Zeremi 21:2 - Bibeli do fee

² ce nwa kubee bi Aɔ̃ Lafɛ̃ɛ, domi Nebukanɛsaa ilaalui Babilɔni wa naa si wa igũ. Á yɔkɔ ku jɛ Aɔ̃ Lafɛ̃ɛ á ce baa akãi maamaakeɛ ŋau bɛ na iri nwa ku ba ku sinda inɛi Babilɔni ŋau bɛ hai bi tu wa.

Zeremi 21:2 Iomraidhean Croise

Kusintii Andunya 10:10

Si ilui Babɛlii í sinti bommaɛ ku jɛ, do si ilui Erɛki do Akadi do Kaline, si ilɛi Sineaa.

Ilaalu 2, 1:3

Amma amalekai Aɔ̃ Lafɛ̃ɛ í sɔ̃ Elii inɛi Tisibuu í ni, dede i bɔ amaabɛi ilaalui Samari ŋau ku ko. Nɔ i bee ŋa i ni, kù jɛ Ilaaɔ̃ kù wa ilɛi Izirɛli mái í jɔ̀ ì waa bɔ kubee ku ce bi Baali-Zebu iwɛ̃i inɛi Ekorɔ̃ɔ ŋau?

Ilaalu 2, 17:24

Ŋɔi ilaalui Asiriu í jɔ̀ inɛ ŋa à naa hai Babilɔni do hai Kuta do hai Ava do hai Hamati do hai Sefaavaimu. Nɔ í na ŋa ilui Samari ŋa bii inɛi Izirɛli ŋau à tako à wa. Ŋɔi inɛ ŋau à buba si ilɛi Samariu à ce ide si iluɛ ŋa.

Bomma 2, 32:21

Ŋɔi Aɔ̃ Lafɛ̃ɛ í bɛ amaleka gɔ si asɔi inɛi Asiri ŋau, nɔ amalekau í kpa sooge ilu wɔɔkɔ ŋau do inɛ ngbo nŋa ŋau fei. Ŋɔi ilaalui Asiriu í nyi ilɛɛ do anyɔ nla nla. Ŋɔi ajɔ nŋu gɔ í koo í lɔ ilei iwɛ̃ɛu, nɔ amai nŋu takaɛ ŋa à kpaa bɛ.

Kufita 9:28

I tɔɔ Aɔ̃ Lafɛ̃ɛ ŋa ku ba kulai ijĩ do kutai ijĩ ŋa a maà cuku wa má, nɔ an jɔ̀ i nɛ ŋa, inɛ kãma kaa mu ŋɛ.

Ezai 48:2

Iŋɛ iyi ì ya nɛ inɔ didɔ̃ ŋa bii à waa kpe ŋɛ do irii ilu kumáu. Iŋɛ iyi gbugbã nŋɛ si Aɔ̃ Lafɛ̃ɛi Izirɛliui í wa, nŋu iyi iriɛi í jɛ Aɔ̃ Lafɛ̃ɛi lele do ilɛ, i sotĩ i gbɔ iyi ihɛ̃ ŋa.

Zeremi 15:11

Ŋɔi Aɔ̃ Lafɛ̃ɛ í ni, n kù tako n kù sɔ̃ɛ wo ntɔ ntɔ? N kù ni an faabaɛ na n ceɛ jiida? N kù tako n kù cãaɛ mbɛɛɛ wo na iriɛ si waatii wahala do si waatii inɔ kufɔ?

Zeremi 21:3

Ŋɔi Zeremi í jɛ nŋa í ni a koo a sɔ̃ Sedesiasi a ni,

Zeremi 32:17

Aɔ̃ Lafɛ̃ɛ, awɔi ì ce lele do ilɛ do gbugbã nla nlaɛ. Nkãma kù gaabu bi titɛɛ.

Zeremi 32:24

Nsɛi inɛ ŋa à waa bi a kɛkɛ idĩ ŋau ku ba a gba iluu. Iluu á dasi awɔi inɛi Kaladee ŋa iyi aa naa a cuku siɛ a jɔɔ igũi, nɔ ari do bɔ̃ɔi á kpa inɛi ilu ŋa. Ide iyi ì ce waliiɛu, nŋui í to wa bɛ, ì nɔ ì waa yɔɔ.

Zeremi 34:1

Nebukanɛsaa ilaalui Babilɔniu í bɔ igũ si ilui Zeruzalɛmu do si ilui Zudaa ŋa. Í kooi do soogeɛ ŋa fei, do soogei ilɛ ŋa iyi nŋu takaɛ í kãmia ŋau fei. Ŋɔi Aɔ̃ Lafɛ̃ɛ í ba Zeremi ide ku fɔ í ni,

Zeremi 37:17

Ŋɔi ilaalu Sedesiasi í jɔ̀ à kpoo wa, nɔ í gbãa í bɔò kabaɛ í koo í beeɛ ide si asii, í ni, Aɔ̃ Lafɛ̃ɛ í fɔ ide gɔ? Nɔ Zeremi í jɛaa í ni, oo. Aa dasi awɔi ilaalui Babilɔni.

Zeremi 37:3

Nŋu de ilaalu Sedesiasiu í bɛ Yukali amai Selemia do Sofoni woo wee amai Maaseyau wa bi walii Zeremi a na a sɔ̃ɔ a ni, à naa ku tɔɔɛi i ce kutɔɔ na iri nwa bi Aɔ̃ Lafɛ̃ɛ nwa.

Zeremi 37:7

ide iyi Aɔ̃ Lafɛ̃ɛi lele do ilɛ nŋu iyi í jɛ Lafɛ̃ɛi inɛi Izirɛli ŋa í fɔ wee. Í ni, i sɔ̃ ilaalui Zudaa iyi í bɛ ŋɛ wa bi titom i na i beem ide ŋau i ni ŋa, i cɔ soogei Faraɔ̃ ŋa iyi à fita wa a naa a sobi ŋɛu à sinda à nyi Ezibiti ilɛ nŋa.

Ezekiɛli 7:26

Si antaii wahalau, wahalai á naa má, nɔ laabaau laalɔ ŋai aa ya maa gbɔ. Aa tɔɔ walii ŋa a ce kuyɛ, nɔ aa bi woo wee ŋa do inɛ ngbo ŋa a ya kɔ inɛ ŋa, amma woo wee ŋau taka nŋa a kaa mà wooda.

Woo kiiti ŋa 20:27

Betɛli bɛi kpakoi akabuui Ilaaɔ̃u í wa waati bɛɛbɛ. Fineɛzi, nŋu iyi í jɛ amai Eleazaa nɔ wa jɛ tɔkui Arɔ̃ɔ, nŋui í ya maa ce icɛ si wajui Aɔ̃ Lafɛ̃ɛ waati bɛɛbɛ. Ŋɔi inɛi Izirɛli ŋau à nyi à bee Aɔ̃ Lafɛ̃ɛ má à ni, ka bɔ igũ ku ce bi inɛi Bɛnzamɛɛ inɛ nwa ŋau má de, mà ka maà koo. Ŋɔi Aɔ̃ Lafɛ̃ɛ í jɛ nŋa í ni, i koo ŋa, domi ala an da nŋɛ inɛ ŋau si awɔ.

Samuɛli 1, 10:22

Ŋɔi à bee Aɔ̃ Lafɛ̃ɛ à ni, Saulu í bɛi í wa ihɛ̃ mbɛ? Ŋɔi Aɔ̃ Lafɛ̃ɛ í jɛ nŋa í ni, oo, wa manji inɔ aso ŋa.

Samuɛli 1, 28:15

Ŋɔi Samuɛli í bee Saulu í ni, na mii í ce ì dede laakaim ì jɔ̀ ǹ fita wa. Ŋɔi Saulu í jɛaa í ni, ǹ wa si inɔ kufɔ nla nlai. Inɛi Filisi ŋa à waa bam igũ ku ce, nɔ Ilaaɔ̃ í tɛkɛɛ hai bi tom. Í kɔ̀ ku jɛɛm baa hai bi walii ŋa, walakɔ hai si ala ŋa. Na ŋɔi í jɔ̀ ǹ kpeɛ wa ku ba i sɔ̃m mii iyi an ce.

Samuɛli 1, 28:6

Ŋɔi í tɔɔ Aɔ̃ Lafɛ̃ɛ, amma Aɔ̃ Lafɛ̃ɛ kù jɛaa baa si ala, hee má jɛ hai si urimui woo weeu, walakɔ hai bi walii ŋa.