Zeremi 2:6 - Bibeli do fee

⁶ A ci ya ni, iwoi Aɔ̃ Lafɛ̃ɛ iyi í nya wa hai ilɛi Ezibitiu í wa má, nŋu iyi í gbã wa si gbaa do si ilɛ ngbɛ ku nɛ isa nkpɔ nkpɔu, si ilɛ hai nɛ mandi, si ilɛ bii kuwɛɛ í gaabu, ilɛ bii inɛ kãma kù ce si ideu.

Zeremi 2:6 Iomraidhean Croise

Ilaalu 2, 2:14

Nɔ í cã inyiu do kumbooi Eliiu í ni, iwoi Aɔ̃ Lafɛ̃ɛi Eliiu í wa. Waati iyi nŋu mɔ í cã inyiu ŋɔi í kpɛ̃ cingaa do cingaa, nɔ í kua.

Zɔɔbu 3:5

Ilu kuku do jĩjĩi iku ku biiɛ, nɔ kudũi ijĩ ku ya maa wa antaiɛ waati kãma fei, nɔ ilu kukui dasã ku jɔ̀ njo ku naa siɛ.

Zɔɔbu 35:10

Amma inɛ kãma ci ya ni, hee iwoi Ilaaɔ̃ nŋu iyi í takam í wa, nŋu iyi í ya jɔ̀ ka maa kɔ̃ iri idũ.

Iri ku kɔ̃ 23:4

Waati iyi ǹ ce amɛɛ do iku, n ci ya n nɛ zigiidai ngɔgɔ, domi awɔi ì wɛɛ do amu. Goloɛ do lɔkɔɛ ŋai à jɛ gbugbãm.

Iri ku kɔ̃ 77:5

Ilaaɔ̃, i ci ya jɔ̀ n sĩ njoo, ǹ biti, nɔ n kù mà baa ide iyi an fɔ.

Kufita 20:2

Í ni, amui ǹ jɛ Aɔ̃ Lafɛ̃ɛ nŋɛ. Amui ǹ nya ŋɛ wa hai ilɛi Ezibiti bii ì tako ì waa jɛ aru ŋa wo.

Ezai 63:9

Si inɔ kufɔ nŋa fei, kù cica inɛ gɔ ku naa ku sobi ŋa, amma nŋu takaɛi í naa í faaba ŋa si kubiɛ do si araareɛ. Nŋu takaɛi í ya ŋa nɔ wa gbɔ nŋa. Nŋui wa mu ŋa waati kãma fei baa hai tako.

Ezai 64:7

Do nŋu fei Aɔ̃ Lafɛ̃ɛ, awɔi ì jɛ baa nwa. Awa à yɛi bɛi amà, nɔ awɔi ì jɛ bɛi woo ma caka. Awa fei icɛi awɔɛ ŋai à jɛ.

Zeremi 13:16

I jɔ̀ Aɔ̃ Lafɛ̃ɛ nŋɛ ku nɛ bɛɛrɛ ŋa hee ku na ku maa jɔ̀ ilu kuku ku naa si ŋɛ hee i na i maa koosɛ ŋa si iri kuta ŋa na ilu kukui alɛ alɛu. Aa maa degbe inya kumá ŋa, amma Aɔ̃ Lafɛ̃ɛ á kpaasi inya kumáu ku baa ku jɛ ilu kuku bɛi bi kuwai iku ŋa. Á jɔ̀ inya kumáu ku baa ku jɛ ilu kuku nla nla bɛi kudũi ijĩ.

Zeremi 2:2

koo sɔ̃ inɛi Zeruzalɛmu ŋa i ni amu Aɔ̃ Lafɛ̃ɛ ǹ ni, awɔ Zeruzalɛmu, ǹ wa n ye gigii kubim iyi ì nɛ waati iyi ì wɛɛ mudɛ̃ɛ, do kubim iyi ì nɛ waati iyi ì waa jɛ abo titɔ̃. Waati bɛɛbɛi ì ya toom nii hee gbaa bii nkãma ci ya fitau.

Zeremi 2:8

Woo wee ŋau a kù bee, iwoi Aɔ̃ Lafɛ̃ɛ í wa. Woo mà wooda ŋau a kù màm má. Woo gbã inɛm ŋau à dedeò ide ku kɔ̀ bi tom. Walii ŋau à ce walii nŋai do irii iwɛ̃ Baali. Nɔ à koo à waa too iwɛ̃ ŋa iyi a kaa yɔkɔ a ce nŋa nkãma.

Zeremi 5:12

Inɛi Zudaa ŋa à kɔ̀si Ilaaɔ̃, à ni kù nɛ gbugbã kãma. Nɔ à ni má, laalɔ kãma kaa ba aŋa. À ni igũ kaa naa si aŋa hee má jɛ ari.

Zeremi 5:2

Baa bii à waa ce kugbasi à waa ni, ǹ gbasi do irii Aɔ̃ Lafɛ̃ɛ nŋu iyi í wɛɛ, si iboi à ya maa ceò kugbasiu.

Zeremi 51:43

Iluɛ ŋau à baa à kpɔò bomma, nɔ ilɛu í baa í jɛ gbaa. Í baa í jɛ ilɛ bii inɛ kãma kù wa si má, nɔ inɛ kãma ci ya too do bɛ.

Ozee 12:13

Zakɔbu í sa í nɛ ilɛi Aramu í koo wa cea inɛ gɔ icɛ ku ba ku ba abo. Mɛɛmu gaai í koo wa degbe ku ba ku ba abou.

Ozee 13:4

Izirɛli, amui ǹ jɛ Aɔ̃ Lafɛ̃ɛɛ hai waati iyi ǹ nyaɛ wa hai ilɛi Ezibiti. I kù mà Ilaaɔ̃ mmuɛ kãma gɔ má bii kù jɛ amu. Nɔ woo faaba mmu gɔ kù wɛɛ má bii kù jɛ amu.

Amɔsu 2:10

Amui ǹ nya ŋɛ wa hai ilɛi Ezibiti nɔ ǹ gbã ŋɛ wa adɔ̃ ciiji si gbaa ku ba i lɔ si ilɛi inɛi Amɔre ŋa ku jɛ tu ŋɛ.

Matie 4:16

aŋa iyi à wa si ilu kuku wo, aŋai à yɛ inya kumá nla nla. Aŋa iyi à wa si ilɛ bii iku do ilu kuku í wa, aŋai inya kumá í naa si.

Wooda ku kɔsi 1:19

Si anyiɛ à nɛ hai Ɔrɛbu, nɔ à dabii si gbaa nla nla iyi ì yɛ ŋa nɔ í nɛ zigiidau. Kpãai iri kutai inɛi Amɔre ŋaui à too si bɛi Aɔ̃ Lafɛ̃ɛ nwa í sɔ̃ wau, nɔ à bɔ Kadɛsi-Baanea.

Wooda ku kɔsi 32:10

Aɔ̃ Lafɛ̃ɛ í ba inɛi Izirɛli ŋai si gbaa si fufu nla nla. Nŋui í gbɔ nŋa, í kɔ ŋa nɔ wa wɔ njoo si ŋa bɛi amani jiidaɛ ŋa.

Wooda ku kɔsi 8:2

I ye gigii isɛɛnɛ sisɔ iyi Aɔ̃ Lafɛ̃ɛ nŋɛ í jɔ̀ ì ce ŋa adɔ̃ ciiji si gbaau ku ba ku cɔ laakai nŋɛ nɔ ku mà mii iyi í wa si idɔ nŋɛ, nɔ ku mà bii í jɛ aa yɔkɔ i jirima woodaɛ ŋa walakɔ bii í jɛ i kaa yɔkɔ ŋa.

Woo kiiti ŋa 6:13

Ŋɔi Zedeɔ̃ í jɛaa í ni, suuru lafɛ̃ɛm. Bii í jɛ Aɔ̃ Lafɛ̃ɛ í wɛɛ do awai, bɛirei mii ŋau ihɛ̃ fei í ce wa ba wa. Hee iwoi maamaake nkpɔ nkpɔ ŋau à wa iyi bala nwa ŋa à sisi nwa à ni Aɔ̃ Lafɛ̃ɛ í ce í nyaò aŋa wa hai ilɛi Ezibitiu. Ntɔ ntɔ Aɔ̃ Lafɛ̃ɛ í fũsi wa awɔi, í so wa í daa inɛi Madiãa ŋa si awɔ.