Zeremi 21:10 - Bibeli do fee

¹⁰ Ǹ sinda wajum hai si iluu bɛi, nɔ laalɔi an ceaa, n kaa n ceaa jiida. An sooi n daa ilaalui Babilɔni si awɔ, nɔ á jooi.

Zeremi 21:10 Iomraidhean Croise

Bomma 2, 36:19

Nɔ inɛi Babilɔni ŋa à jo kpasɛ̃i Ilaaɔ̃, à lɛgɛ bindii Zeruzalɛmu ŋau, à jo kpasɛ̃ jiidaɛ ŋau nɔ à bɛjɛ jĩnɛ jiida ŋau fei.

Iri ku kɔ̃ 34:16

Ijui Aɔ̃ Lafɛ̃ɛ í ya wa si inɛ dee dee ŋai, nɔ bii à waa dɔ̃ anu í ya gbɔi.

Zeremi 17:27

Amma bii ì kɔ̀ ku gbɔ idem ŋa, nɔ ì ce atafii si ajɔi kusĩmiu ku nya ikã ku jɛ titom ŋa, bii ì ya so aso ŋa i maa naaò wa Zeruzalɛmu si ajɔi kusĩmiu ŋa, an dasi gamboi anu koofai iluu inai. Inau á jo kpasɛ̃ kusĩa ŋau, nɔ inau kaa ku má ajɔ kãma.

Zeremi 26:6

Bii i kù waa jɛ ku gbɔ idem ŋa, an lɛgɛ kpasɛ̃i amu Aɔ̃ Lafɛ̃ɛu ihɛ̃i bɛi ǹ lɛgɛ ti Siloou. Nɔ an jɔ̀ Zeruzalɛmu ku baa ku jɛ yaase iyi inɛi andunya fei á ya so ku ceekpeò.

Zeremi 34:2

koo i ba Sedesiasi ilaalui Zudaa ide ku fɔ i sɔ̃ɔ i ni, Aɔ̃ Lafɛ̃ɛ í ni nŋu á so iluu ihɛ̃ nŋu ku daa ilaalui Babilɔni si awɔ ku ba ku ce nfeɛ do ina.

Zeremi 34:22

Nɔ Aɔ̃ Lafɛ̃ɛ í nyi í ni má, nsɛi an na ŋa woodam ŋa, nɔ n jɔ̀ a nyi wa si iluu má a naa a ce igũ do iluu má. Si igũu ku ce, aa gba iluui nɔ a dasi ina. An jɔ̀ inyau ku baa ku jɛ inyai bomma bii inɛ kãma kaa wa.

Zeremi 38:17

Ŋɔi Zeremi í sɔ̃ Sedesiasi í ni, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í ni, bii ì fita ì kooò araɛ bi inɛ ngboi soogei ilaalui Babilɔni ŋau, aa fita si awɔ do inɛi kpasɛ̃ɛ ŋa, nɔ a kaa ce nfei iluu do ina má.

Zeremi 38:18

Amma bii ì kɔ̀ ku fita ku kooò araɛ bi inɛ ngboi soogei ilaalui Babilɔni ŋau, iluu ihɛ̃ á dasi awɔi inɛi Kaladee ŋai, nɔ aa dasi inai a joo, nɔ awɔ takaɛ i kaa fita hai si awɔ nŋa.

Zeremi 38:23

Nɔ waati bɛɛbɛ, aboɛ do amaɛ ŋau fei, aa gbã ŋai a koo a na inɛi Kaladee ŋau, nɔ awɔ takaɛ mɔ, i kaa fita si awɔ nŋa. Inɛi Babilɔni ŋau aa muɛi nɔ a dasi iluu ihɛ̃ ina.

Zeremi 38:3

Ntɔ ntɔ Aɔ̃ Lafɛ̃ɛi wa fɔ í ni, nŋu á so iluu ihɛ̃i nŋu ku daa soogei ilaalui Babilɔni ŋau si awɔ nɔ a gbaa.

Zeremi 39:16

koo ba Ebɛdi-Melɛki inɛi Etiopiu i sɔ̃ɔ i ni, amu Aɔ̃ Lafɛ̃ɛi inɛi Izirɛli ŋau, amu iyi ǹ taka lele do ilɛ, ǹ fɔ wo ǹ ni, laalɔi á na ku ba iluu ihɛ̃, kaa jɛ jiida. Nsɛi, an jɔ̀ laalɔu ku to wa. Fei ndɛɛ á na ku cei ijuɛ ku yɔɔ.

Zeremi 39:8

Ŋɔi inɛi Kaladee ŋau à dasi kpasɛ̃i ilaaluu ina do ti inɛi ilu ŋau fei. Nɔ à lɛgɛ bindii Zeruzalɛmu ŋau.

Zeremi 44:11

Ŋɔi Zeremi í fɔ má í ni, na nŋu, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni, amu Aɔ̃ Lafɛ̃ɛ ǹ dasi idɔ n jɔ̀ laalɔ ku naa si ŋɛ, nɔ n kpa irii zamaau fei hai si ilɛi Zudaa.

Zeremi 44:27

Nsɛi, an dasi ŋa ijui, nɔ iju ku dasim nɔu kù jɛ ti n ce nŋa jiidaɛ, amma laalɔi an jɔ̀ ku naa si ŋa. Inɛ ŋa iyi à wa si ilɛi Ezibitiu fei, igũ do arii á naa si ŋa hee a koo a kpa iri mam mam.

Zeremi 52:13

Ŋɔi í jo kpasɛ̃i Aɔ̃ Lafɛ̃ɛu do kpasɛ̃i ilaaluu do ilei Zeruzalɛmu ŋau fei hee do ti ilu jirima ŋau.

Ezekiɛli 15:7

An kpã ŋa iju. Aa tamaa bɛi aŋa à fita si inaui, amma inau á jo ŋai fei. Waati bɛɛbɛ, aa mà ŋa iyi amui ǹ jɛ Aɔ̃ Lafɛ̃ɛ waati iyi an kpã ŋa ijuu.

Ezekiɛli 24:11

Si anyiɛ, lesi caka ngbɛu si ina nyɛnyɛ ku ba ku gbãa hee ku kpã ku ba riisi iyi í wa siu ku nya, nɔ atɛ iyi í muu ku wɔ.

Kuwee 17:10

Bii inɛi Izirɛli gɔ walakɔ inɛ njoo gɔ iyi í wa inɔ nŋa í jɛ njɛi iŋa, amu Aɔ̃ Lafɛ̃ɛ an fa aram hai bi lafɛ̃ɛ, nɔ n nya lafɛ̃ɛ ikã hai si inɔi zamaau.

Kuwee 26:17

An sinda n to nŋɛ anyii, nɔ mbɛɛ nŋɛ ŋa a jɛ ŋɛ igũ. Inɛ ŋa iyi à cé ŋɛ ŋau aa nyi a ta nŋɛ gbugbã má, nɔ aa maa sa ŋai baa bii a kù waa lele ŋɛ.

Amɔsu 2:5

An jɔ̀ a dasi ilɛi Zudaa ina, nɔ kaba ku nɛ gbugbãi bommaɛ ŋa iyi à wa Zeruzalɛmu ŋa a jo.

Amɔsu 9:4

Bii mbɛɛ nŋa ŋa à mu ŋa bɛi aru à nɛò ŋa, an jɔ̀ taakuba ku ce nfe nŋa. Ijum á maa wa si ŋai ku ba n ce nŋa laalɔ, ku maà jɛ na n ce nŋa jiida.

Zakari 1:6

Do nŋu fei, idem ŋa do wooda ŋa iyi ǹ sɔ̃ walii woo ce icɛm ŋa a sɔ̃ ŋa à to si ŋa nɔ à ce si ŋa icɛ. À jɔ à kpaasi idɔ à mà iyi kuce laalɔ nŋa í to amu Aɔ̃ Lafɛ̃ɛi lele do ilɛ ǹ jɔ̀ ijuukpã ku naa si ŋa bɛi ǹ tako ǹ sɔ̃ ŋau.