Biblia Todo Logo
Bìoball air-loidhne

- Sanasan -




Zeremi 21:4 - Bibeli do fee

4 Aɔ̃ Lafɛ̃ɛi inɛi Izirɛli ŋau í ni, amu Aɔ̃ Lafɛ̃ɛ an gba jĩnɛi igũ ŋa iyi à wa si awɔ nŋɛ ŋa iyi aa ceò igũ do ilaalui Babilɔniu ŋa do inɛi Kaladee ŋa iyi à naa à wa do anyii bindi ŋau, nɔ n jɔ̀ a naa ikpa inɔ iluu.

Faic an caibideil Dèan lethbhreac




Zeremi 21:4
23 Iomraidhean Croise  

Aa yɛ ijuukpã ŋai do inɛ ŋa iyi aa mu si igũ, walakɔ mɔ aa ku ŋai. Amma do nŋu fei idɔɔkɔ̃i Aɔ̃ Lafɛ̃ɛ kaa sũ. Awɔɛ á kɔ̀ ku maa wa lelei ku ba ku kpã ŋɛ iju.


I de itĩ i gbɔ iba gɔ si iri kuta ŋau ŋa. Aa ni ibai zamaa nla nlai. I de itĩ i gbɔ anu ku dɔ̃i ilaalui ilɛ ŋa iyi à tɔtɔɔ. Aɔ̃ Lafɛ̃ɛi lele do ilɛi í teese wa cɔ sooge ku ce igũɛ ŋa.


Bɛbɛi, bɛi an cea jĩi ndii rezɛ̃ɛm nɔui ǹ wa n bi n sɔ̃ ŋɛ. An kpa ama jĩi ŋa iyi ǹ kaakoò ilɛui, nɔ mɛɛmu gaa ŋa a lɔ a jɔɔ. An lɛgɛ bindi iyi ǹ mau mɔi nɔ inɛ ŋa a lɔ a nɛ si.


domi Aɔ̃ Lafɛ̃ɛ í ni, zigiidai an dasiɛ awɔ do kpaasiɛ ŋa fei. Taakubai mbɛɛ nŋa ŋai á ce ŋa nfe, nɔ awɔ takaɛ aa maa yɔɔ. An so inɛi Zudaa ŋa mɔ feii n daa ilaalui Babilɔni si awɔ, nɔ ku mu ŋa ku nɛò ŋa ilɛi Babilɔni koo kpa ŋa.


Ŋɔi Zeremi í jɛ nŋa í ni a koo a sɔ̃ Sedesiasi a ni,


Nsɛi inɛ ŋa à waa bi a kɛkɛ idĩ ŋau ku ba a gba iluu. Iluu á dasi awɔi inɛi Kaladee ŋa iyi aa naa a cuku siɛ a jɔɔ igũi, nɔ ari do bɔ̃ɔi á kpa inɛi ilu ŋa. Ide iyi ì ce waliiɛu, nŋui í to wa bɛ, ì nɔ ì waa yɔɔ.


Sedesiasi ilaalui Zudaaui í jɔ̀ à cĩmboɛ, domi í ni, bɛirei í ce ì ce walii ì waa ni, Aɔ̃ Lafɛ̃ɛ í ni, an so iluu ihɛ̃ n daa ilaalui Babilɔni si awɔ nɔ ku gbaa.


Ilaalui Babilɔniu á mu Sedesiasi ku nɛò Babilɔnii, nɔ bɛi á maa wa hee amu Aɔ̃ Lafɛ̃ɛ n na n koo siɛ. Baa bii iŋɛ inɛi Zudaa ŋa ì bɔ igũ si inɛi Kaladee ŋau, i kaa jɛ igũ ŋa.


Nɔ Zeremi í sɔ̃ ŋa má í ni, na nŋu, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni, wahala ŋa iyi ǹ fɔ ideɛ si gãmɛi inɛi Zudaa ŋa do inɛi Zeruzalɛmu ŋau fei, an jɔ̀ ku naa si ŋai, domi iyi ǹ ba ŋa ide ku fɔ a kù desim itĩ, nɔ iyi ǹ kpe ŋa à kɔ̀ ku jɛ.


Nɔ gbakã inɛ ngboi soogei ilaalui Babilɔni ŋau à lɔ inɔ iluu à koo à buba bi koofa iyi à ya kpe koofai aninii iluu. Inɛ ŋa iyi à lɔ à koo bɛ ŋau wee. Nɛɛgali-Sarɛsɛɛ iyi wa jɛ inɛ ngboi woo bɛ ŋau do Samugaa-Nebo do Saasekimu inɛ iyi ilaaluu wa naanɛ wa re do inɛ ngboi soogei Babilɔni ŋa iyi à gbe ŋau fei.


Nɔ à so bii ilúlu a maa nikã do mii ku ko ilúluu do kasɛ ŋau do kɔɔfu ŋau do jĩnɛi isɔ nkpa ŋa iyi à wa si kpasɛ̃i Aɔ̃ Lafɛ̃ɛ à ya maa ceò icɛu fei à nɛò.


Si idɔɔkɔ̃ nlaɛ, í kɛkɛ mii iyi í jɛ gbugbãi Izirɛli fei. Í fa awɔ gbugbãɛi, waati iyi mbɛɛ í to wa. Í dasi bi kuwai inɛ ŋau ina, nɔ inau í jo í kaakoɛ fei mam mam.


Aɔ̃ Lafɛ̃ɛ í cei bɛi mbɛɛ. Í ce nfei inɛi Izirɛli ŋa, í lɛgɛ kpasɛ̃ jiida nŋa, í kɛkɛ ile ku nɛ gbugbã nŋa, í kɔ̃ɔsi weeweai inɛi Zudaa ŋa do kukakaa nŋa.


Aɔ̃ Lafɛ̃ɛ í cé bii à ya ce kuweeu, nɔ í fũsi ile kumáɛu awɔ. Í so kpasɛ̃ jiidai Siɔ̃ɔ ŋa í daa mbɛɛ si awɔ. Si inɔ kpasɛ̃i Aɔ̃ Lafɛ̃ɛu, à gbɔ anu ku dɔ̃ ŋa nla nla bɛi ti ajɔi jingau nlau.


Si anyiɛ, an cã biooɛ hai si awɔ cangaɛ n nyɔɔ ilɛ. Nɔ afaɛ ŋa aa cukui hai si awɔ njɛɛ.


Bii à bíi ama inɛmɔkɔ nŋa ŋa, an ya n kpa ŋai hee a maa la a maa ce awaasũ ŋa. Ntɔ ntɔ, inɔ kufɔi á jɛ tu ŋa waati iyi an sɛkɛɛ n jĩò ŋa.


Si ajɔ nŋu, Aɔ̃ Lafɛ̃ɛ á tɔtɔɔ dimi ŋa a koo a ce igũ si ilui Zeruzalɛmu. Aa jɛ iluu igũ, nɔ a bɛjɛ kpasɛ̃ nŋa ŋau. Aa sũò inaabo nŋa ŋa do gbugbã. Nɔ a mu inɛ bubu ŋa a koo a jɛ aru. Amma inɛ mbɔ ŋa aa gbe si iluu.


Ŋɔi idɔi ilaaluu í kɔ̃ nɔ í bɛ soogeɛ ŋa à koo à kpa woo kpa inɛ ŋau nɔ à dasi ilu nŋau ina.


Lean sinn:

Sanasan


Sanasan