ŋa iyi aa maa degbe iwo nŋa ŋa do angudã nŋa ŋa do laakai ku sũ.

Zeremi 34:17

Na ŋɔi í jɔ̀ Aɔ̃ Lafɛ̃ɛ í sɔ̃ ŋa í ni, i kù jirimam ŋa si gãmɛi kpaasi nŋɛ ŋa do inɛi kɔkɔ nŋɛ ŋa iyi ì ni aa jɔ̀ ŋa a nɛ ara nŋa ŋau ŋa. Na nŋu, amu Aɔ̃ Lafɛ̃ɛ ǹ wa n sɔ̃ ŋɛi iyi an naa nŋɛ ara ku nɛ wa do wahala dimi ikã ikã baa yooma fei. Hai igũ do patapoo do ari. Nɔ an jɔ̀ kuwɛɛ nŋɛ ku jɛaa bomma ŋa iyi à wa si andunya fei zigiidai.

Zeremi 36:29

Si gãmɛi Zoakimu ilaalui Zudaau aa fɔi i ni, Aɔ̃ Lafɛ̃ɛ í ni, awɔ Zoakimu awɔi ì jo tia iyi à kɔu. Nɔ ì ni, Zeremi na mii í ce ì kɔ ide ŋau ihɛ̃ ì ni ilaalui Babilɔni á naa kù nɛ sika kãma, á lɛgɛ iluui nɔ ku ce nfei amanɛ do mɛɛmu ŋa fei.

Zeremi 42:22

Na nŋu nsɛi, i jɔ̀ i mà sãa sãa iyi aa ku ŋai si igũ, nɔ ari mɔ á kpa ŋɛ, walakɔ mɔ aa ku ŋai si patapoo iyi á naa si inya bii ì waa bi i koo i buba ŋau.

Zeremi 7:20

Na nŋu, amu Aɔ̃ Lafɛ̃ɛ ǹ ni, an jɔ̀ idɔɔkɔ̃ nlam ku naa si inyau, do si inɛ ŋa do si mɛɛmu ŋa do si jĩi ndii iko ŋa do si amaajɛi ilɛ ŋau. Á yɛi bɛi ina iyi á maa jo nɔ kaa ku.

Ezekiɛli 12:16

Amma si inɔ nŋa an jɔ̀ inɛ gɔ ŋa a fita si igũu do si ariu do si patapoou, ku ba a jɛa inɛi ilɛ ŋa bii aa koo a waò sɛɛdai mii laalɔ ŋa iyi aŋa à ce. Nɔ do yaase bɛɛbɛ, aŋa mɔ aa mà iyi amui ǹ jɛ Aɔ̃ Lafɛ̃ɛ.

Ezekiɛli 14:13

awɔ amanɛ, bii inɛi ilɛ gɔ ŋa à ce dulum à ce mii iyi kù jɛ dee dee si gãmɛm, an nyisi ŋa gbugbãm. An jɔ̀ sɔnda kaa wɛɛ nŋa. Arii an jɔ̀ ku naa si ŋa, nɔ n jɔ̀ a ku aŋa do mɛɛmu nŋa ŋa fei.

Ezekiɛli 14:17

Bii ǹ jɔ̀ à naa si ŋa igũ, nɔ ǹ jɔ̀ à kpa amanɛ ŋa hee do mɛɛmu ŋa fei si ilɛu,

Ezekiɛli 14:19

Bii ǹ jɔ̀ patapoo í naa si ilɛu nɔ ǹ jɔ̀ í ce nfei amanɛ ŋa do mɛɛmu ŋa n nyisiò idɔɔkɔ̃m,

Ezekiɛli 14:21

Si anyiɛ Aɔ̃ Lafɛ̃ɛ í ni, wahala nla nla mɛɛi ǹ jɔ̀ í naa si Zeruzalɛmu. Wahala ŋau wee. Igũ do ari do mɛɛmu kugaabu ŋa do patapoo ku ba n ce nfei hai amanɛ ŋa hee do mɛɛmu ŋa fei.

Ezekiɛli 33:27

Na nŋu, sɔ̃ ŋa iyi amu Aɔ̃ Lafɛ̃ɛ ǹ fɔ ǹ ni, hee do kuwɛɛm fei, inɛ ŋa iyi à wa si ilu ŋa iyi à lɛgɛu, aa kpa ŋai do taakuba. Inɛ ŋa iyi à wa inɔ sako, mɛɛmui sako ŋai aa kpa ŋa. Inɛ ŋa mɔ iyi à waa manji si iri kuta ŋa do si isai kuta ŋa, bɔ̃ɔi á kpa ŋa.

Ezekiɛli 33:29

Waati iyi an jɔ̀ ilɛu ku kpɔò bomma mam mam n kpãò inɛi Izirɛli ŋa iju na daa sãmi nŋa, waati nŋui aa mà iyi amui ǹ jɛ Aɔ̃ Lafɛ̃ɛ.

Ezekiɛli 7:15

Si anyii iluu igũi á maa ce. Nɔ si inɔ iluu mɔ patapoo do arii á wa si. Inɛ iyi í wa iko á kui si igũ. Inɛ iyi í wa inɔ ilu, ari do bɔ̃ɔi á kpaa.

Ozee 4:3

Na nŋu, ilɛu si inɔ kufɔi ikui á wa si. Inɛ ŋa iyi à wa si ilɛu fei aa gbɛi aŋa do mɛɛmui sako ŋau do yɛi ŋa. Baa cɛ̃ɛi inɔ tenku ŋa aa kpa irii mam mam.

Misee 3:12

Na nŋu, na iri nŋɛ, Siɔ̃ɔ á yɛi bɛi ilɛ iyi à fa. Zeruzalɛmu á kpɔò bomma. Nɔ bɛɛbɛi iri kuta kumá bii kpasɛ̃i Ilaaɔ̃ í wau á baa ku yɛi bɛi agbo.

Sofoni 1:3

An kpa amanɛ ŋai do mɛɛmu ŋa. An kpa yɛi ŋai hee do cɛ̃ɛ ŋa fei. An kpa inɛ laalɔ ŋai hee do icɛ nŋa ŋa iyi wa naaò isɛ ku ko wau fei. N kaa n jɔ̀ inɛ kãma si andunya ihɛ̃.

Luku 21:24

Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.