Zeremi 2:2 - Bibeli do fee

² koo sɔ̃ inɛi Zeruzalɛmu ŋa i ni amu Aɔ̃ Lafɛ̃ɛ ǹ ni, awɔ Zeruzalɛmu, ǹ wa n ye gigii kubim iyi ì nɛ waati iyi ì wɛɛ mudɛ̃ɛ, do kubim iyi ì nɛ waati iyi ì waa jɛ abo titɔ̃. Waati bɛɛbɛi ì ya toom nii hee gbaa bii nkãma ci ya fitau.

Zeremi 2:2 Iomraidhean Croise

Iri ku kɔ̃ 129:1

Iri ku kɔ̃i kutɔɔ ku bɔ ku ce. À ceem laalɔ nkpɔ nkpɔ hai waatii awaasũm, Izirɛli ku fɔ ku sisi ku ni,

Kufita 14:31

Nɔ inɛi Izirɛli ŋa à yɛ yaase bɛi Aɔ̃ Lafɛ̃ɛ í nyaò aŋa hai si awɔi inɛi Ezibiti ŋau do gbugbãɛ. Nŋui í jɔ̀ à waa jirimaɛ nɔ à dasiɛ naanɛ, nŋu do Moizi woo ce icɛɛ.

Mɔnda ŋa 1:20

Bisi wa ba inɛ ŋa ku fɔ si kpãa ŋa, wa dɔ̃ anu si bantuma ŋa.

Iri ku kɔ̃ iyi í dɔ̃ í re 3:11

Iŋɛ mudɛ̃ɛi Siɔ̃ɔ ŋa, i fita i naa i cɔ ilaalu Salomɔɔ ŋa. Í dasi fulaɛ bɛi iyeɛ í daa si si waati iyi wa ce abɔdɔ̃u. Ajɔ nŋu bɛ, í wɛɛò inɔ didɔ̃i ntɔ ntɔ.

Iri ku kɔ̃ iyi í dɔ̃ í re 3:6

Yooi wa baa hai ikpa gbaa bɛi cua. Inɛɛu í nɛ inunui tuae iyi à ya kpe miru do tuae mmu ŋa má iyi woo nya sĩa ŋa à ya maa ta.

Ezai 58:1

Ŋɔi Aɔ̃ Lafɛ̃ɛ í ni, dɔ̃ anu hee lele, maà coko. Dɔ̃ anu hee lele bɛi kuu i sɔ̃ zamaam nɔu wooda ku kuaɛ. Sɔ̃ inɛi kpasɛ̃i Zakɔbu ŋa dulum du ŋa ŋa.

Zeremi 11:6

Ŋɔi Aɔ̃ Lafɛ̃ɛ í sɔ̃m í ni, dɔ̃ anu hee lele i fɔ ide ŋau ihɛ̃ si ilui Zudaa ŋa do si kpãai Zeruzalɛmu ŋa i ni, i sotĩ i gbɔ idei akabuuu ihɛ̃ ŋa, nɔ i ceò ŋa icɛ ŋa.

Zeremi 19:2

Fita hai do ikpa lɔɔmai Bɛni-Hinɔmu iyi í wa ikpa andɛ koofai caka kuku ŋau. Tengi bɛi aa dɔ̃ anu i sɔ̃ ŋa ide ŋa iyi an sɔ̃ɛu.

Zeremi 2:1

Ŋɔi Aɔ̃ Lafɛ̃ɛ í sɔ̃m í ni,

Zeremi 2:6

A ci ya ni, iwoi Aɔ̃ Lafɛ̃ɛ iyi í nya wa hai ilɛi Ezibitiu í wa má, nŋu iyi í gbã wa si gbaa do si ilɛ ngbɛ ku nɛ isa nkpɔ nkpɔu, si ilɛ hai nɛ mandi, si ilɛ bii kuwɛɛ í gaabu, ilɛ bii inɛ kãma kù ce si ideu.

Zeremi 3:4

Nsɛi bɛbɛi ì waa dɔ̃ anu sim ì waa ni, baam, awɔi ì jɛ kpaasim hai awaasũm.

Zeremi 7:2

koo leekĩ andɛ gamboi kpasɛ̃i Aɔ̃ Lafɛ̃ɛ. Nɔ i fɔ ideu ihɛ̃ tengi bɛ i ni, i sotĩ i gbɔ idei Aɔ̃ Lafɛ̃ɛ ŋa, iŋɛ inɛi Zudaa ŋa fei iyi ì waa lɔò wa do anu koofa ŋau ihɛ̃ ku ba i sɛɛbataa Aɔ̃ Lafɛ̃ɛ ŋa.

Ezekiɛli 16:22

Si inɔi laalɔ ku ceɛ ŋa do sakara ku ceɛ ŋau fei, i kù ye gigii waatii mudɛ̃ɛu. I kù ye gigii waati iyi ì wɛɛ basĩ popoopo, nɔ ì waa bimbili si njɛɛu.

Ezekiɛli 16:60

Amma amu ǹ wa n ye gigii akabuu iyi ǹ dĩ do awɔ hai mudɛ̃ɛɛ nɔ an kpaasiɛi ku jɛ akabuu iyi á maa wɛɛ do ajɔ fei.

Ezekiɛli 16:8

Ŋɔi ǹ nyi wa má ǹ lɔ kɔkɔɛ nɔ ǹ ba wee ì to awaati bii à nɛ a nɛ kubiɛ. Ŋɔi ǹ fũ ibɔ nlam ǹ bii basĩɛ nɔ ǹ ceɛ kuwã ǹ dĩ akabuu do awɔ. Si bɛɛbɛi amu Aɔ̃ Lafɛ̃ɛ ǹ fɔ ǹ ni ì baa ì jɛ tom.

Ezekiɛli 23:19

Í kɔ̃ɔsi icu ku taɛu nɔ wa coo má wa re baa waati iyi í wɛɛ mudɛ̃ɛ Ezibiti.

Ezekiɛli 23:3

Ama inaabo ŋau, waati iyi à wɛɛ mudɛ̃ɛ, icui à ya maa ta Ezibiti. Bɛi inɛ ŋa à tɛ amɔ nŋa ŋa nɔ à baabaa gɛnda nŋa ŋa.

Ezekiɛli 23:8

Hai Ezibiti bɛi í sinti icu ku tau, domi hai bɛi awaasũ ŋa à ya maa sũòɛ hai mudɛ̃ɛɛ à maa baabaa amɔɛ ŋa nɔ à faa si daa laalɔ nŋau.

Ozee 11:1

Waati iyi Izirɛli í wɛɛ awaasũ, ǹ nɛ kubiɛ. Nŋu iyi í jɛ amam, ǹ kpoo wai hai ilɛi Ezibiti.

Ozee 2:15

An jɔ̀ ku yɛ ijuukpãi waati ŋa iyi í ya maa tɔɔ Baali ŋau. Baali ŋaui í ya maa cea amuai tuae, nɔ na iri nŋai í ya maa dasi lɛlɛawɔ ŋa do saba ŋa. Mɔkɔ kaafeɛ ŋai í ya maa too, nɔ í gbɛjɛ idem. Amu Aɔ̃ Lafɛ̃ɛi ǹ fɔ bɛɛbɛ.

Ozee 2:17

Nɔ hai tengi bɛ, an sindoa jĩi ndii rezɛ̃ɛɛ ŋa, nɔ n jɔ̀ lɔɔmai Akɔɔ ku baa ku jɛ bɛi andɛ koofai kpãa ku cɔ. Hai waati bɛɛbɛ, á maa toom nii bɛi si waatii mudɛ̃ɛɛ, bɛi si waatii kufitaɛ wa hai ilɛi Ezibiti.

Ozee 2:7

Iye nŋa nŋu iyi í bí ŋau, í ce sakara. Í dasi araɛ anyɔi si waati iyi í fɔ í ni, an too mɔkɔ kaafem ŋai, aŋa iyi à waa muum sɔnda do inyi. Aŋai à waa muum ikũ do acɔ, do ikpo do vɛ̃ɛ.

Ozee 8:1

Aɔ̃ Lafɛ̃ɛ í ni, i fã kuu ŋa i faò laakaii inɛ ŋa. Laalɔ í cuku wai si kpasɛ̃i Aɔ̃ Lafɛ̃ɛ bɛi kungbã í ya cuku wa hai lele, si na iyi í jɔ̀ a kù jirima akabuu iyi í wa si gãmɛi awaò ŋa nɔ à ce ide ku kɔ̀ si gãmɛi ikɔm ŋa.

Ozee 9:10

Aɔ̃ Lafɛ̃ɛ í ni, tako wo ǹ yɛ Izirɛli í yɛi bɛi isoi jĩi ndii rezɛ̃ɛ iyi í wa si gbaa. Nɔ ǹ yɛ bala nŋɛ ŋai, bɛi iso sintei figi ŋa iyi à jĩa si jĩi ndii figi. Amma bi Baali-Peɔɔi à dede à nɛ, nɔ à koo à dasi ara nŋa anyɔ. Nɔ aŋa mɔ à baa à jɛ hai nɛ bɛɛrɛ ŋai bɛi iwɛ̃ iyi aŋa taka nŋa à biu.

Zonasi 1:2

dede i bɔ Ninivu ilu nlau, i sɔ̃ inɛɛ ŋau wahala iyi á na ku ba ŋa, domi ǹ yɛ laalɔ ku ce nŋa í la í caa.

Matie 11:15

Inɛ iyi í nɛ itĩ iyi á gbɔò ide, ku gbɔ.

Luku 12:13

Si inɔ zamaau ŋɔi inɛ gɔ í sɔ̃ Jesu í ni, Mɛɛtu, sɔ̃ igbãm ku jɔ̀ ka kpɛ̃ tubu nwa.

Wooda ku kɔsi 2:7

Ntɔ ntɔ Aɔ̃ Lafɛ̃ɛ nŋɛ í wee nŋɛ si icɛi awɔ nŋɛ fei, nɔ í mà isɛɛnɛ nŋɛ si gbaa nlau ihɛ̃. Adɔ̃ ciijii ihɛ̃ bɛbɛi iyi Aɔ̃ Lafɛ̃ɛ nŋɛ í wɛɛ do iŋɛ nɔ i kù kua nkãma ŋa.

Wooda ku kɔsi 33:3

Aɔ̃ Lafɛ̃ɛ í nɛ kubii inɛi Izirɛli ŋau. Inɛ ŋa iyi à jɛ titɛɛ ŋau fei, si awɔɛi à wa. Inɛ ŋau à tɔtɔɔ bi tɛɛi ku ba a maa gbɔ ikɔɛ ŋa.

Wooda ku kɔsi 8:2

I ye gigii isɛɛnɛ sisɔ iyi Aɔ̃ Lafɛ̃ɛ nŋɛ í jɔ̀ ì ce ŋa adɔ̃ ciiji si gbaau ku ba ku cɔ laakai nŋɛ nɔ ku mà mii iyi í wa si idɔ nŋɛ, nɔ ku mà bii í jɛ aa yɔkɔ i jirima woodaɛ ŋa walakɔ bii í jɛ i kaa yɔkɔ ŋa.

Zaaki 4:4

Iŋɛ iyi i kù leekĩò inɛ akã ŋa, i kù mà ŋa iyi bii ì bi andunya, mbɛɛi Ilaaɔ̃i ì ya jɛ ŋa? Inɛ iyi í bi andunya, mbɛɛi Ilaaɔ̃i í ya jɛ.

Kuyɛi Zãa 2:4

Amma iyi ǹ yɛ si ŋɛ wee, i kù bim bɛi tako má ŋa.