Zeremi 2:16 - Bibeli do fee

¹⁶ Nɔ mɔm baa inɛi Nɔfu ŋa do inɛi Tapanɛzi ŋa à ya naa a wa nŋa iri.

Zeremi 2:16 Iomraidhean Croise

Ilaalu 2, 18:21

Ǹ mà iyi sobii Ezibitii ì waa kaaba, nŋu iyi í yɛ bɛi akpa iyi á cɛ nɔ ku gũ awɔi inɛ iyi wa lɔkɔsiɛ. Bɛɛbɛi Faraɔ̃ ilaalui Ezibitiu í yɛ si gãmɛi inɛ ŋa iyi à dasiɛ naanɛ fei.

Ilaalu 2, 23:33

Ŋɔi Faraɔ̃ Neko í muu í dasiɛ piisɔ̃ɔ Ribula si ilɛi Amati í nyaa si bommai Zeruzalɛmuu. Nɔ í daa inɛi Zudaa ŋau isɔ fũfũ kiloo dubu mɛɛta (3.000) do wura kiloo kuntaa iyi aa ya sãa adɔ̃ fei.

Ezai 19:13

Ilaalui Soãa ŋau sũmu ŋai, nɔ ti Nɔfu ŋau mɔ, lasabu nŋa í fɔtɔtɔ. Aŋa iyi à jɛ inɛ ngboi dimii ŋau bɛi à waa dasi Ezibiti ku nyɔu bɛ.

Ezai 59:13

À ce ide ku kɔ̀ bi tɛɛ Aɔ̃ Lafɛ̃ɛ nɔ à zambaɛ. À kɔ̀ ku tooɛ awɔ Aɔ̃ Lafɛ̃ɛ nwa. Ide kulele ŋai à ya ka maa fɔ nɔ à ya ka bɛjɛ mii jiida ŋa. À ya ka ce sɔɔlui ibo ŋa si idɔ nwai nɔ ka maa lasabu si.

Ezai 8:8

Kukɔ̃i inyiu á bɔi hee Zudaa, nɔ á kɔ̃i ntɔ ntɔ hee si kɔ̃ɔ. Á bii kucĩi ilɛɛu mɔm nii fei, Emanuɛli.

Zeremi 44:1

Aɔ̃ Lafɛ̃ɛ í ba Zeremi ide ku fɔ si gãmɛi inɛi Zudaa ŋa iyi à wa si ilui Migidɔli do Tapanɛzi do Nɔfu do si ilɛi Patɔɔsi í ni,

Zeremi 46:14

I fɔ laabaauu si ilɛi Ezibiti ŋa. I jɔ̀ Migidɔli ku gbɔ ŋa, do Nɔfu do Tapanɛzi. I sɔ̃ ŋa i ni, i dede i leekĩ, nɔ i ce sɔɔlu ŋa, domi igũ wa jɛ inɛ ŋa wa kaako ŋɛ.

Zeremi 46:19

Na nŋu, iŋɛ inɛi Ezibiti ŋa, waatii jĩnɛ nŋɛ ŋa ku koi í to wa bɛ i nɛò ilɛ bii aa koo i maa jɛ aru ŋa. Inɛ ŋa aa ce nfei ilui Nɔfu. Aa na a jo iluui, nɔ inɛ kãma kaa wa bɛ má.

Zeremi 48:45

Inɛ ŋa à kua gbugbã nɔ à sa à waa bɔ ku manji Hɛsebɔ̃ɔ, amma ina gɔ í dede si iluu. Amɛi ina gɔi á dede si kpasɛ̃i ilaalu Sioni. Inau á jo kɛkɛlɛi Moabui do koko irii inɛ laalɔ ŋa.

Ezekiɛli 30:13

Ide iyi ǹ wa n fɔ má wee. Amu Aɔ̃ Lafɛ̃ɛ an ce nfei iwɛ̃ ŋai mam mam, nɔ si ilui Nɔfu iwɛ̃ kãma kaa wɛɛ má. Amanlu kãma kaa wɛɛ Ezibiti bɛ má nɔ zigiidai á wa si ilɛu fei.

Ezekiɛli 30:16

An dasi Ezibiti inai nɔ Sini ku wɛɛò zigiida. Aa lu bindii ilui Nooi bii fei, nɔ mbɛɛ ŋai aa faata si ilui Nɔfu wa dasã nkpa.

Ozee 9:6

Waati iyi aa na i fita hai si ilɛ nŋɛ iyi aa lɛgɛu, ilɛi Ezibiti á gba ŋɛ, nɔ ilu nlai Nɔfui á jɛ balɛ nŋɛ, nɔ kakayɛtɛ ŋai aa bii amani jiida nŋɛ ŋa iyi à ce do isɔ fũfũ ŋau fei, nɔ wua tũtũ ku nɛ agũ ŋai aa bii bi kuwa nŋɛ ŋau fei.

Wooda ku kɔsi 33:20

Moizi í fɔ si gãmɛi tɔkui Gadi ŋa í ni, ǹ wa n saabu Aɔ̃ Lafɛ̃ɛ nŋu iyi í mua Gadi bantuma iyi í cĩ. Gadi í sũi bɛi muusu nla iyi í tã sɔɔlu ku ga mɛɛmu iyi í ba í mu í jɛ sɔndaɛ hai ikpaɛ hee ku koo si iriɛ.