Zeremi 2:11 - Bibeli do fee

¹¹ Dimi gɔ ci ya kpaasi iwɛ̃ɛ ŋa baa do iyi a kù jɛ bɛi Aɔ̃ Lafɛ̃ɛ fei. Amma iŋɛ zamaam ŋa, ì kpaasi amboe nŋɛ do mii iyi kaa sobi ŋɛ si nkãma.

Zeremi 2:11 Iomraidhean Croise

Ilaalu 1, 11:33

An ce bɛɛbɛi si na iyi í jɔ̀ inɛi Izirɛli ŋau à kɔ̀sim nɔ à waa tɔɔ Asitaate iwɛ̃i inɛi Sidɔ̃ɔ ŋau do Kemɔsi ti inɛi Moabu ŋa do Milikɔmu ti inɛi Amɔɔ ŋa. A kù too kpãa iyi ǹ nyisi ŋa nɔ a kù ce mii iyi í sĩam si. Ntɔ ntɔ a kù jirima woodam ŋa do ide ŋa iyi ǹ jilɛ nŋa bɛi Davidi baai Salomɔɔ í ce.

Ilaalu 2, 1:3

Amma amalekai Aɔ̃ Lafɛ̃ɛ í sɔ̃ Elii inɛi Tisibuu í ni, dede i bɔ amaabɛi ilaalui Samari ŋau ku ko. Nɔ i bee ŋa i ni, kù jɛ Ilaaɔ̃ kù wa ilɛi Izirɛli mái í jɔ̀ ì waa bɔ kubee ku ce bi Baali-Zebu iwɛ̃i inɛi Ekorɔ̃ɔ ŋau?

Bomma 2, 13:9

Iŋɛ si ì kɔ̀si woo weei Aɔ̃ Lafɛ̃ɛ ŋau ŋa ba. Aŋai à jɛ tɔkui Arɔ̃ɔ ŋa do inɛi Levii ŋau, amma ì koo ì dɛdɛ inɛ mmu ŋa i ce ŋa woo wee ŋa, bɛi inɛi ilɛ mmu ŋau à ya ceu. Inɛ baa yooma iyi í mu kɛtɛ kombo do angudã mɛɛje wa ku ceò kuwee, nŋui í ya baa ku jɛ woo weei mii iyi kù jɛ Ilaaɔ̃.

Iri ku kɔ̃ 106:20

À kpaasi Ilaaɔ̃ ilu amboe nŋa do mii iyi í jɔ kɛtɛ iyi í jɛ mɛɛmu ku jɛ fɔfɔ.

Iri ku kɔ̃ 115:4

Iwɛ̃ nŋa ŋa iyi à ce do isɔ fũfũ do iyi à ce do wura, icɛi awɔi amanɛ ŋai.

Iri ku kɔ̃ 3:3

Inɛ nkpɔi wa ni si gãmɛm, faabaɛ kù wa bi Ilaaɔ̃. Kusĩmi.

Ezai 37:19

À ko iwɛ̃ nŋa ŋa à kosi ina. Iwɛ̃ nŋa ŋau, a kù jɛ Ilaaɔ̃, amma icɛi awɔi amanɛ ŋai. À ce ŋai do jĩi ŋa, do kuta ŋa, nɔ à ce nfe nŋa mam mam.

Zeremi 16:20

Amanɛ á yɔkɔ ku ce iwɛ̃ ŋa nɔ a jɛ Ilaaɔ̃? Mii ŋa iyi amanɛ á ce, kaa jɛ Ilaaɔ̃.

Zeremi 18:13

Na nŋu, Aɔ̃ Lafɛ̃ɛ í ni, i bee inɛi ilɛ mmu ŋa i gbɔ ŋa. Yooi í gbɔ dimii mii bɛɛbɛ. Mii iyi inɛi Izirɛli ŋa à ce, í sãmi hee í caa.

Zeremi 2:5

Aɔ̃ Lafɛ̃ɛ í ni, kuce hai jɛ dee dee yoomai bala nŋɛ ŋa à yɛ sim iyi í jɔ̀ à saam, nɔ à koo à waa tɔɔ iwɛ̃ nfe ŋa hee aŋa taka nŋa à baa à jɛ nfe.

Zeremi 2:8

Woo wee ŋau a kù bee, iwoi Aɔ̃ Lafɛ̃ɛ í wa. Woo mà wooda ŋau a kù màm má. Woo gbã inɛm ŋau à dedeò ide ku kɔ̀ bi tom. Walii ŋau à ce walii nŋai do irii iwɛ̃ Baali. Nɔ à koo à waa too iwɛ̃ ŋa iyi a kaa yɔkɔ a ce nŋa nkãma.

Zeremi 5:7

Na mii á jɔ̀ amu Aɔ̃ Lafɛ̃ɛ n ceɛ suuru, Zeruzalɛmu. Amaɛ ŋa à kɔ̀sim. À waa ce kugbasi do irii iwɛ̃ ŋa iyi a kù jɛ Ilaaɔ̃. Ǹ na ŋa bukaatai mii iyi à nɛ fei, amma à wasi sakara ku ce. À na ara nŋai mam mam si sakarau ku ce,

Ezekiɛli 14:5

Ide iyi an jɛa inɛi Izirɛli ŋau á fɔtɔtɔi lasabu nŋa aŋa iyi à jĩim na kubii iwɛ̃ nŋa ŋau.

Ezekiɛli 5:7

Na nŋu, amu Aɔ̃ Lafɛ̃ɛ ǹ sɔ̃ ŋa ǹ ni, laalɔ ku ce nŋa í re ti dimi mmu ŋa iyi à waa kaako ŋa. Ntɔ ntɔ à kɔ̀ ku jirima woodam ŋa do idem ŋai, nɔ a kù jirima baa ti dimi ŋa iyi à waa kaako ŋa ŋau mɔ.

Misee 4:5

Si bɛi dimi baa yooma fei í ya bi ku maa jirima iwɛ̃ɛi, awa, Aɔ̃ Lafɛ̃ɛ nwai aa ka maa jirima hee do ajɔ fei.

Romu 1:23

Í sĩai wo a tɔɔ Ilaaɔ̃ ilu amboe, nŋu iyi kaa ku ajɔ kãma. Amma wee à sinda à waa tɔɔ iwɛ̃ ŋa iyi à jɔ amanɛ iyi á ku. Iwɛ̃ gɔ ŋa mɔ à jɔ yɛi ŋa, do mɛɛmu ŋa iyi à waa nɛ do iyi à waa cã ilɛ.

Kɔrɛnti 1, 8:4

Iyi í jɛ ti idei iŋai kuwee si bii ì waa bee mà í sĩa i ya ŋɔɔ ŋa. Awa à mà iyi iwɛ̃ kù jɛ ngɔgɔ si andunya. À nɔ à mà iyi Ilaaɔ̃ nŋu akãi í wɛɛ.

Galati 4:8

Tako wo i kù mà Ilaaɔ̃ ŋa, nɔ ì jɛ arui iwɛ̃ ŋa iyi a kù jɛ Ilaaɔ̃.

Wooda ku kɔsi 32:16

Inɛi Izirɛli ŋau à waa dede idɔɔkɔ̃i Aɔ̃ Lafɛ̃ɛ na kuce laalɔ nŋa ŋa. À waa fɔ́ inɔɛ na iwɛ̃ ŋa iyi à ya maa tɔɔu.

Wooda ku kɔsi 32:21

À dede igum do iwɛ̃ nŋa ŋa, nɔ à dede idɔɔkɔ̃m na iri nŋa. Na nŋu, dimi hai nɛ yaase gɔ iyi kù jɛ dimi jiidai amu mɔ an maa n gbɔa ku ba do yaase bɛɛbɛ n dede igu nŋa, nɔ n jɔ̀ idɔ nŋa ku kɔ̃ si dimi hai nɛ yaaseu.

Wooda ku kɔsi 33:29

Iŋɛ ilu inɔ didɔ̃ ŋai iŋɛ inɛi Izirɛli ŋa. Iŋɛ akãi ì jɛ zamaa iyi Aɔ̃ Lafɛ̃ɛ í faaba. Aɔ̃ Lafɛ̃ɛi í jɛ tɛli iyi wa degbe ŋɛ. Nŋui í jɛ taakuba iyi í jɔ̀ ì waa jɛ igũ ŋa. Mbɛɛ nŋɛ ŋa aa ya naa a tɔɔ i ce araarei aŋai, nɔ iŋɛi aa kɛkɛ faau nŋa ŋa.

Piɛɛ 1, 1:18

Bala nŋɛ ŋa à jɔ̀ nŋɛ tubui kuwɛɛ nfe nfe. Nɔ iŋɛ taka nŋɛ ì mà ŋa iyi à ya ŋɛi hai si kuwɛɛu. Kù jɛ do isɔ fũfũ walakɔ wura iyi á na ku tãi à ya ŋɛò.

Samuɛli 1, 4:21

Si anyii nŋu, ŋɔi í sɔ amau Ikabɔdu, waatɔ amboe kù wɛɛ má. Í ni, amboei Ilaaɔ̃ í sɛkɛɛ hai si inɛi Izirɛli ŋa. Í fɔ bɛɛbɛi si na iyi í jɔ̀ à so kpakou nɔ mɔkɔɛ do Elii à ku.