Zeremi 15:2 - Bibeli do fee

² Waati bɛɛbɛ, bii à beeɛ à ni, iwoi aa ka bɔ, aa jɛ nŋai i ni, bɛi amu Aɔ̃ Lafɛ̃ɛ ǹ fɔ wee. Ǹ ni, mii iyi í nɛ ku ba inɛ fei á baai. Inɛ iyi í jɛ ti iku, á kui. Inɛ mɔ iyi í jɛ ti igũ, si igũi á ku. Inɛ mɔ í jɛ ti ari, arii á kpaa. Inɛ mɔ iyi á jɛ aru, aa muu arui.

Zeremi 15:2 Iomraidhean Croise

Ezai 10:4

Aa yɛ ijuukpã ŋai do inɛ ŋa iyi aa mu si igũ, walakɔ mɔ aa ku ŋai. Amma do nŋu fei idɔɔkɔ̃i Aɔ̃ Lafɛ̃ɛ kaa sũ. Awɔɛ á kɔ̀ ku maa wa lelei ku ba ku kpã ŋɛ iju.

Ezai 24:18

Inɛ iyi wa sa na ibai zigiidau, á dasi isai. Nɔ inɛ mɔ iyi wa fita wa hai inɔ isau, taaoi á muu, domi á yɛi bɛi à cĩ mii ŋa iyi à waa gɛɛ inyii leleu, nɔ icui ilɛ ŋau fei à waa yaga.

Zeremi 14:12

Baa bii à waa tɔɔm do anu ku dĩ, n kaa n gbɔ anu ku dɔ̃i inɔ kufɔ nŋa. Nɔ baa bii à waa ceem kuwee iyi à ya jo si ina fei sãa sãa do amua ŋa, n kaa n gba, domi ǹ wa n bi n ce nfe nŋai do taakuba do ari do bɔ̃ɔ ŋa iyi á kpa ŋa.

Zeremi 14:16

Nɔ inɛ ŋa iyi à waa cea walii ŋau, an kɛkɛ ŋai si kpãai Zeruzalɛmu ŋau na ari do igũ iyi á ceu. Inɛ kãma kaa wɛɛ iyi a si aŋa taka nŋa hee má jɛ abo nŋa ŋa. A kaa si ama inɛmɔkɔ nŋa ŋa hee má jɛ ama inaabo nŋa ŋa. An jɔ̀ inɔ kukã nŋa ku cuku si irii aŋa taka nŋai.

Zeremi 16:4

Bɔ̃ɔ á kpa ŋai. A kaa si ŋa, nɔ a kaa ce akũ nŋa. Aŋai aa baa a jɛ bɛi taasii ilɛ, nɔ aa kui si igũ walakɔ ari ku kpa ŋa. Nɔ mɛɛmui sako ŋa do yɛi ŋai aa jɛ iku nŋa.

Zeremi 19:7

Si inyau bɛi an kpa irii kucei inɛi Zudaa do ti inɛi Zeruzalɛmu ŋau. An jɔ̀ a dasi awɔi mbɛɛ nŋa ŋai do si awɔi woo yɛ taale nŋa ŋa, nɔ a kpa ŋa do taakuba. Yɛi ŋa do mɛɛmui sako ŋai an jɔ̀ a jɛ iku nŋa ŋa.

Zeremi 43:11

Waati iyi á na ku to wa, nŋui á cã Ezibiti ku lɛgɛɛ. Waati bɛɛbɛ, inɛ ŋa iyi aa ku, aa kui, inɛ ŋa mɔ iyi aa mu aru, aa mu ŋa arui, inɛ ŋa mɔ iyi aa kpa do taakuba, aa kpa ŋai do taakuba.

Ezekiɛli 12:11

Sɔ̃ ŋa iyi mii iyi ì ceò bɛ, nyinda gɔi iyi wa nyisi iyi aa mu ŋa aru a nɛò ŋa.

Ezekiɛli 14:21

Si anyiɛ Aɔ̃ Lafɛ̃ɛ í ni, wahala nla nla mɛɛi ǹ jɔ̀ í naa si Zeruzalɛmu. Wahala ŋau wee. Igũ do ari do mɛɛmu kugaabu ŋa do patapoo ku ba n ce nfei hai amanɛ ŋa hee do mɛɛmu ŋa fei.

Ezekiɛli 33:27

Na nŋu, sɔ̃ ŋa iyi amu Aɔ̃ Lafɛ̃ɛ ǹ fɔ ǹ ni, hee do kuwɛɛm fei, inɛ ŋa iyi à wa si ilu ŋa iyi à lɛgɛu, aa kpa ŋai do taakuba. Inɛ ŋa iyi à wa inɔ sako, mɛɛmui sako ŋai aa kpa ŋa. Inɛ ŋa mɔ iyi à waa manji si iri kuta ŋa do si isai kuta ŋa, bɔ̃ɔi á kpa ŋa.

Ezekiɛli 5:12

Bii à kpɛ̃ zamaai iluu ikɔ mɛɛta, sinteu á kui do bɔ̃ɔ do ari iyi á ce si inɔ iluu. Minjisiau do taakubai aa kpa ŋa si anyii iluu a kaakoɛ. Mɛɛtasiau mɔ an fangaa ŋai bii fei si andunyau nɔ n maa n lele ŋa do taakubam.

Ezekiɛli 5:2

Waati iyi ajɔi iluu ku bu koeu á leekĩ, koo jo ikɔ sinteu si aninii iluu. Ikɔ minjisiau, cãa do abɛu i kaakoò iluu. Ikɔ mɛɛtasiau koo fangaaɛ si fufu nɔ n leleɛ do taakubam.

Daniɛli 9:12

Ide iyi ì fɔ si gãmɛ nwa do si gãmɛi inɛ ngbo ŋa iyi à gbã wau, ì jɔ̀ í ce. Ì jɔ̀ laalɔ nla nla iyi a kù yɛ dimiɛ ajɔ kãma si andunyau ihɛ̃ í naa si Zeruzalɛmu.

Amɔsu 5:19

Á yɛi bɛi mɔkɔ gɔ iyi wa saa muusu nla nɔ i koo i kò muãa. Iyi í to kpasɛ̃, ŋɔi í tɛ̀ awɔ si idĩi ileɛ nɔ njo wukuku í ŋɔɔ.

Zakari 11:9

Nɔ ǹ sɔ̃ ŋa ǹ ni, n kaa n degbe ŋɛ má. Inɛ ŋa iyi aa ku a ku. Inɛ ŋa iyi aa kpa a kpa ŋa. Nɔ inɛ ŋa iyi à gbe a maa kpã njɛ iju.

Kuyɛi Zãa 13:10

Inɛ iyi í nɛ piisɔ̃ɔ ku bɔ, tilasi piisɔ̃ɔi á bɔ. Inɛ mɔ iyi à nɛ a kpa do taakuba, tilasi taakubai á kpaa. Na nŋu, woo dasi naanɛ ŋa à nɛ a temuai nɔ a leekĩ si naanɛ ku dasi nŋa.