Zeremi 19:3 - Bibeli do fee

³ Aa sɔ̃ ŋai i ni, i sotĩ i gbɔ idei Aɔ̃ Lafɛ̃ɛ iŋɛ ilaalui Zudaa ŋa do iŋɛ inɛi Zeruzalɛmu ŋa. Bɛi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í ni wee. Í ni, an jɔ̀ wahala ku naa si inyau ihɛ̃. Inɛ ŋa iyi aa gbɔ ibai kunaaɛu wa fei, aa gbɔɔi bɛi ibai kulai ijĩ.

Zeremi 19:3 Iomraidhean Croise

Iri ku kɔ̃ 102:15

Awa woo ce icɛɛ ŋa, à nɛ kubii kutai Siɔ̃ɔ ŋau nɔ araare wa mu wa na ilùlùɛ ŋau.

Iri ku kɔ̃ 110:5

Aɔ̃ Lafɛ̃ɛ í wa awɔ njɛɛ. Á ce nfei ilaalu ŋai ajɔ iyi idɔɔkɔ̃ɛ á dede.

Iri ku kɔ̃ 2:10

Na nŋu, iŋɛ ilaalu ŋa i ce lasabu ku ce ncɛɛ si mii iyi aa ce ŋa. I ce laakai si ideu ihɛ̃, iŋɛ inɛ ngboi ilɛ ŋau fei.

Ezai 28:19

Waati iyi á na ku maa lɔ fei, á mu ŋɛi. Nɔ á ya lɔi daakɔ fei do dasã do idũ. Nɔ ibaɛ nŋu akã, á jɔ̀ njo ku mu ŋɛ.

Zeremi 13:18

Sɔ̃ ilaalu do iyeɛ i ni, i buba ilɛ ŋa, domi fulai amanlu nŋɛ iyi í nɛ booda kusĩau í nya í cuku hai si iri nŋɛ.

Zeremi 17:20

nɔ i sɔ̃ ŋa i ni, i sotĩ i gbɔ idei Aɔ̃ Lafɛ̃ɛ iŋɛ ilaalui Zudaa do inɛi Zudaa ŋa fei hee ku koo si inɛi Zeruzalɛmu ŋa iyi à ya lɔò hai andɛ koofa ŋau fei.

Zeremi 18:11

Ŋɔi Aɔ̃ Lafɛ̃ɛ í ni má, ba inɛi Zudaa ŋa do inɛi Zeruzalɛmu ŋa ide ku fɔ. Sɔ̃ ŋa i ni amu Aɔ̃ Lafɛ̃ɛ ǹ ni ǹ nɛ lasabu iyi ǹ ce si gãmɛ nŋa. Sɔɔlui wahalai ǹ ce nŋa. Na nŋu, a fũsi kpãa sãmi nŋa ŋau awɔ a sinda wa. A teese kpãa nŋa ŋa do kuce nŋa ŋau.

Zeremi 19:15

Aɔ̃ Lafɛ̃ɛi lele do ilɛ, nŋu iyi í jɛ Aɔ̃ Lafɛ̃ɛi inɛi Izirɛli ŋa í ni, amu Aɔ̃ Lafɛ̃ɛ an jɔ̀ wahala ku naa si iluu ihɛ̃ hee do si ilu ŋa iyi à wa kɔkɔɛ ŋau fei. Wahala ŋa iyi ǹ tako ǹ fɔ ideɛ si gãmɛu fei, á baai domi inɛi ilu ŋau à lele idɔ nŋa à kɔ̀ ku gbɔ idem ŋa.

Zeremi 25:29

Nɔ wahalau á sintii hai si ilu iyi à nya ikã í jɛ titom nɔu. Nɔ iŋɛ taka nŋɛ i kaa fita si ŋa, domi i kaa jɛ hai nɛ taale ŋa. An ce nŋɛi bɛi ilu taale ŋau. Iyi í re mɔm, an jɔ̀ igũ ku cei si andunyau fei. Amu Aɔ̃ Lafɛ̃ɛi lele do ilɛi ǹ fɔ bɛɛbɛ.

Zeremi 35:17

Nɔ Zeremi í sɔ̃ ŋa má í ni, na nŋu, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni, wahala ŋa iyi ǹ fɔ ideɛ si gãmɛi inɛi Zudaa ŋa do inɛi Zeruzalɛmu ŋau fei, an jɔ̀ ku naa si ŋai, domi iyi ǹ ba ŋa ide ku fɔ a kù desim itĩ, nɔ iyi ǹ kpe ŋa à kɔ̀ ku jɛ.

Zeremi 44:3

na laalɔ iyi à ce à dedeò idɔɔkɔ̃m. Iwɛ̃ ŋai à ya maa tɔɔ nɔ a maa ce nŋa kuweei tuae ku dɔ̃ inunu iyi à ya jo si ina. Iwɛ̃ ŋau bɛ, aŋa taka nŋa a kù mà ŋa hee má jɛ bala nŋa ŋa.

Zeremi 6:19

Iŋɛ inɛi andunya ŋa i sotĩ i gbɔ ŋa. Wee ǹ wa n naaò laalɔ wa si inɛm ŋau ihɛ̃, nŋui á jɛ ribai lasabu laalɔ nŋau domi à kɔ̀ ku gbɔ idem ŋa, à kɔ̀ ku jirima woodam ŋa.

Ezekiɛli 7:5

Aɔ̃ Lafɛ̃ɛ í ni, laalɔ gɔ wa naa iyi a kù yɛ dimiɛ titã.

Matie 10:18

Aa bɔò ŋɛ si wajui ilu ilɛ ŋa do bi amanlu ŋa na irim, ku ba i jɛ sɛɛdam si waju nŋa ŋa do bi dimi mmu ŋa.

Kuyɛi Zãa 2:29

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.

Samuɛli 1, 3:11

Ŋɔi Aɔ̃ Lafɛ̃ɛ í sɔ̃ Samuɛli í ni, wee an jɔ̀ wahala nla nla gɔ ku naa si inɛi Izirɛli ŋa, inɛ iyi í gbɔɔ fei á ya muu bitii.