Zeremi 17:3 - Bibeli do fee

³ Iŋɛ inɛi Zudaa ŋa, iŋɛ iyi ì ya gũ antaii iri kuta ŋa si inɔ sako ŋa, an jɔ̀ inɛ ŋa a naa a ko mii jiida nŋɛ ŋa, do amani nŋɛ ŋa fei nɔ a lɛgɛ bi ku ce kuwee nŋɛ ŋa fei. Mii ŋau bɛ aa ba ŋɛi na dulum ŋa iyi ì ce ŋa si ilɛu fei.

Zeremi 17:3 Iomraidhean Croise

Ilaalu 2, 24:13

Ŋɔi í ko amanii kpasɛ̃i Aɔ̃ Lafɛ̃ɛ ŋau fei do ti kpasɛ̃i ilaaluu. Nɔ í lɛgɛ jĩnɛi wura ŋa iyi Salomɔɔ ilaalui Izirɛli í ce si kpasɛ̃i Aɔ̃ Lafɛ̃ɛu fei si bɛi Aɔ̃ Lafɛ̃ɛ í tako í fɔu.

Iri ku kɔ̃ 78:58

À dede idɔɔkɔ̃ɛ bi ku ce kuwee si geete nŋa ŋa. Mii ŋa iyi à gbe à jɔ iwɛ̃ nŋa ŋaui à dedeò igu ku jaɛ.

Ezai 27:9

Do yaase bɛɛbɛi í kpaò kurarai dimii Zakɔbu. Mii iyi suurui dulum iyi à ceau á bí wee. Aa lɛgɛ kuta ŋa iyi à ceò bi kuweeu feii hee a nya fufu nŋa. Nɔ inɛ kaa yɛ jĩi ŋa iyi à gũ na iwɛ̃ Asera ŋau a maa leekĩ má, nɔ bi ku jo tuae ŋau mɔ a kaa maa leekĩ má.

Zeremi 12:12

Hai si iri kuta ŋa bii inɛ kãma ci ya fitaui woo ce asɔɔ ŋau à faata wa. Taakubai Aɔ̃ Lafɛ̃ɛ í ce nfei ilɛu hai kɔɔ ihɛ̃ hee ku bɔ kɔɔ ikpa ihɔ̃. Nɔ laakai ku sũ kù wɛɛa inɛ kãma.

Zeremi 15:13

Awɔ Zudaa, an jɔ̀ a ko mii jiidaɛ ŋa do amaniɛ ŋa nɔ a kaa nɛ a sãaɛ nkãma, na dulum dɛɛ ŋa iyi ì ce si ilɛu fei.

Zeremi 20:5

Hai kosĩai iluu fei do mii ŋa iyi à ce à ba fei, do mii jiida ŋa iyi à nɛ fei, do amanii ilaalui Zudaa ŋau fei, an so n daa mbɛɛ nŋa ŋa si awɔi. Aa kooi ku jɛ tu ŋa a nɛò ilɛi Babilɔni.

Zeremi 21:13

Ŋɔi i nyi i ni má, iŋɛ iyi ì wa si lɔɔmai iri kuta ku munga anuu, iŋɛi ǹ wa n fãa bɛ. Iŋɛ iyi ì ya maa ni, mbɛɛ yoomai á naa hee bi tu wa. Yooi á lɔ ku naa hee bi tu wa ihɛ̃.

Zeremi 26:18

si waatii Ezekiasi ilaalui Zudaa, walii gɔ í wɛɛ iyi à ya kpe Misee inɛi Moresɛti. Nŋui í ce walii í sɔ̃ zamaai Zudaa fei í ni, ide iyi Aɔ̃ Lafɛ̃ɛi lele do ilɛ í fɔ wee. Í ni, Siɔ̃ɔ á na ku yɛi bɛi iko iyi à logoo à nya fiiɛ, Zeruzalɛmu mɔ bɛi ilu iyi í cuku í ce geete, nɔ iri kuta bii kpasɛ̃i Aɔ̃ Lafɛ̃ɛ í wau mɔ á ce agboi, fɔfɔ ku biiɛ fei.

Kukpata 1:10

Mbɛɛ í ko mii jiida ŋa iyi Zeruzalɛmu í nɛu fei. Zeruzalɛmu í yɛ soogei dimi mmu ŋa à lɔ si ile kumáɛ, aŋa iyi ì ganji a lɔ si bii zamaaɛ ŋa à tɔtɔɔu.

Ezekiɛli 16:39

An soɛi n daa mɔkɔ kaafeɛ ŋau si awɔ. Aa lɛgɛ inya kugboka ŋa iyi ì maui. Aa bɔ jĩnɛ ŋa iyi ì waa dasiui. Aa ko booda kusĩaɛ ŋaui, nɔ aa jɔ̀ɛi basĩ popoopo.

Ezekiɛli 23:46

Amu Aɔ̃ Lafɛ̃ɛ ǹ ni an jɔ̀ zamaa ku dede si ŋa nɔ a jɔ̀ zigi nŋa ku da nɔ a ko mii iyi à nɛ fei.

Ezekiɛli 6:3

Aa sɔ̃ ŋai i ni, iŋɛ iri kutai Izirɛli ŋau, i sotĩ i gbɔ ide iyi Aɔ̃ Lafɛ̃ɛ wa sɔ̃ inɛ nŋɛ ŋa iyi à wa si geete ŋau do si lɔkɔntɔ ŋa do si lɔɔma ŋau. Í ni, amu Aɔ̃ Lafɛ̃ɛ an jɔ̀ igũ ku naa si ŋɛ nɔ ku ce nfei bi kuwee nŋɛ ŋau.

Kuwee 26:30

Na saabui kucé iyi an cé nŋɛi á jɔ̀ n lɛgɛ geete bii ì ya cea iwɛ̃ nŋɛ ŋa kuwee. An lɛgɛ tengi bii ì ya ce kuweei tuae nŋɛ ŋau. An kitigba iku nŋɛ ŋai si buubuui iwɛ̃ nŋɛ ŋau.

Misee 3:12

Na nŋu, na iri nŋɛ, Siɔ̃ɔ á yɛi bɛi ilɛ iyi à fa. Zeruzalɛmu á kpɔò bomma. Nɔ bɛɛbɛi iri kuta kumá bii kpasɛ̃i Ilaaɔ̃ í wau á baa ku yɛi bɛi agbo.

Sofoni 1:13

Aa ce asɔɔi amani nŋa ŋai, nɔ aa lɛgɛ kpasɛ̃ nŋa ŋa. Aa maa ile ŋa, amma a kaa ba a sũ si. Aa lɔ jĩi ndii rezɛ̃ɛ ŋa, amma a kaa ba vɛ̃ɛ a mɔ.