Zeremi 15:3 - Bibeli do fee

³ Nɔ Aɔ̃ Lafɛ̃ɛ í nyi í ni má, ijuukpã ikã ikã mɛɛi an jɔ̀ ku naa si ŋa. Taakuba á kpa ŋa, nɔ aja ŋa aa fà ŋai a nɛò hee jĩijĩ. Yɛi ŋa do mɛɛmui sako ŋai aa ŋɔ ŋa a kpa iri nŋa.

Zeremi 15:3 Iomraidhean Croise

Iri ku kɔ̃ 68:23

Aɔ̃ Lafɛ̃ɛ í ni, an baaò ŋa wa hai Basãa. An nya ŋa wa hai lɛlɛi tenku,

Ezai 18:6

À ya nyɔ fei ndɛɛ bɛi ku jɛ sɔndai yembeeku ŋa iyi à wa si iri kuta ŋau do ti mɛɛmui sako ŋa. Sɔndai yembeeku ŋaui á jɛ sukui kokoo, nɔ ku jɛ ti mɛɛmui sako ŋa sukui jɛadɔ̃.

Zeremi 12:9

Debɛi zamaam nɔu í baa í jɛɛm bɛi yɛi ku jɛ iŋai kpaasi ŋa iyi í fɔ́ araɛ do njɛ? Yɛi ŋa iyi à ya jɛ iŋai kpaasi ŋai à kaakoɛ? I koo i tɔtɔɔ mɛɛmui sako ŋau fei ŋa nɔ i jɔ̀ a naa jingau ŋa.

Zeremi 14:12

Baa bii à waa tɔɔm do anu ku dĩ, n kaa n gbɔ anu ku dɔ̃i inɔ kufɔ nŋa. Nɔ baa bii à waa ceem kuwee iyi à ya jo si ina fei sãa sãa do amua ŋa, n kaa n gba, domi ǹ wa n bi n ce nfe nŋai do taakuba do ari do bɔ̃ɔ ŋa iyi á kpa ŋa.

Zeremi 14:16

Nɔ inɛ ŋa iyi à waa cea walii ŋau, an kɛkɛ ŋai si kpãai Zeruzalɛmu ŋau na ari do igũ iyi á ceu. Inɛ kãma kaa wɛɛ iyi a si aŋa taka nŋa hee má jɛ abo nŋa ŋa. A kaa si ama inɛmɔkɔ nŋa ŋa hee má jɛ ama inaabo nŋa ŋa. An jɔ̀ inɔ kukã nŋa ku cuku si irii aŋa taka nŋai.

Zeremi 16:4

Bɔ̃ɔ á kpa ŋai. A kaa si ŋa, nɔ a kaa ce akũ nŋa. Aŋai aa baa a jɛ bɛi taasii ilɛ, nɔ aa kui si igũ walakɔ ari ku kpa ŋa. Nɔ mɛɛmui sako ŋa do yɛi ŋai aa jɛ iku nŋa.

Zeremi 7:33

Yɛi ŋa do mɛɛmui sako ŋai aa jɛ ikui zamaau, nɔ inɛ kãma kaa lele ŋa.

Kukpata 3:11

Í jɔ̀ ǹ yaa hai si kpãa, í gagagam nɔ í ce nfem.

Ezekiɛli 14:21

Si anyiɛ Aɔ̃ Lafɛ̃ɛ í ni, wahala nla nla mɛɛi ǹ jɔ̀ í naa si Zeruzalɛmu. Wahala ŋau wee. Igũ do ari do mɛɛmu kugaabu ŋa do patapoo ku ba n ce nfei hai amanɛ ŋa hee do mɛɛmu ŋa fei.

Ezekiɛli 33:27

Na nŋu, sɔ̃ ŋa iyi amu Aɔ̃ Lafɛ̃ɛ ǹ fɔ ǹ ni, hee do kuwɛɛm fei, inɛ ŋa iyi à wa si ilu ŋa iyi à lɛgɛu, aa kpa ŋai do taakuba. Inɛ ŋa iyi à wa inɔ sako, mɛɛmui sako ŋai aa kpa ŋa. Inɛ ŋa mɔ iyi à waa manji si iri kuta ŋa do si isai kuta ŋa, bɔ̃ɔi á kpa ŋa.

Kuwee 26:16

to, bɛi an ce nŋɛ bɛbɛi wee. An jɔ̀ zigiida ku naa si ŋɛ, aa ce bɔ̃ɔ ŋa nɔ aa gbɛ ŋa, aa ce ara gbãa ŋa nɔ iju nŋɛ ŋa a jĩisa. Nɔ aa wahala ŋa. Mii iyi ì gbɛ̃ ŋa fei, ngbɛi. Mbɛɛ nŋɛ ŋa aa gba fei ndɛɛi.

Kuwee 26:22

An jɔ̀ mɛɛmui sako ŋa a naa si ŋɛ a na a ce nfei ama nŋɛ ŋa, nɔ a ce nfei mɛɛmu ku sɛ̃ nŋɛ ŋa. Aa jɔ̀ akpɔ nŋɛ ku kaye nɔ kpãa nŋɛ ŋa fei aa baa a gbe ngbɛ.

Kuwee 26:25

An jɔ̀ igũ ku naa si ilɛ nŋɛ, ku ba ku kpã ŋɛ iju na akabuu iyi í wa aninii awaɛ ŋa iyi ì jɔ̀ í da ŋau. Bii ì sa ì koo ì manji ilu mmu ŋa, an jɔ̀ patapoo ku cuku si ŋɛ, si anyiɛ nɔ n jɔ̀ mbɛɛ nŋɛ ŋa a jɛ ŋɛ igũ.

Amɔsu 5:19

Á yɛi bɛi mɔkɔ gɔ iyi wa saa muusu nla nɔ i koo i kò muãa. Iyi í to kpasɛ̃, ŋɔi í tɛ̀ awɔ si idĩi ileɛ nɔ njo wukuku í ŋɔɔ.

Wooda ku kɔsi 28:26

Iku nŋɛ ŋau, sɔndai yɛi ŋa do ti mɛɛmui sako ŋai aa jɛ, nɔ inɛ kãma kaa bitandi ŋa.

Wooda ku kɔsi 32:24

Waati iyi ari á na ku kpa ŋa hee a kua gbugbã, nɔ bɔ̃ɔi ara gbãa do bɔ̃ɔ gɔ iyi á na ku maa kpa ŋa á naa si ŋa, waati bɛɛbɛi an jɔ̀ mɛɛmui sako kugaabu gɔ ŋa do njo ku nɛ acĩ gɔ ŋa a naa si ŋa.

Kuyɛi Zãa 6:8

Ǹ cɔ ilu nɔ ǹ yɛ acĩ fũfũ fɛɛ̀fɛɛ̀ gɔ wa naa. Inɛ iyi wa gũu, iriɛi Iku, nɔ bi kuwai iku ŋa wa tooɛ. Aŋai à na gbugbã a kpa ikɔ akãi kukpɛ̃ mɛɛi inɛi andunya ŋau do mɛɛmui sako ŋa iyi à wa si ilɛu do taakuba, do ari, do bɔ̃ɔ.