Zeremi 2:8 - Bibeli do fee

⁸ Woo wee ŋau a kù bee, iwoi Aɔ̃ Lafɛ̃ɛ í wa. Woo mà wooda ŋau a kù màm má. Woo gbã inɛm ŋau à dedeò ide ku kɔ̀ bi tom. Walii ŋau à ce walii nŋai do irii iwɛ̃ Baali. Nɔ à koo à waa too iwɛ̃ ŋa iyi a kaa yɔkɔ a ce nŋa nkãma.

Zeremi 2:8 Iomraidhean Croise

Ilaalu 1, 18:22

Ŋɔi í sɔ̃ ŋa má í ni, amu akãi ǹ gbe si inɔi waliii Aɔ̃ Lafɛ̃ɛ ŋau nɔ waliii Baali ŋa à wɛɛi aŋa cĩɔ mɛɛ do ciitaa (450).

Ilaalu 1, 18:29

Ŋɔi à dasi himma hee nunu yaa si waati iyi à ya ce kuwee má. Amma ide kãma kù ce, kù jɛ nŋa hee má jɛ ku ce nyinda gɔ iyi á jɔ̀ a nɛ kpãa ku cɔ.

Ilaalu 1, 18:40

Ŋɔi Elii í ni a mu waliii Baali ŋau wa fei, a maà jɔ̀ baa akã nŋa ku ba ku sa. Ŋɔi à mu ŋa wa. Nɔ Elii í bɔò ŋa idoi Kisɔ̃ɔ í koo í saka ŋa bɛ.

Zɔɔbu 35:10

Amma inɛ kãma ci ya ni, hee iwoi Ilaaɔ̃ nŋu iyi í takam í wa, nŋu iyi í ya jɔ̀ ka maa kɔ̃ iri idũ.

Ezai 28:7

Inɛ ŋa iyi à mɔ atɛ̃ vɛ̃ɛ, à ya maa koosɛi, nɔ atɛ̃ ku nɛ gbugbã ŋa, à ya jɔ̀ inɛ ŋa a nyɔi. Woo wee do walii ŋa à waa koosɛi na atɛ̃ ku nɛ gbugbã ŋau. Atɛ̃ vɛ̃ɛu í la si ŋai ntɔ ntɔ, nɔ atɛ̃ ku nɛ gbugbã ŋaui í jɔ̀ à waa nyɔ. À ya nyɔ mɔm nii si kuyɛ nŋau, nɔ a ci ya leekĩ si ide akã.

Ezai 29:10

Ntɔ ntɔ, Aɔ̃ Lafɛ̃ɛ í da nŋɛ si sĩsĩ njoo si idɔ, í bii iju nŋɛ iŋɛ walii ŋa, nɔ í bii wajui woo yɛ nŋɛ ŋau mɔ.

Ezai 30:5

Anyɔ á mu aŋa feii na zamaau iyi kaa jɛ nŋa sobi. Kaa yɔkɔ ku faaba ŋa hee má jɛ ku sobi ŋa. Amma anyɔi a jɛ nŋa nɔ bɛɛrɛ nŋa ku kpa iri.

Zeremi 10:21

Ŋɔi Zeremi í ni, woo degbe ŋaui à ce nnyɛi, domi aŋai a kù dɛdɛ Aɔ̃ Lafɛ̃ɛ. Na ŋɔi í jɔ̀ a kù nɛ lasabu jiida, nɔ inɛ ŋa iyi à waa gbã ŋau à fangaa fei.

Zeremi 12:10

Woo degbe nkpɔ nkpɔi wa ce asɔɔi jĩi ndii rezɛ̃ɛm. À waa jojo si bantumai ikom ŋa. À waa kpaasi iko kusĩam nɔu bɛi gbaa do bɛi inya iyi í kpɔò bomma.

Zeremi 16:19

Aɔ̃ Lafɛ̃ɛ, awɔi ì jɛ gbugbãm, nɔ awɔi ì jɛ bi kuwa ku nɛ gbugbãm. Si waatii wahala, bi titɛɛi an ba n sa n koo n manji. Inɛ ŋa iyi à wa hee ilɛ jĩijĩ ŋa aa naa bi tɛɛ. Nɔ aa maa ni, bala nwa ŋa, tubui iboi à jɛ. Nɔ inya ngbɛi, kù nɛ aranfãani kãma.

Zeremi 18:18

Ŋɔi inɛ gɔ ŋa à ni, ka koo, waatii ihɛ̃ bɛ iyi aa ka ba kpãa ka dĩaò Zeremi zamba, domi a kaa ka kua woo wee ŋa iyi aa maa kɔ wa si cio, do ilu laakai ŋa iyi aa maa na wa ikɔ jiida, do walii ŋa iyi aa maa sɔ̃ wa idei Aɔ̃ Lafɛ̃ɛ. I naa wa ŋa kaa nya fũnɛɛ do idei gɛlɛ nwa, nɔ ka maà desi baa ide ku fɔɛ ŋa itĩ.

Zeremi 2:11

Dimi gɔ ci ya kpaasi iwɛ̃ɛ ŋa baa do iyi a kù jɛ bɛi Aɔ̃ Lafɛ̃ɛ fei. Amma iŋɛ zamaam ŋa, ì kpaasi amboe nŋɛ do mii iyi kaa sobi ŋɛ si nkãma.

Zeremi 2:6

A ci ya ni, iwoi Aɔ̃ Lafɛ̃ɛ iyi í nya wa hai ilɛi Ezibitiu í wa má, nŋu iyi í gbã wa si gbaa do si ilɛ ngbɛ ku nɛ isa nkpɔ nkpɔu, si ilɛ hai nɛ mandi, si ilɛ bii kuwɛɛ í gaabu, ilɛ bii inɛ kãma kù ce si ideu.

Zeremi 4:22

Aɔ̃ Lafɛ̃ɛ í ni, ntɔ ntɔ zamaam nɔu í sũmui, kù màm. Ama nnyɛi ŋai, a kù nɛ bisi. Bisii laalɔ ku cei à nɛ. Amma a kù mà jiida ku ce.

Zeremi 5:31

Walii ŋa à waa ce walii do ibo. Woo wee ŋau à waa ce idɔɔbi nŋa. Nɔ iyi bɛi wa jɛa zamaam inɔ didɔ̃. Amma bɛirei aa ce ŋa na waju ku bɔi ilɛu.

Zeremi 7:8

Amma iŋɛ wee naanɛ nŋɛ í wai si ide ibo ŋa iyi kaa nɛ nŋɛ aranfãani kãma.

Zeremi 9:14

Na nŋu, amu Aɔ̃ Lafɛ̃ɛi lele do ilɛ, amu iyi ǹ jɛ Lafɛ̃ɛi inɛi Izirɛli ŋa ǹ ni, an jɔ̀ inɛ ŋau ihɛ̃ a jɛ mii kuro. An jɔ̀ a mɔ inyi iyi í nɛ kɔ̃ɔtɛ̃i.

Ezekiɛli 22:26

Woo weeɛ ŋa a kù waa jirima woodam nɔ a kù mà bɛɛrɛi inya ŋa iyi à nya ikã à jɛ titom. A kù waa fɛɛfɛ mii iyi í má do iyi kù má. A kù waa kɔ inɛ ŋa bɛi aa mà mii iyi í riisi do iyi kù riisi. A kù waa saalu ajɔi kusĩmim ŋa, nɔ si anini nŋa à bɛjɛ irim.

Ezekiɛli 34:2

awɔ amanɛ, sɔ̃ inɛ ngboi Izirɛli ŋau idei ijuukpã ŋa iyi aa naa si ŋa. Sɔ̃ ŋa iyi amu Aɔ̃ Lafɛ̃ɛ ǹ wa n fɔ ǹ ni, laalɔ á naa si iŋɛ woo degbei Izirɛli ŋau, si na iyi í jɔ̀ idei iri nŋɛi ì ya maa ce. Nɔ woo degbe, idei irii mɛɛmu ŋai í nɛ ku maa ce.

Ozee 4:6

Ntɔ ntɔ, zamaam wa ce nfei si na iyi í jɔ̀ kù nɛ kumà. Nɔ si na iyi í jɔ̀ awɔ takaɛ i kù bi i màm, an nyaɛ hai si icɛm nii. Nɔ si bɛi ì gbɛjɛ woodai amu Aɔ̃ Lafɛ̃ɛɛ, bɛɛbɛ mɔi amu mɔ an gbɛjɛ amaɛ ŋa.

Abakuku 2:18

Aranfãani yoomai iwɛ̃ ŋa ku ce í nɛ. Mii gɔ ŋai iyi à ya ce do wura walakɔ do isɔ̃ fũfũ, nɔ à ya jɔ̀ amanɛ ku dasi ibo naanɛ. Na mii í ce amanɛ á dasi mii ŋa iyi nŋu takaɛ í ce do awɔɛ naanɛɛ. Mii ŋa iyi a kaa yɔkɔ a fɔ ide.

Matie 16:26

Aranfãani yoomai amanɛ í nɛ bii í ba amanii andunya fei nɔ í kua kuwɛɛɛ. Mà mii í wɛɛ iyi amanɛ á kpaasiò kuwɛɛɛ.

Luku 11:52

Ijuukpãi á jɛ tu ŋɛ, iŋɛ woo kɔ inɛ ŋa si wooda ŋau, domi i kù bi ntɔi idei Ilaaɔ̃ ku mà ŋa, nɔ inɛ ŋa iyi à bi ku màɛ iŋɛi ì waa ganji ŋa ŋa.

Laabaau jiida iyi Zãa í kɔ 16:3

Aa ya maa ce bɛɛbɛi si na iyi í jɔ̀ a kù màm hee má jɛ Baaba.

Laabaau jiida iyi Zãa í kɔ 8:55

Do nŋu fei, i kù màa ŋa, amma amu ǹ màa. Bii ǹ ni n kù màa, ǹ jɛ ilu iboi bɛi iŋɛ mɔ. Amma amu ǹ màa nɔ ǹ wa n jirima ideɛ.

Kɔrɛnti 2, 4:2

À nyɔ daai anyɔ ŋa iyi inɛ ŋa à ya ce si asii. A kù wɛɛ do baai bisi laalɔ, a kù kpaasi ide ntɔi Ilaaɔ̃ ibo. Amma à jɔ̀ inɛ ŋa à waa mà ntɔu sãa sãa ku ba inɛ fei ku mà si idɔɛ awa ilu ntɔ ŋai si wajui Ilaaɔ̃.

Wooda ku kɔsi 33:10

Aŋai à ya maa kɔ inɛi Izirɛli ŋa si woodaɛ ŋau. Aŋai à ya naaɛ tuae ku dɔ̃ inunu ŋa wa do kuwee ŋa iyi à ya jo si ina fei sãa sãa si antaii bi kuweeɛu.

Samuɛli 1, 12:21

I maà sinda i koo i maa tɔɔ iwɛ̃ nfe ŋa. Iwɛ̃ ŋa a kaa naa nŋɛ aranfãani kãma wa nɔ a kaa yɔkɔ a faaba ŋɛ, domi a kù jɛ nkãma.

Samuɛli 1, 2:12

Amai Elii ŋa inɛ laalɔ ŋai iyi a kù mà bɛɛrɛi Aɔ̃ Lafɛ̃ɛ.