Zeremi 19:1 - Bibeli do fee

¹ Ŋɔi Aɔ̃ Lafɛ̃ɛ í sɔ̃ Zeremi má í ni, koo i ra cakai amà bi woo ma caka. Bii ì waa koo, gbã inɛ ngboi ilu ŋau do inɛ ŋa iyi à jɛ inɛ ngbo ŋa si inɔi woo wee ŋau.

Zeremi 19:1 Iomraidhean Croise

Ilaalu 2, 19:2

Ŋɔi í bɛ inɛ ŋa bi walii Ezai amai Amɔɔsuu. Inɛ ŋa iyi í bɛ ŋau wee. Eliakimu inɛ ngboi woo ce icɛi kpasɛ̃ɛu do Sebuna woo kɔ tiaɛu do inɛ ŋa iyi à ce inɛ ngbo si inɔi woo wee ŋau à re. Inɛ ŋau mɔ, jĩnɛi inɔ kufɔ ŋai à dasi à bɛi à bɔò bi walii Ezaiu.

Ezai 30:14

Á lɛgɛi bɛi boonyi iyi woo ma caka ŋa à ce. À ce buubuui, nɔ baa akãi buubuuɛ ŋau kaa to a ceò adɛ̃ ku bu ina walakɔ mii iyi aa ya buò inyi wa hai si bii gɔ bii à dasi inyi.

Zeremi 13:1

Ŋɔi Aɔ̃ Lafɛ̃ɛ í sɔ̃m í ni, koo ra kungbã iyi à ce do ikũ ku nɛ gbugbã i dũu si kpakaɛ. Amma maà fɔɔ.

Zeremi 26:17

Nɔ mɔm inɛ gɔ ŋa hai si inɔi inɛ ngbo ŋa iyi à wa si ilɛu, à dede à sɔ̃ zamaau fei à ni,

Zeremi 32:14

Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í ni, so tiai akabuu ŋa iyi í jɛ akabuui ìwò ku ra iyi í nɛ akpaawɔ do iyi í wɛɛò kucĩu i dasi ŋa si inɔ cakai amà ku ba ku jilɛ ku kpɛ.

Kukpata 4:2

Inɛi Siɔ̃ɔ ŋa à jɛ ilu bɛɛrɛ ŋa, aŋa iyi à waa wã bɛɛrɛ nŋa bɛi ti wura alala. Bɛirei í ce nsɛi, à waa doo ŋa bɛi cakai amà iyi woo ce caka í ce.

Ezekiɛli 4:1

Awɔ amanɛ, so biiki í jilɔɔ si wajuɛ nɔ i ce si fotoo gɔ ku jɔ ilui Zeruzalɛmu.

Ezekiɛli 5:1

Aɔ̃ Lafɛ̃ɛ í sɔ̃m í ni, awɔ amanɛ, so lɛmu ku dɔ̃ anu ku jɛ bɛi abɛɛ i waò iriɛ do agbãɛ. Si anyiɛ, so kiloo i wã kuwoɛ nɔ i timbiɛ ikɔ mɛɛta.

Ezekiɛli 9:6

I kpa ŋa i ce nfe nŋa mam mam ŋa, hai mɔkɔ ngbo ŋa, do awaasũ ŋa, do mudɛ̃ɛ ŋa, do ama keeke ŋa, do inaabo ŋa. Amma i maà kpa inɛ ŋa iyi à nɛ nyinda ŋau ŋa. Nɔ i sinti hai kpasɛ̃m ŋa. Ŋɔi à sinti ku kpa inɛ ngbo ŋa iyi à wa andɛ kpasɛ̃u.

Kuka 11:16

Ŋɔi Aɔ̃ Lafɛ̃ɛ í jɛa Moizi í ni, tɔtɔɔ amanɛ kitaò fɛɛwa bi tɛɛ, inɛ ŋa iyi à jɛ inɛ ngboi inɛi Izirɛli ŋau, inɛ ŋa iyi ì mà à jɛ inɛ ngbo ŋa nɔ à nɛ gbugbã si ŋau, gbã ŋa wa iŋɛò ŋa i naa i leekĩ anui ile bi kukou.

Matie 26:3

Waati iyi Jesu wa sɔ̃ mɔcɔɛ ŋa ideu, inɛ ngboi woo weei Ilaaɔ̃ ŋau do inɛ ngboi Zuifu ŋau à tɔtɔɔ kabai Kaifu woo wee nlau.

Matie 27:1

Ŋɔi daadaakɔ inɛ ngboi woo weei Ilaaɔ̃ ŋa do inɛ ngboi Zuifu ŋa fei à jilɔɔ si aŋa a kpa Jesu.

Woo bɛ ŋa 21:11

Í naa bi tu wa nɔ í so santiikii Pɔlu í dĩò isɛɛ ŋa do awɔɛ ŋa nɔ í ni, ide iyi Hundei Ilaaɔ̃ wa fɔ wee. Inɛ iyi í nɛ santiikiu ihɛ̃ bɛ ihɛ̃i Zuifu ŋa iyi à wa Zeruzalɛmu aa dũu nɔ a daa dimi mmu ŋa si awɔ.

Kɔrɛnti 2, 4:7

Amma awa iyi à nɛ amani nlau ihɛ̃, à yɛi bɛi cakai amà ku ba inɛ ŋa a mà iyi kulai gbugbãu ti Ilaaɔ̃i, kù jɛ ti awa taka nwa.