Zeremi 2:12 - Bibeli do fee

¹² Iyi bɛ í to ku muɛ biti, awɔ lele. Í to i yaya nɔ i gbɛ.

Zeremi 2:12 Iomraidhean Croise

Ezai 1:2

Lele, sotĩ i gbɔ, ilɛ, sotĩ i gbɔ. Aɔ̃ Lafɛ̃ɛi wa fɔ ide, í ni, ǹ bíi amu ŋa, nɔ ǹ kɔ ŋa, amma wee à dedeò ide ku kɔ̀ si gãmɛm.

Ezai 29:9

I jɔ̀ i wɛɛò biti ŋa nɔ i maà fɔ ide ŋa. I bii iju ŋa, nɔ i baa i jɛ fɛɛju ŋa. À waa ce bɛi atɛ̃ wa kpa ŋa, amma kù jɛ atɛ̃. À koosɛ à waa ce takaa takaa, amma kù jɛ atɛ̃i wa dasi ŋa.

Zeremi 18:13

Na nŋu, Aɔ̃ Lafɛ̃ɛ í ni, i bee inɛi ilɛ mmu ŋa i gbɔ ŋa. Yooi í gbɔ dimii mii bɛɛbɛ. Mii iyi inɛi Izirɛli ŋa à ce, í sãmi hee í caa.

Zeremi 22:29

Ilɛm ilɛm ilɛm, sotĩ i gbɔ ide iyi Aɔ̃ Lafɛ̃ɛ wa fɔ.

Zeremi 4:23

Ŋɔi ǹ cɔ ilɛu, nɔ ǹ ba wee kù nɛ yaase, nkãma kù wa si. Lele mɔ kù nɛ inya kumá má.

Zeremi 6:19

Iŋɛ inɛi andunya ŋa i sotĩ i gbɔ ŋa. Wee ǹ wa n naaò laalɔ wa si inɛm ŋau ihɛ̃, nŋui á jɛ ribai lasabu laalɔ nŋau domi à kɔ̀ ku gbɔ idem ŋa, à kɔ̀ ku jirima woodam ŋa.

Misee 6:2

Iŋɛ iri kuta ŋa, do iŋɛ iyi ì jɛ icu ku nɛ gbugbãi ilɛu, i sotĩ i gbɔ ŋa. Aɔ̃ Lafɛ̃ɛ wa bi ku kiiti inɛi Izirɛli ŋa iyi à jɛ inɛɛ ŋa ku yɛ taale nŋa.

Matie 27:45

Ŋɔi dasã nkpau ilu í kuku si ilɛu fei hee í koo í to isɔ mɛɛtai alɛ.

Wooda ku kɔsi 32:1

Lele, sotĩ i gbɔ idem ŋa. Ilɛ, gbɔ ide ŋa iyi ǹ wa n fɔ.