Zeremi 21:5 - Bibeli do fee

⁵ Nɔ amu takam nii an ba ŋɛ ku ja nɔ n nyisi ŋɛ gbugbãm si idɔɔkɔ̃ nla nlam nɔu.

Zeremi 21:5 Iomraidhean Croise

Kufita 6:6

Na nŋu, koo sɔ̃ inɛi Izirɛli ŋa i ni amui ǹ jɛ Aɔ̃ Lafɛ̃ɛ. An nya ŋa hai si icɛ kugaabu ŋa iyi inɛi Ezibiti ŋa à dasi ŋa nɔ n nya ŋa má hai si aru ku jɛ. Nɔ do gbugbãm an dasi inɛi Ezibiti ŋa wahala nla nla ku ba n ya inɛi Izirɛli ŋa.

Kufita 9:15

Bii ǹ bi wo an yɔkɔ n dasiɛ bɔ̃ɔ, nŋu do inɛɛ ŋa, nɔ bii í wa wo, kaa wa si ilɛ má.

Ezai 10:4

Aa yɛ ijuukpã ŋai do inɛ ŋa iyi aa mu si igũ, walakɔ mɔ aa ku ŋai. Amma do nŋu fei idɔɔkɔ̃i Aɔ̃ Lafɛ̃ɛ kaa sũ. Awɔɛ á kɔ̀ ku maa wa lelei ku ba ku kpã ŋɛ iju.

Ezai 5:25

Ŋɔi idɔi Aɔ̃ Lafɛ̃ɛ í kɔ̃ si inɛɛ ŋau hee í caa nɔ í cã ŋa. Iri kuta ŋa à yaya, nɔ inɛ ŋa iyi à ku ŋa à waa sũ itĩ kpãa ŋa bɛi mii riisi ŋa. Nɔ do nŋu fei idɔɔkɔ̃ɛu kù sũ, ijuukpãu í mɔsi wa koo.

Ezai 63:10

Amma à jɛ woo kɔ̀ ide ŋa nɔ à fɔ inɔi hunde kumáɛ. Na ŋɔi í jɔ̀ í sinda í ce araɛ mbɛɛ nŋa nɔ nŋu takaɛ í lɔsi ku ba ŋa ja.

Ezai 9:12

Do yaase bɛɛbɛi Ilaaɔ̃ í kpã ŋaò iju, amma do nŋu fei, a kù sinda a kù nyi bi tɛɛ nŋu iyi í jɛ Aɔ̃ Lafɛ̃ɛi lele do ilɛ.

Ezai 9:17

Ntɔ ntɔ inɔ sãmi í ya jo mii ŋai bɛi ina í ya jo agũ dimi ikã ikã ŋa. Nɔ bɛi agbo í la í toò fei, í ya jooi. Cuaɛ í ya dedei hee lele.

Zeremi 32:17

Aɔ̃ Lafɛ̃ɛ, awɔi ì ce lele do ilɛ do gbugbã nla nlaɛ. Nkãma kù gaabu bi titɛɛ.

Zeremi 32:37

Amma ntɔ ntɔ amu Aɔ̃ Lafɛ̃ɛ an tɔtɔɔ ŋa wa má hai bii si idɔɔkɔ̃ nla nlam ǹ fangaa ŋa ǹ jɔ̀ à nɛò. An baaò ŋa wa si inyau ihɛ̃ má, nɔ n jɔ̀ a buba do laakai ku sũ.

Zeremi 36:7

Á yɔkɔ ku jɛ aa tɔɔ Aɔ̃ Lafɛ̃ɛ nɔ aŋa fei a sinda wa a jɔ̀ kuce laalɔ nŋa ŋau, domi idɔɔkɔ̃ nla nlai Aɔ̃ Lafɛ̃ɛ í wɛɛò si gãmɛi zamaau bɛ.

Zeremi 37:10

Nɔ mɔm baa bii ì jɛ soogei Kaladee ŋau fei igũ ì mɛɛ ŋa ŋa, aŋa fei aa nyi a dede má hai ilei acɔ nŋa ŋa nɔ a dasi iluu ihɛ̃ ina.

Zeremi 6:12

Kpasɛ̃ nŋa ŋau do iko nŋa ŋa do abo nŋa ŋa aa baa a jɛ ti inɛ mmu ŋai waati iyi an le si inɛi ilɛ ŋau awɔ. Amu Aɔ̃ Lafɛ̃ɛi ǹ fɔ bɛɛbɛ.

Kukpata 2:3

Si idɔɔkɔ̃ nlaɛ, í kɛkɛ mii iyi í jɛ gbugbãi Izirɛli fei. Í fa awɔ gbugbãɛi, waati iyi mbɛɛ í to wa. Í dasi bi kuwai inɛ ŋau ina, nɔ inau í jo í kaakoɛ fei mam mam.

Ezekiɛli 39:3

Si anyiɛ, an cã biooɛ hai si awɔ cangaɛ n nyɔɔ ilɛ. Nɔ afaɛ ŋa aa cukui hai si awɔ njɛɛ.

Ezekiɛli 5:8

Na nŋu, amu Aɔ̃ Lafɛ̃ɛ ǹ ni, an dede si aŋa inɛi Zeruzalɛmu ŋaui n kpã ŋa iju si wajui dimi mmu ŋau.

Wooda ku kɔsi 4:23

Na nŋu, i ce laakai ŋa ku ba i maà ti i gbɛjɛ akabuu iyi Aɔ̃ Lafɛ̃ɛ nŋɛ í dĩ do iŋɛ, nɔ i maà gbea ara nŋɛ nkãma ku jɔ ngɔgɔ iyi Aɔ̃ Lafɛ̃ɛ í ganji i ce ŋau,

Wooda ku kɔsi 4:34

Mà iwɛ̃ gɔ í lasabu baa ajɔ akã nŋu ku naa ku nya inɛi nŋu ŋa wa hai si awɔi mbɛɛ nŋa ŋa do laakai ku cɔ gɔ ŋa do sɛɛda gɔ ŋa do maamaake gɔ ŋa do nyinda gɔ ŋa do igũ do gbugbã nla nla iyi á jɔ̀ njo ku mu inɛ ŋa bɛi Aɔ̃ Lafɛ̃ɛ nŋɛ í ce ilɛi Ezibiti si waju nŋɛ?