Zeremi 21:1 - Bibeli do fee

¹ Aɔ̃ Lafɛ̃ɛ í ba Zeremi ide ku fɔ si gãmɛi ilaalu Sedesiasi. Ilaaluu í bɛ Pasehuu amai Malikia wa bi titɛɛ do Sofoni amai Maaseya woo weeu a naa a sɔ̃ɔ a ni,

Zeremi 21:1 Iomraidhean Croise

Ilaalu 2, 22:13

í ni, i koo i bee Aɔ̃ Lafɛ̃ɛ wa ŋa na amu takam do na zamaam inɛi Zudaa ŋau ku ba ka gbɔ yaasei ide iyi í wa si tiau ihɛ̃ iyi à yɛ, domi idɔɔkɔ̃ nla nlai Aɔ̃ Lafɛ̃ɛ í dedei si wa ntɔ ntɔ, si na iyi í jɔ̀ bala nwa ŋa a kù jirima idei tiau nɔ a kù ceò mii iyi à kɔ na iri nwau icɛ.

Bomma 1, 3:15

Zoziasi í bí Yohanaa yemmaɛ, minjisiaɛ Zoakimu, mɛɛtasiaɛ Sedesiasi, mɛɛsiaɛ Salumu.

Bomma 1, 9:12

Adaya amai Yerohamu mɔ í wa si. Yerohamu mɔ amai Pasuui, Pasuu mɔ amai Malikiyai. Masai amai Adiɛli mɔ í wa si. Adiɛli mɔ amai Yazerai, Yazera mɔ amai Mɛsulamui, Mɛsulamu mɔ amai Mɛsilemitii, Mɛsilemiti mɔ amai Imɛɛ.

Bomma 2, 36:17

Ŋɔi Aɔ̃ Lafɛ̃ɛ í jɔ̀ Nebukanɛsaa ilaalui inɛi Kaladee ŋau í naa si ŋa igũ, nɔ í lɔ hee inɔ kpasɛ̃i Aɔ̃ Lafɛ̃ɛ í kpa awaasũ ŋa bɛ. Kù jɔ̀ inɛ kãma, hai awaasũ ŋa do mudɛ̃ɛ ŋa hee do mɔkɔ ngbo ŋa do inɛ ŋa iyi ntoi iri nŋa í fũuta fei. Aɔ̃ Lafɛ̃ɛ í so aŋa fei í daa si awɔ.

Neemi 11:12

do nyaanze nŋa ŋa iyi à waa ce icɛ si kpasɛ̃i Ilaaɔ̃u. Aŋa mɔ à dede aŋa cĩɔ mɛɛjɔ do kɔnfia do minji (822). Nɔ Adaya tɔkui Malikiya hai bi Pasuu do Zakari do Amusi do Pelalia do Yerohamu,

Zeremi 29:29

Ŋɔi Sofonii woo weeu í cio tiau si wajui walii Zeremi.

Zeremi 35:4

Ǹ gbã ŋai ǹ lɔò ŋa kpasɛ̃i Aɔ̃ Lafɛ̃ɛ si akãi inɔ ile iyi í jɛ ti ama inɛmɔkɔi Hanaa ŋa. Hanaau mɔ, amai Igidalia inɛi Ilaaɔ̃i wa jɛ. Ileu í wai kɔkɔi ilei akawe ŋau do ikpa lelei ilei Maaseya amai Salumu iyi wa jɛ woo wee iyi í ya maa cɔ kulɔi inɛ ŋa wa si kpasɛ̃i Aɔ̃ Lafɛ̃ɛu.

Zeremi 37:1

Nebukanɛsaa ilaalui Babilɔniui í jɔ̀ Sedesiasi amai Zoziasi í jɛ bomma si ilɛi Zudaa. Sedesiasiui í sãsi agbɛi Konia amai Zoakimu.

Zeremi 37:17

Ŋɔi ilaalu Sedesiasi í jɔ̀ à kpoo wa, nɔ í gbãa í bɔò kabaɛ í koo í beeɛ ide si asii, í ni, Aɔ̃ Lafɛ̃ɛ í fɔ ide gɔ? Nɔ Zeremi í jɛaa í ni, oo. Aa dasi awɔi ilaalui Babilɔni.

Zeremi 37:3

Nŋu de ilaalu Sedesiasiu í bɛ Yukali amai Selemia do Sofoni woo wee amai Maaseyau wa bi walii Zeremi a na a sɔ̃ɔ a ni, à naa ku tɔɔɛi i ce kutɔɔ na iri nwa bi Aɔ̃ Lafɛ̃ɛ nwa.

Zeremi 37:7

ide iyi Aɔ̃ Lafɛ̃ɛi lele do ilɛ nŋu iyi í jɛ Lafɛ̃ɛi inɛi Izirɛli ŋa í fɔ wee. Í ni, i sɔ̃ ilaalui Zudaa iyi í bɛ ŋɛ wa bi titom i na i beem ide ŋau i ni ŋa, i cɔ soogei Faraɔ̃ ŋa iyi à fita wa a naa a sobi ŋɛu à sinda à nyi Ezibiti ilɛ nŋa.

Zeremi 38:1

Ŋɔi Sefatia amai Matãa do Gedalia amai Pasehuu do Yukali amai Selemia do Pasehuu amai Malikia à gbɔ ide ŋa iyi Zeremi í ya maa sɔ̃ zamaai iluu ku maa ni,

Zeremi 38:14

Ilaalu Sedesiasi í bɛ inɛ ŋa í ni a koo a kpe walii Zeremi wa. Iyi Zeremi í to wa, à gbã à bɔòɛ hee si bi kulɔ mɛɛtasiai kpasɛ̃i Aɔ̃ Lafɛ̃ɛu. Nɔ ilaaluu í sɔ̃ Zeremi í ni, ide gɔi ǹ wa n bi n beeɛ nɔ i maà singaam nkãma.

Zeremi 52:24

Nebuzaradãa inɛ ngboi woo degbe kpasɛ̃i ilaalu ŋau í jɔ̀ à mu Seraya woo wee nlau do Sefania atɛkɛsiɛu, do woo wee mɛɛta ŋa iyi à ya maa degbe andɛ bi ku lɔi kpasɛ̃i Aɔ̃ Lafɛ̃ɛu.