Zeremi 21:12 - Bibeli do fee

¹² iŋɛ inɛi kpasɛ̃i Davidi ŋa. Aɔ̃ Lafɛ̃ɛ í ni, i ya kiiti dee dee hai daadaakɔ ŋa, nɔ i ya faaba inɛ ŋa iyi inɛ laalɔ ŋa à waa takii ŋa, ku ba idɔɔkɔ̃m ku maà na ku dede bɛi ina iyi a kaa yɔkɔ a kpa na kuce laalɔ nŋɛ ŋa.

Zeremi 21:12 Iomraidhean Croise

Samuɛli 2, 8:15

Davidi í jɛ bomma si ilɛi Izirɛli fei, nɔ wa mu ilɛu dee dee, wa cea inɛ fei kiiti si ntɔ.

Zɔɔbu 29:17

Amui ǹ ya n kɛkɛ gbugbãi inɛ laalɔ nɔ n faaba ilu are ŋa iyi wa taa gbugbã.

Iri ku kɔ̃ 101:8

Daakɔ fei, an jɔ̀ a ya kpa inɛ laalɔ ŋa feii si ilɛu. Nɔ n nya woo ce laalɔ ŋau fei hai si ilui Aɔ̃ Lafɛ̃ɛu.

Kufita 18:13

Iyi iju í má daakɔ, Moizi í buba wa kiiti inɛ ŋau nɔ inɛ ŋau à waa leekĩ si wajuɛ hai daakɔ hee alɛ í koo í lɛò.

Ezai 1:17

I kɔkɔ jiida ku ce ŋa. I ya ce iyi í jɛ dee dee ŋa. I baaò woo taa inɛ ŋa gbugbã wa si kpãa jiida ŋa. I cea kɔyɔ ŋa iyi í jɛ dee dee ŋa, i maà jɛ a takii jaaɔ̃ ŋa.

Ezai 1:31

Inɛ iyi í re do gbugbã á yɛi bɛi jĩi ngbɛ, nɔ mii iyi wa ce á lai bɛi ina, aŋa minji fei aa joi ajɔ, nɔ inɛ kãma kaa yɔkɔ ku kpa inau.

Ezai 7:13

Ŋɔi Ezai í ni, i sotĩ i gbɔ ŋa iŋɛ inɛi kpasɛ̃i Davidi ŋa. Yaase bɛi ì waa gbɛɛji amanɛ ŋa si temua nŋau kù to ŋɛ má í gbe ì nyi ì waa bi i gbɛɛji Ilaaɔ̃ takaɛ mɔ má ŋa?

Ezai 7:2

Inɛ ŋa à koo à sɔ̃ Ahazi tɔkui Davidi do inɛi kpasɛ̃ɛ ŋau à ni, inɛi Siri ŋa à na à ce asɔ si ilɛi Efaraimu. Iyi ilaaluu do inɛɛ ŋa à gbɔ ideu, ŋɔi à yaya bɛi jĩi ndii inɔ agbo ŋa iyi fufu wa yaga.

Zeremi 17:4

Aa sindoom tubum iyi amu takam ǹ na ŋɛu ŋai. An jɔ̀ i baa i jɛ arui mbɛɛ nŋɛ ŋai si ilɛ gɔ iyi i kù mà ŋa, domi ì ma inai idɔɔkɔ̃m ŋa mbɛ, nɔ á maa joi hee do ajɔ fei.

Zeremi 21:5

Nɔ amu takam nii an ba ŋɛ ku ja nɔ n nyisi ŋɛ gbugbãm si idɔɔkɔ̃ nla nlam nɔu.

Zeremi 23:19

Ŋɔi Zeremi í ni, fufu dabii nla nlai Aɔ̃ Lafɛ̃ɛ wee wa naa. Idɔɔkɔ̃ɛi í dede, nɔ í yɛi bɛi fufu dabii nla nla iyi í na wa bibii si irii ilu inɔ kukã ŋa.

Zeremi 23:2

Na ŋɔi í jɔ̀ Aɔ̃ Lafɛ̃ɛi inɛi Izirɛli ŋau í nyi í fɔ má si gãmɛi inɛ ŋa iyi à waa degbe inɛɛ ŋau í ni, ì fangaa angudãm ŋa, ì lele ŋa ŋa, i kù gbɔ nŋa ŋa. Na nŋu, i cɔ, an naa si ŋɛ na kuce laalɔ nŋɛ ŋau.

Zeremi 23:5

Ŋɔi Aɔ̃ Lafɛ̃ɛ í ni, ajɔ wa naa si bii an jɔ̀ inɛ dee dee gɔ ku fita si tuubai Davidi bɛi ijui dimi ku gbɛ̃ iyi í fita. Nŋui á jɛ ilaalu nɔ á maa mu ilɛui do laakai jiida. Nŋui á ce mii iyi í tɛ do iyi í jɛ dee dee si ilɛu.

Zeremi 36:7

Á yɔkɔ ku jɛ aa tɔɔ Aɔ̃ Lafɛ̃ɛ nɔ aŋa fei a sinda wa a jɔ̀ kuce laalɔ nŋa ŋau, domi idɔɔkɔ̃ nla nlai Aɔ̃ Lafɛ̃ɛ í wɛɛò si gãmɛi zamaau bɛ.

Zeremi 4:4

I ce bango na irii Aɔ̃ Lafɛ̃ɛ ŋa, i jɔ̀ idɔ kulele nŋɛ ŋau nɔ i naa ara nŋɛ iŋɛ inɛi Zudaa do inɛi Zeruzalɛmu ŋa, ku ba idɔɔkɔ̃m ku maà lu wa bɛi ina nɔ ku maà jo hee a mɔngɔ ku kpaa, na inɔ kukã ku ce nŋɛ.

Zeremi 44:22

Ntɔ ntɔ Aɔ̃ Lafɛ̃ɛ kù yɔkɔ kù temuaò kuce hai nɛ bɛɛrɛ nŋɛ ŋa. Na ŋɔi í jɔ̀ ilɛ í ce nfe í baa í kpɔò bomma nɔ í jɛ yaase iyi aa so bii à waa bi a ceekpe inɛ gɔ, nɔ inɛ kãma kù wa si inɔ iluu. Ŋɔi í jɔ̀ ì waa yɔɔ bɛ ihɛ̃ nnyiu bɛ ŋa.

Zeremi 5:14

Na nŋu, amu Aɔ̃ Lafɛ̃ɛi lele do ilɛ ǹ ni, si na iyi í jɔ̀ à waa fɔ bɛɛbɛ, an jɔ̀ idem ku yɛ bɛi ina si gɛlɛɛ, nɔ zamaau ku yɛ bɛi jĩi iyi inau á jo.

Zeremi 5:28

À jɛ à ce ikpo, nɔ à kpa kaato. Laalɔ nŋa í caa. A ci ya kɔ̀ò kɔyɔ do ilu are. A ci ya na ŋa ntɔ, si mii iyi í jɛ tu ŋa. A ci ya jirima asaiya nŋa. Amma aŋa, wũa nŋa wa bɔ waju.

Zeremi 7:20

Na nŋu, amu Aɔ̃ Lafɛ̃ɛ ǹ ni, an jɔ̀ idɔɔkɔ̃ nlam ku naa si inyau, do si inɛ ŋa do si mɛɛmu ŋa do si jĩi ndii iko ŋa do si amaajɛi ilɛ ŋau. Á yɛi bɛi ina iyi á maa jo nɔ kaa ku.

Zeremi 7:5

Bii ì teese kpãa nŋɛ do kuce nŋɛ ŋa, bii ì waa fũa njɛ inɔ ŋa,

Kukpata 4:11

Aɔ̃ Lafɛ̃ɛ í nyisi idɔɔkɔ̃ɛi hee kɔɔ, nɔ si idɔɔkɔ̃ɛu, í dasi ilui Siɔ̃ɔ ina. Inau í jo hee do icui ileɛ ŋa fei.

Ezekiɛli 22:31

Na ŋɔi í ce ǹ jɔ̀ idɔɔkɔ̃ nlam í naa si ŋa do gbugbã. An jo ŋai do ina nla nla. Kuce laalɔ iyi à ce fei si iri nŋai á cuku si. Amu Aɔ̃ Lafɛ̃ɛi ǹ fɔ bɛɛbɛ.

Kuwee 26:28

amu mɔ an lele si ŋɛ do idɔɔkɔ̃, nɔ n kɔ̃ɔsi ijuukpãi dulum du ŋɛ ikɔ mɛɛje.

Nahumu 1:6

Yooi á yɔkɔ ku leekĩ si wajui Aɔ̃ Lafɛ̃ɛ waati iyi idɔɛ í kɔ̃. Yooi á yɔkɔ ku leekĩ si wajui idɔɔkɔ̃ nla nlaɛ. Idɔɔkɔ̃ɛ í ya fangaai bɛi ina, nɔ í ya lɛgɛ kuta ŋa.

Sofoni 1:18

Isɔ fũfũ nŋa kaa yɔkɔ ku faaba ŋa hee má jɛ wura nŋa si ajɔi idɔɔkɔ̃i Aɔ̃ Lafɛ̃ɛ. Idɔɔkɔ̃ nlaɛ á ce nfei ilɛu feii bɛi ina. Zigiida nla nlai á jɛ waati iyi á ce nfei inɛi andunya ŋau fei.

Sofoni 3:5

Do nŋu fei, Aɔ̃ Lafɛ̃ɛ njɛ í wa bi tu ŋa bɛ, nɔ í jɛ dee dee. Ci ya ce mii iyi kù jɛ dee dee. Daakɔ fei í ya jɔ̀ dee dee ku jɛɛ ku fita gbugbãai si inya kumá, nɔ ci ya haata ajɔ kãma. Amma inɛ laalɔ kù mà anyɔ.

Luku 1:69

Nɔ í naa nwa woo faaba ilu gbugbã wa si nyaanzei ilaalu Davidi amaacɛɛu,

Romu 13:4

Inɛ ngbo ŋa à waa ce icɛi Ilaaɔ̃i na aranfãani nŋɛ. Amma bii ì waa ce laalɔɛ ŋa, i ce njo nŋa, domi a kù waa mu taakuba si ngbɛ. Aŋa mɔ woo ce icɛi Ilaaɔ̃ ŋai ku ba a sã gbesei idɔɔkɔ̃i Ilaaɔ̃ nɔ a kpã inɛ ŋa iyi à waa ce laalɔ iju.

Wooda ku kɔsi 32:22

Ntɔ ntɔ idɔm í kɔ̃i hee wa jo bɛi ina. Idɔɔkɔ̃m nɔu í bɔi hee bi kuwai iku ŋa. Idɔɔkɔ̃m nɔu wa jo ilɛ do amaajɛ ŋa fei. Nɔ wa jo hee do icui iri kuta ŋa fei.