Zeremi 20:3 - Bibeli do fee

³ Amma iyi iju í má, Pasehuu í jɔ̀ à fũ Zeremi wa hai si jĩi nɔu. Nɔ Zeremi í sɔ̃ɔ í ni, Aɔ̃ Lafɛ̃ɛ kaa kpeɛ Pasehuu má. Amma bɛbɛi, Magɔɔ-Misabibui á kpeɛ,

Zeremi 20:3 Iomraidhean Croise

Kusintii Andunya 17:15

Ilaaɔ̃ í sɔ̃ Aburahamu í ni, maà kpe aboɛu Sarai má. Bɛbɛi aa ya kpooi Sara.

Kusintii Andunya 17:5

A kaa kpeɛ Aburamu má, í gbe Aburahamu , domi awɔi an ce balai inɛi ilɛ nkpɔ nkpɔ.

Kusintii Andunya 32:28

Ŋɔi mɔkɔu í beeɛ í ni, irei iriɛ. Nɔ í jɛ í ni, amui Zakɔbu.

Iri ku kɔ̃ 31:13

Inɛ ŋa à gbɛjɛm bɛi inɛ iyi í ku, ǹ yɛi bɛi mii iyi í nyɔ.

Ezai 8:3

Si anyiɛ, ŋɔi ǹ tɔtɔɔ sɛ̃ɛ do abo walii iyi í jɛ abom nɔu, nɔ í nɛ asĩ í bí ama inɛmɔkɔ. Nɔ Aɔ̃ Lafɛ̃ɛ í sɔ̃m í ni n sɔɔ Mahɛɛ-Salali-Haasi-Bazi, waatɔ ce ńya i wusɛ nɔ i ko amanii igũu,

Zeremi 19:2

Fita hai do ikpa lɔɔmai Bɛni-Hinɔmu iyi í wa ikpa andɛ koofai caka kuku ŋau. Tengi bɛi aa dɔ̃ anu i sɔ̃ ŋa ide ŋa iyi an sɔ̃ɛu.

Zeremi 19:6

Ŋɔi Aɔ̃ Lafɛ̃ɛ í nyi í ni má, na nŋu, ajɔ ŋa wa naa iyi a kaa kpe inyau ihɛ̃ Tofɛti walakɔ lɔɔmai Bɛni-Hinɔmu má. Amma aa kpooi lɔɔmai inɛ ku kpa.

Zeremi 20:10

Ntɔ ntɔ ǹ ya n maa n gbɔ ide sãmi ŋai hai bi inɛ nkpɔ nkpɔ si gãmɛm, nɔ zigiida í ya maa naai hai bii fei. Inɛ gɔ ŋa à waa ni, ka kooò ideɛ bi inɛ ngbo ŋa. Inɛi kɔkɔm ŋa à ya maa ce laakaim nii a maa cɔ mà an ce kurara gɔ. À ya maa cɔ kpãai aŋa a mum nii si kurara gɔ. Na ŋɔi í jɔ̀ à ya maa ni, aa ka muui nɔ ka sã gbese.

Zeremi 29:29

Ŋɔi Sofonii woo weeu í cio tiau si wajui walii Zeremi.

Zeremi 46:5

Ŋɔi Aɔ̃ Lafɛ̃ɛ í ni, na mii í jɔ̀ à waa yaya do zigiida, nɔ à waa nyi do anyi. Sooge woo ja igũ nŋa ŋau à jɛ ŋa igũ. Ŋɔi à wasi ku sa. À waa sa mɔm nii do anyi anyi. À wɛɛò zigiidai bii fei.

Zeremi 6:25

I maà fita i bɔ iko ŋa, i maà too si kpãa ŋau ŋa, domi bɛi mbɛɛ í wa do taakubaɛ. Nɔ zigiida í wa bii fei.

Zeremi 7:32

Na nŋu, ajɔ ŋa wa naa bii a kaa ni Tofɛti do lɔɔmai Bɛni-Hinɔmu má. Amma aa ya nii, lɔɔma bii à ya kpa inɛ. Tofɛti bɛi aa ya si inɛ ŋa si na iyi í jɔ̀ inya kaa wɛɛ bii gɔ má.

Kukpata 2:22

Inɛ ŋa iyi à jɔ̀ njo wa mum ŋau, ì kpe ŋa wai hai bii fei bɛi si ajɔi jingau nla gɔ. Aɔ̃ Lafɛ̃ɛ, si ajɔi idɔɔkɔ̃ɛu inɛ kãma kù fita si, inɛ gɔ kù gbe si hunde. Amu ŋa iyi ǹ bi jiida jiida, nɔ ǹ bíi ŋau, mbɛɛm nɔu í ce nfe nŋai mam mam.

Ezekiɛli 13:9

Amu Aɔ̃ Lafɛ̃ɛ, an nyisi gbugbãm si gãmɛi walii ŋa iyi à waa fɔ ide ŋa iyi a kù jɛ ntɔ nɔ à waa ce kuyɛ ibo ŋau. A kaa ba inya tengi bii inɛm ŋa à ya tɔtɔɔu. A kaa kɔ iri nŋa si tuubai inɛi Izirɛli ŋa. A kaa baa ilɛi Izirɛli má. Nɔ aa mà ŋa iyi amui ǹ jɛ Aɔ̃ Lafɛ̃ɛ.

Woo bɛ ŋa 16:30

Ŋɔi í fitaò ŋa wa waduude í ni, i suuru ŋa, mii an ce n baò faaba.