Zeremi 15:1 - Bibeli do fee

¹ Ŋɔi Aɔ̃ Lafɛ̃ɛ í sɔ̃m í ni, baa bii Moizi do Samuɛli à naa bi titom na iri nŋa, lasabum kaa nyi wa si ŋa má pai. Lele ŋa a nɛ a jĩim, n kù bi ku yɛ ŋa má.

Zeremi 15:1 Iomraidhean Croise

Kusintii Andunya 19:27

Ajɔ nŋu bɛ, Aburahamu takaɛ mɔ í dede daadaakɔu í bɔ bii í tako í leekĩ si wajui Aɔ̃ Lafɛ̃ɛu.

Ilaalu 2, 17:20

Kuce laalɔu í jɔ̀ Aɔ̃ Lafɛ̃ɛ í fũsi dimii inɛi Izirɛli ŋau fei awɔ, nɔ í so ŋa í daa mbɛɛ nŋa ŋa si awɔ í dasi ŋa anyɔ nɔ í lele ŋa í jɔ̀ à jĩò bi tɛɛ.

Iri ku kɔ̃ 106:23

Ŋɔi í ni nŋu á ce nfe nŋai mam mam. Amma Moizi nŋu iyi í cicau í tɔɔɛ í ni ku maà ce nfe nŋa si idɔɔkɔ̃ɛu.

Iri ku kɔ̃ 99:6

Moizi do Arɔ̃ɔ à wa si inɔi woo weeɛ ŋa, nɔ Samuɛli mɔ í wa si inɔi woo tɔɔɛ ŋa. À kpe Aɔ̃ Lafɛ̃ɛ, nɔ í jɛ nŋa.

Mɔnda ŋa 14:35

Woo ce icɛ ilu bisi í ya jɔ̀ ilaalu ku wɛɛò inɔ didɔ̃, amma idɔɔkɔ̃ɛ í ya wa si inɛ iyi wa dasiɛ anyɔ.

Zeremi 10:18

Ide iyi Aɔ̃ Lafɛ̃ɛ í fɔ wee. Í ni, si tuubau ihɛ̃, an so inɛi ilɛ ŋaui n ta ŋa bɛi à ya ta atavim. An mante ŋai ntɔ ntɔ ku ba inɛ ŋa a to ŋa awɔ.

Zeremi 11:14

Awɔ Zeremi, maà ce kutɔɔ na irii inɛ ŋau ihɛ̃ má. Maà dɔ̃ sim anu nɔ i maà ce kutɔɔ na iri nŋa má, domi n kaa n gbɔ nŋa má bii à waa tɔɔm na laalɔ iyi í naa si ŋa.

Zeremi 14:11

Ŋɔi Aɔ̃ Lafɛ̃ɛ í sɔ̃m í ni, maà ce kutɔɔ na aranfãanii zamaau ihɛ̃ do na jiidaɛ.

Zeremi 14:12

Baa bii à waa tɔɔm do anu ku dĩ, n kaa n gbɔ anu ku dɔ̃i inɔ kufɔ nŋa. Nɔ baa bii à waa ceem kuwee iyi à ya jo si ina fei sãa sãa do amua ŋa, n kaa n gba, domi ǹ wa n bi n ce nfe nŋai do taakuba do ari do bɔ̃ɔ ŋa iyi á kpa ŋa.

Zeremi 15:19

Na ŋɔi í jɔ̀ Aɔ̃ Lafɛ̃ɛ í fɔ í ni, bii ì sinda ì nyi wa bi tom, an jɔ̀ i baa si icɛɛ si wajum má. Bii ì tã sɔɔlu i ya wũaa ide iyi í nɛ bɛɛrɛ, do iyi kù nɛ bɛɛrɛ, awɔi aa jɛ woo fɔ idem. Nɔ aŋai à nɛ a sinda a baa bi titɛɛ bɛbɛi, amma kù jɛ awɔi aa nyi si ŋa.

Zeremi 16:13

Na nŋu, an lele ŋɛi hai si ilɛu ihɛ̃ i nɛ ilɛ mmu bii i kù mà ŋa, nɔ bala nŋɛ ŋau mɔ a kù màa. Ikpa bɛ, dasã do idũ fei, iwɛ̃ ŋai aa ya maa tɔɔ ŋa, domi amu n kaa n ce araarei kãma nŋɛ má.

Zeremi 16:5

Aɔ̃ Lafɛ̃ɛ í nyi í ni má, maà lɔ kpasɛ̃ bii iku í ce, nɔ i maà bɔ bi ku ce akũ ŋa, nɔ i maà wɛɛò inɔ kufɔ na iri nŋa ŋa, domi ǹ nya laakai ku sũm hai bi inɛ ŋau bɛ. Nɔ jiida ku jɛm do kubim kù wa si ŋa má. Amu Aɔ̃ Lafɛ̃ɛi ǹ fɔ bɛɛbɛ.

Zeremi 18:20

Bii à cea inɛ jiida, laalɔi í nɛ ku sã? Ǹ wa n fɔ bɛɛbɛi si na iyi í jɔ̀ inɛ ŋau à tu isa ku ba n dasi bɛ a kpam. Ye gigi iyi amui ǹ naa ǹ leekĩ si wajuɛ nɔ ǹ fɔ ide na iri nŋa nɔ ì sinda idɔɔkɔ̃ɛ hai si ŋa.

Zeremi 22:28

Waati bɛɛbɛ, inɛ ŋa aa beei a maa ni, Koniau bɛi mii dabu, walakɔ bɛi mii hai nɛ bɛɛrɛ iyi inɛ gɔ kù bi mái ba. Mà mii gɔi iyi inɛ gɔ kù waa saabu si má. Na mii í jɔ̀ à nyɔɔ nŋu do amaɛ ŋa fei. À so ŋai à sɔ ŋa si ilɛ gɔ iyi a kù mà.

Zeremi 23:39

An fũsi ŋɛ awɔi mam mam, nɔ an nyɔ ŋɛi i jĩim ŋa, iŋɛ do ilu iyi ǹ mu nŋɛ, iŋɛ do bala nŋɛ ŋau.

Zeremi 35:19

amu Aɔ̃ Lafɛ̃ɛi lele do ilɛ, Lafɛ̃ɛi inɛi Izirɛli ŋa, ǹ wa n sɔ̃ ŋɛi, Yonadabu amai Rekabu kaa kua tɔkuɛ gɔ iyi á ya maa ceem icɛ.

Zeremi 52:3

Mii iyi í ba inɛi Zeruzalɛmu do Zudaa ŋau fei í cei si na iyi í jɔ̀ idɔi Aɔ̃ Lafɛ̃ɛ í kɔ̃ si ŋa hee wa bi ku lele ŋa hai si wajuɛ. Nɔ Sedesiasi í na í dedeò ide ku kɔ̀ si gãmɛi Nebukanɛsaa ilaalui Babilɔniu.

Zeremi 9:19

Na nŋu iŋɛ inaabo ŋa i sotĩ i gbɔ idei Aɔ̃ Lafɛ̃ɛ ŋa nɔ i gbɔ bɛi wa fɔ wa hai si gɛlɛɛ ŋa. I kɔ ama inaabo nŋɛ ŋa si kukpata ŋa. Inaabo ŋau inɛ fei ku kɔ kpaasiɛ si kukpatau.

Ezekiɛli 14:14

Baa bii í jɛ inɛ mɛɛta gɔ ŋa à wa si ilɛu iyi kuwɛɛ nŋa í yɛ bɛi ti Nowee do Daniɛli do Zɔɔbu, a kaa yɔkɔ na dee dee ku jɛ nŋa a faaba inɛi ilɛ ŋau. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 22:30

Ǹ dɛdɛ inɛ gɔ si inɔ nŋa iyi á ma bindiu ku kaakoɛ nɔ ku maa leekĩ bi foo ku ba n maà n naa n ce nfei ilɛu, amma n kù ba.

Ozee 9:15

Laalɔ nŋau fei í fita gbugbãai Giligali bɛ. Si gãmɛu bɛi n kù bi ide nŋa. Na laalɔ ku ce nŋa an lele ŋai hai kpasɛ̃m. N kaa n nɛ kubi nŋa má. Inɛ ngbo nŋa ŋau fei ilu itĩ ku yika ŋai.

Zakari 3:3

Nɔ Zozue wa leekĩ si wajui amalekau wa dasi ibɔ riisi gɔ.

Wooda ku kɔsi 9:26

Nɔ ǹ tɔɔɛ ǹ ni, Aɔ̃ Lafɛ̃ɛ, maà kpa zamaaɛu, tubuɛ iyi ì ya do awɔ gbugbãɛ ì jɔ̀ í fita wa hai ilɛi Ezibitiu.

Ebɛɛ 9:24

À mà sãa sãa iyi Kirisi kù lɔ ile kumá iyi amanɛ ŋa à ce. Kù lɔ ile kumá iyi í jɔ bi kuwa ntɔ ntɔi Ilaaɔ̃u, amma í lɔi hee lele takaɛ nɔ nsɛi wa leekĩ si wajui Ilaaɔ̃ na iri nwa.

Woo kiiti ŋa 5:9

Idɔm í wa si inɛ ngboi soogei Izirɛli ŋau, nɔ í wa si inɛ ŋa iyi à na ara nŋa a koo a ce igũu. I saabu Aɔ̃ Lafɛ̃ɛ ŋa.

Samuɛli 1, 12:19

Ŋɔi à sɔ̃ Samuɛli à ni, tɔɔ Aɔ̃ Lafɛ̃ɛɛ na iri nwa ku ba ka maà ku, domi à kɔ̃ɔsi dulum du wa ŋai si bɛi à tɔɔ ilaalu.

Samuɛli 1, 12:23

Bɛɛbɛi amu mɔ n kaa n gbɛɛjiò kutɔɔ ku ce nŋɛ waati kãma fei nɔ n nyisi ŋɛ kpãa jiidau, domi bii n kù coo, dulum nii.

Samuɛli 1, 7:9

Ŋɔi Samuɛli í so ama angudã iyi kù da amɔ titã nɔ í cea Aɔ̃ Lafɛ̃ɛ kuwee iyi à ya jo si ina fei sãa sãa, í cea inɛi Izirɛli ŋa kutɔɔ nɔ Aɔ̃ Lafɛ̃ɛ í jɛaa.