Zeremi 19:2 - Bibeli do fee

² Fita hai do ikpa lɔɔmai Bɛni-Hinɔmu iyi í wa ikpa andɛ koofai caka kuku ŋau. Tengi bɛi aa dɔ̃ anu i sɔ̃ ŋa ide ŋa iyi an sɔ̃ɛu.

Zeremi 19:2 Iomraidhean Croise

Ilaalu 2, 23:10

Ŋɔi ilaaluu í lɛgɛ bi kuwee iyi í wa Tofɛti. Tofɛtiu si lɔɔmai Hinɔmui í wa. Í lɛgɛɛi ku ba inɛ kãma ku maà jo amaɛ ku ceaò iwɛ̃ Molɔku kuwee má.

Bomma 2, 28:3

Í koo í jo tuae ŋa si lɔɔmai amai Hinɔmu ŋa, nɔ í kpa amaɛ ŋa í ceò kuwee. Bɛɛbɛi í ce í tooò si kuce laalɔi inɛi ilɛ ŋa iyi Aɔ̃ Lafɛ̃ɛ í lele si wajui inɛi Izirɛli ŋau.

Bomma 2, 33:6

Nɔ í so amaɛ ŋa í jo ŋa í ceò kuwee si lɔɔmai Hinɔmu. Í ya ce alisi nɔ í ce dobu dobu ŋa. Nɔ í jilɛ inɛ ŋa iyi à ya ba iku ŋa ide ku fɔ má nɔ à ya fɔ mii iyi á na ku ce. Í ce mii iyi kù dɔ̃a Aɔ̃ Lafɛ̃ɛ si í dedeò idɔɔkɔ̃ɛ.

Neemi 3:29

Si anyi nŋa nɔ Sadɔku amai Imɛɛ í ce ti anu kpasɛ̃ɛ. Si anyiɛ nɔ Semaya amai Sekania woo degbe anu koofa iyi à ya kpe koofai nunui daakɔu í ce icɛ.

Zeremi 1:7

Nɔ Aɔ̃ Lafɛ̃ɛ í sɔ̃m í ni, maà ti i ni awɔ ama keekei, domi awɔi aa bɔ bi inɛ ŋa iyi an bɛɛ ŋau bɛ fei, nɔ i fɔ iyi an sɔ̃ɛ fei.

Zeremi 11:6

Ŋɔi Aɔ̃ Lafɛ̃ɛ í sɔ̃m í ni, dɔ̃ anu hee lele i fɔ ide ŋau ihɛ̃ si ilui Zudaa ŋa do si kpãai Zeruzalɛmu ŋa i ni, i sotĩ i gbɔ idei akabuuu ihɛ̃ ŋa, nɔ i ceò ŋa icɛ ŋa.

Zeremi 18:2

dede i bɔ kpasɛ̃i woo ma caka, tengi bɛi an jɔ̀ i gbɔ idem ŋa iyi ǹ nɛ ku sɔ̃ɛ.

Zeremi 26:2

ide iyi amu Aɔ̃ Lafɛ̃ɛ ǹ wa n sɔ̃ɛ wee. Koo i leekĩ bantumai kpasɛ̃i amu Aɔ̃ Lafɛ̃ɛu, nɔ i ba inɛ ŋa iyi à waa naa amu Aɔ̃ Lafɛ̃ɛ ku tɔɔ hai si ilui Zudaa ŋau fei ide ku fɔ. Sisi nŋa ide ŋa iyi an sɔ̃ɛ ŋau fei. Maà jɔ̀ baa ide icu akã.

Zeremi 3:12

Bɔ ikpa awɔ njɛi kpãai inunu i la na ideu ihɛ̃ i maa ni, baa wa Izirɛli woo kpaasi ide. Aɔ̃ Lafɛ̃ɛ í ni, n kaa n cɔɛ do iju laalɔ, domi ǹ jɛ ilu araare. N ci ya mu idei mbɛɛtɛ do ajɔ fei.

Zeremi 32:35

À maa iwɛ̃ nŋa iyi à ya kpe Baaliu inya kugboka ŋa si lɔɔmai Bɛni-Hinɔmu. À cooi ku ba a ya so ama inɛmɔkɔ do ama inaabo nŋa ŋa a ceaò iwɛ̃ nŋa iyi à ya kpe Molɔkuu kuwee si bɛ. Nɔ kuce iyi bɛ, kù jɛ amui ǹ na ŋa woodaɛ, nɔ kù naa baa si lasabum mɔm. Daa sãmi bɛɛbɛ ŋai à ce à taleò inɛi Zudaa ŋa si laalɔ ku ce.

Zeremi 7:2

koo leekĩ andɛ gamboi kpasɛ̃i Aɔ̃ Lafɛ̃ɛ. Nɔ i fɔ ideu ihɛ̃ tengi bɛ i ni, i sotĩ i gbɔ idei Aɔ̃ Lafɛ̃ɛ ŋa, iŋɛ inɛi Zudaa ŋa fei iyi ì waa lɔò wa do anu koofa ŋau ihɛ̃ ku ba i sɛɛbataa Aɔ̃ Lafɛ̃ɛ ŋa.

Zonasi 3:2

dede i bɔ Ninivu ilu nlau, nɔ i sɔ̃ ŋa ide iyi ǹ sɔ̃ɛu.

Matie 10:27

Iyi ǹ wa n sɔ̃ ŋɛ si ilu kuku, i fɔɔ si inya kumá ŋa. Iyi ì gbɔ si asii ŋa i cã kɛsɛɛdɛ.

Woo bɛ ŋa 20:27

domi ǹ sisi nŋɛ ide iyi Ilaaɔ̃ í jilɛ fei n kù singa nŋɛ gɔgɔɛ.

Woo bɛ ŋa 5:20

i bɔ bantumai kpasɛ̃i Ilaaɔ̃ i koo i leekĩ bɛ nɔ i sisia inɛ ŋa idei kuwɛɛ titɔ̃u fei ŋa.

Zozue 15:8

Nɔ hai bɛ kɔɔu í nɛ ikpa lɔɔmai Hinɔmu do ikpa cingaai Zebusi iyi í jɛ Zeruzalɛmu do ikpa awɔ cangai kpãai inunu, nɔ í bɔ hee antaii iri kuta iyi í wa do wajui lɔɔmai Hinɔmu ikpa nunui alɛu, hee do kɔɔi lɔɔmai inɛi Refai ŋa.