Biblia Todo Logo
Bìoball air-loidhne

- Sanasan -




Zeremi 19:4 - Bibeli do fee

4 Ntɔ ntɔ, inɛi Zudaa ŋau à fũsim awɔi. À jɔ̀ inɛ ŋa a kù mà inyau ihɛ̃. Iwɛ̃ ŋai à ya maa joa tuae ku dɔ̃ inunu ŋa. Iwɛ̃ ŋau aŋa taka nŋa a kù mà ŋa, nɔ bala nŋa ŋa a kù mà ŋa, nɔ ilaalui Zudaa ŋau mɔ a kù mà ŋa. Nɔ à jɔ̀ inyau í kɔ̃i do njɛi inɛ ŋa iyi a kù nɛ taale kãma.

Faic an caibideil Dèan lethbhreac




Zeremi 19:4
49 Iomraidhean Croise  

Manasee í tale si inɛi Zudaa ŋau dulum ku ce nɔ í jɔ̀ à ce mii iyi kù dɔ̃a Aɔ̃ Lafɛ̃ɛ si. Iyi í re mɔm, í kpa hai nɛ taale nkpɔ nkpɔ hee ilui Zeruzalɛmu í kɔ̃ do njɛ.


Ŋɔi ilaaluu í lɛgɛ bi kuwee iyi í wa Tofɛti. Tofɛtiu si lɔɔmai Hinɔmui í wa. Í lɛgɛɛi ku ba inɛ kãma ku maà jo amaɛ ku ceaò iwɛ̃ Molɔku kuwee má.


do si na iyi í jɔ̀ í dikã njɛi hai nɛ taale ŋa hee í kɔ̃ ilui Zeruzalɛmu. Nŋu ŋau bɛ feii í jɔ̀ Aɔ̃ Lafɛ̃ɛ kù bi ku ce nŋa suuru má.


À dikã njɛi ama inɛmɔkɔ do ti ama inaabo nŋa ŋa iyi a kù ce taale kãma. Ama nŋa ŋaui à ceaò iwɛ̃i Kanaã ŋau kuwee, nɔ ilɛu í so riisi na njɛi amu ŋa iyi à dikãu.


Ì ya maa sɛi ŋai do kutɛ gbãa ku ba i koo i ce laalɔ ŋa. Nɔ ì ya ce saasa ŋai i koo i kpa inɛ iyi kù ce taale kãma. Mii iyi ì waa lele si lasabu nŋɛ ŋa nŋu akãi í jɛ laalɔ ku cea inɛ ŋa. Laalɔ do inɔ kukãi í ya wa si kpãa nŋɛ ŋa.


Amma iŋɛ iyi ì fũsi amu Aɔ̃ Lafɛ̃ɛ awɔ ŋa, iŋɛ iyi ì gbɛjɛ iri kuta kumám nɔu, iŋɛ iyi ì ya maa cea iwɛ̃ iyi à ya kpe Gadi sɔnda, nɔ ì ya maa buãa iwɛ̃ iyi à ya kpe Meni atɛ̃ ŋa,


An jɔ̀ ide iyi ǹ fɔ si gãmɛi inɛm ŋau fei ku ba ŋai na laalɔ ku ce nŋau, si na iyi í jɔ̀ à kɔ̀sim nɔ à waa cea iwɛ̃ ŋa kuwee do tuae, do si na iyi í jɔ̀ à ya maa sɛɛbata si wajui icɛi awɔ nŋa ŋa.


Kukpɔi iwɛ̃i inɛi Zudaa ŋau do kukpɔi ilu nŋa ŋau fei à waa mungai. Si ilui Zeruzalɛmu, bi kuwee ŋa iyi à ce do kukpɔi kpãaɛ ŋau fei à waa mungai. Si bi kuwee ŋau bɛi à ya cea iwɛ̃ Baali iyi à ya kpe anyɔu kuwee ŋa.


Ŋɔi Aɔ̃ Lafɛ̃ɛ í ni má, ì fũsim awɔ ì sinda ì nyi do anyi. Na nŋu, an yɔ awɔm wa siɛ nɔ n ce nfeɛ. N kaa n yɔkɔ n maa n mɔsi do araareɛ ku ce.


Waati bɛɛbɛ, aa jɛ nŋai i ni, Aɔ̃ Lafɛ̃ɛ í ni, bala nŋɛ ŋai à fũsim awɔ à koo à waa tɔɔ iwɛ̃ ŋa nɔ à waa sɛɛbata nŋa. À sinda à toom anyii nɔ a kù ceò woodam ŋa icɛ.


Aɔ̃ Lafɛ̃ɛ, awɔi ì jɛ kpãa ku cɔi Izirɛli. Inɛ ŋa iyi à fũsiɛ awɔ fei, si anyɔi aa wa. Inɛ ŋa iyi à sɛkɛɛ à jɔ̀ɛ fei, aa yɛi bɛi inɛ ŋa iyi à kɔ iri nŋa si ilulu, domi awɔ Aɔ̃ Lafɛ̃ɛ iyi ì jɛ isɔ̃i inyii kuwɛɛi à fũsi awɔ bɛ.


nɔ i sɔ̃ ŋa i ni, i sotĩ i gbɔ idei Aɔ̃ Lafɛ̃ɛ iŋɛ ilaalui Zudaa do inɛi Zudaa ŋa fei hee ku koo si inɛi Zeruzalɛmu ŋa iyi à ya lɔò hai andɛ koofa ŋau fei.


To, inɛm ŋa wee à gbɛjɛm. À koo à waa cea iwɛ̃ ŋa kuwee. Iwɛ̃ ŋaui à waa dasi ŋa isɛ ku ko si kpãa nŋa ŋa iyi à mà hai tako wo, nɔ à koo à waa nyaa ara nŋa kpãa titɔ̃ ŋa.


Ntɔ ntɔ, hee tuuba minjii zamaam nɔu ihɛ̃ í ce kurara bɛbɛi. À kɔ̀sim, amu iyi ǹ jɛ isɔ̃i inyii kuwɛɛ, nɔ à koo à waa tua ara nŋa lɔgɔ ŋa iyi a kaa yɔkɔ a jilɛ inyi.


I kù yɛ iyi inɛ bɛ ŋa fei wa baɛi si na iyi í jɔ̀ ì fũsi Aɔ̃ Lafɛ̃ɛɛ awɔ si waati iyi í gbãɛ wa nɛòɛ si kpãa jiida?


Inɔ kukãɛi á jɔ̀ i ba ijuukpã, nɔ dee dee hai jɛɛi á jɔ̀ i yɛ bɔ̃nɛ. Do yaase bɛɛbɛ, aa mà iyi mii iyi ì ce í jɛ laalɔ nɔ í ro. Ì fũsi amu Aɔ̃ Lafɛ̃ɛɛ awɔ nɔ i kù mà bɛɛrɛm. Amu Aɔ̃ Lafɛ̃ɛi lele do ilɛ, amui ǹ fɔ bɛɛbɛ.


Ǹ kpã ama nŋɛ ŋa ijui si ngbɛ. A kù ce laakai si mii iyi í ba ŋau. Do taakuba nŋɛi ì kpaò walii nŋɛ ŋa, bɛi muusu nla kugaabu.


Iŋɛ woo ce laalɔ ŋa, njɛi ilu are hai nɛ taale ŋa í wa si ibɔ nŋɛ ŋa. A kù nɔ a kù ga gambo nŋɛ ŋa.


Amma awɔ, idei irii araɛi ì waa ce, nɔ ì waa kpa hai nɛ taale ŋa. Ì waa kpã inɛ ŋa ijui ntɔ ntɔ.


Bɛi Aɔ̃ Lafɛ̃ɛ í fɔ wee. Í ni, i ya ce iyi í tɛ do iyi í jɛ dee dee ŋa. I ya faaba inɛ iyi inɛ laalɔ ŋa à waa takii ŋa. I maà ya gba mii ndii inɛ njoo gɔ, nɔ i maà ya gba mii ndii kɔyɔ do abo jaaɔ̃ ŋa. I maà ya taa inɛ ŋa gbugbã, nɔ i maà ya dikã njɛi hai nɛ taale ŋa si inyau ihɛ̃ ŋa.


Amma mii iyi ì nɛ i mà ŋa wee. Bii ì kpam ŋa, hai nɛ taalei ì kpa ŋa bɛ, nɔ njɛm ku dikãɛ á jɛ idei iri nŋɛ, iŋɛ do zamaai iluu ihɛ̃ fei, domi ntɔ ntɔ Aɔ̃ Lafɛ̃ɛi í bɛm wa bi tu ŋɛ n naa n sɔ̃ ŋɛ ide ŋau bɛ fei.


Inɛ ŋau à koo à mu Uria wa à baaɛ wa à koo à na ilaalu Zoakimu, nɔ í jɔ̀ à gũu do taakuba à kpaa, à bɛi à so ikuɛu à koo à dasi inɔ balɛ bii à si zamaa nkpɔ nkpɔ.


na laalɔ iyi à ce à dedeò idɔɔkɔ̃m. Iwɛ̃ ŋai à ya maa tɔɔ nɔ a maa ce nŋa kuweei tuae ku dɔ̃ inunu iyi à ya jo si ina. Iwɛ̃ ŋau bɛ, aŋa taka nŋa a kù mà ŋa hee má jɛ bala nŋa ŋa.


Na ŋɔi í ce muusu nla í fita wa hai sako wa kpa ŋa. Nɔ gbeegbekũi gbaa wa ce nfe nŋa. Muãa wa manji kɔkɔi ilu nŋa. Inɛ nŋa iyi á fita fei, á gagagaai, domi dulum du ŋau í kpɔ wa kɔ̃ɔsii. Zamba nŋa mɔ kù nɛ baa jia.


nɔ i kù waa kpã inɛ njoo do kɔyɔ do jaaɔ̃ ŋau iju ŋa, bii i kù waa kpa hai nɛ taale gɔ si inyau ihɛ̃ ŋa, nɔ i kù waa too iwɛ̃ ŋa iyi aa jɔ̀ laalɔ ku ba ŋɛ,


Mii iyi ì ya maa ce ŋa wee. Ile do inɛ ku kpa do sakara do kugbasi ku ce si ibo do iwɛ̃ Baali ku joa tuae do iwɛ̃ mmu ŋa iyi i kù mà ŋa ku tɔɔ.


Wahalau í naai na dulum dii walii ŋau do kurarai woo wee ŋau, domi aŋai à kpa inɛ dee dee ŋa si inɔ iluu.


Ǹ jɔ̀ à baa à jɛ ilu riisi ŋa na ama sinte nŋa ŋa iyi à waa jo à waa ceò kuwee. Ǹ ce bɛɛbɛi ku ba njo ku mu ŋa nɔ do yaase bɛɛbɛ a mà iyi amui ǹ jɛ Aɔ̃ Lafɛ̃ɛ.


An sinda n to nŋa anyi, nɔ inɛ ŋa aa bɛjɛ mii iyi ǹ bi. Inɛ laalɔ ŋai aa lɔ siɛ nɔ aa bɛjɛɛi.


Nɔ ǹ yɛ inɛ ngbo kitaò fɛɛwai inɛi Izirɛli ŋau à waa leekĩ si wajui mii ŋa iyi à jɔ ŋau. Yaazania amai Safãa í wa inɔ nŋa. Aŋa fei à waa mu mii ku jo tuae nɔ cua í dede lele.


Á jɔ̀ sooge ŋa a koo a leekĩ bi idĩ iyi wa jɛ gbugbãi kpasɛ̃i Ilaaɔ̃ui. Sooge ŋau aa lɔ si ile kumáui a jɔ̀ ku so riisi. Aa ganji inɛ ŋa a cea Ilaaɔ̃ kuweei ajɔ feiu ku ba a jilɛ mii laalɔ iyi á ce asɔɔi mii ŋa si tengi bi ku ce kuweeu.


Na nŋu, ijuukpãi woo kpa walii ŋau fei hai sintei andunya si iri nŋɛi á jɛ.


Ajɔ akã á yɔkɔ ku jɛ ì gbɔ ŋa iyi si akãi ilu ŋa iyi Aɔ̃ Lafɛ̃ɛ í mu nŋɛ i buba si ŋau,


Waliiu walakɔ woo ce kuyɛ si ala dimi bɛɛbɛ, aa kpaai, domi ide ku kɔ̀i í dedeò bɛ si gãmɛi Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti bii ì waa jɛ aru ŋau, nɔ wa bi ku sinda ŋɛ hai si kpãa iyi Aɔ̃ Lafɛ̃ɛ nŋɛ í nyisi ŋɛu. Aa kpaa ŋai i ba i nyaò laalɔ iyi í wa anini nŋɛu.


Si wũaa iyi ì waa ce ŋa fei, Aɔ̃ Lafɛ̃ɛ á jɔ̀ ikpe ku naa sii. Zigiida do wahala ŋa mɔ aa naa si ŋɛ, nɔ i kaa kpɛ ŋa mɔm ku ce nfe nŋɛ mam mam si na iyi í jɔ̀ ì fũsiɛ awɔ ŋa nɔ nŋu bɛi á jɛ taale iyi ì ce ŋa.


Aɔ̃ Lafɛ̃ɛ á jɔ̀ a mu ŋɛi iŋɛ do ilaalu iyi aa jilɛa ara nŋɛu a nɛò ŋɛ ilɛ mmu gɔ bii iŋɛ taka nŋɛ do bala nŋɛ ŋa i kù mà ŋa. Nɔ tengi bɛ, iwɛ̃ ŋai aa maa tɔɔ ŋa. Iwɛ̃ ŋau, kuta do jĩi ŋa iyi à gbei.


nɔ á jɔ̀ i fangaa ŋai si ilɛi dimi mmu ŋa hai si kɔɔi andunya tengi bii ì wa ŋa hee ku bɔ si kɔɔ mmu. Nɔ tengi bɛ, iwɛ̃ ŋa iyi bala nŋɛ ŋa do iŋɛ taka nŋɛ i kù mà ŋai aa koo i maa tɔɔ ŋa. Iwɛ̃ ŋau, jĩi ŋa walakɔ kuta ŋa iyi à gbe à jɔ ŋa ŋai.


Inɛ ŋau à kpa woo dasi naanɛ ŋa do walii ŋa à nikã njɛ nŋa, nɔ ì na ŋa njɛ a mɔ. Bɛɛbɛi à jɔò.


Iwɛ̃ ŋai inɛ ŋau à ya maa tɔɔ. Ŋɔi anu akã igũ í dede, nɔ a kù nɛ tɛli hee má jɛ kaka iyi aa na amanɛ dubu ciiji (40.000) si ilɛi Izirɛli.


Lean sinn:

Sanasan


Sanasan