Zeremi 12:3 - Bibeli do fee

³ Nɔ amu, ì màm Aɔ̃ Lafɛ̃ɛ. Ì waa yɛm, ì wusɛ idɔm ì yɔɔ iyi í wa bi titɛɛ. Amma aŋa iyi à gbe ŋau, nya ŋa ikã bɛi angudã ŋa iyi à waa bɔò bi ku kpa mɛɛmu ŋa. Nya ŋa ikã a maa degbeò ajɔi kukpa nŋa.

Zeremi 12:3 Iomraidhean Croise

Ilaalu 2, 20:3

Si kutɔɔɛu wa nii, Aɔ̃ Lafɛ̃ɛ, ǹ wa n tɔɔɛi, ye gigi iyi ǹ ce isɛɛnɛm nii si dee dee ku jɛ si wajuɛ muafiti kù wa si, nɔ ǹ ce mii iyi í dɔ̃ɛ si. Si anyiɛ, nɔ Ezekiasi wa kpata ntɔ ntɔ.

Bomma 1, 29:17

Aɔ̃ Lafɛ̃ɛm, ǹ mà iyi awɔ ì ya yɛ idɔi inɛ, nɔ í ya bi inɛ iyi í jɛ dee dee. Ǹ fũ inɔm nii n ceɛò amua ŋau ihɛ̃ do inɔ akã. Nɔ nsɛi ǹ yɛ zamaau ihɛ̃ mɔ í wa ihɛ̃ do inɔ didɔ̃ wa ceɛ amua ŋa do idɔɔbiɛ.

Zɔɔbu 23:10

Nŋu de í mà kpãa iyi ǹ wa n too sãa sãa. Nŋui wa cɔ laakaim, amma an fita si hai nɛ riisi bɛi wura iyi à yɔ do ina.

Iri ku kɔ̃ 11:5

Aɔ̃ Lafɛ̃ɛ wa cɔ inɛ dee dee ŋa do ilu inɔ kukã ŋa. Í cé woo taa inɛ ŋa gbugbã.

Iri ku kɔ̃ 139:23

Ilaaɔ̃, wusɛm, nɔ i yɛ idɔm. Cɔ laakaim, nɔ i mà lasabum ŋa.

Iri ku kɔ̃ 17:3

Ì naa bi tom idũ, ì wusɛ idɔm, ì cɔ laakaim, amma i kù yɛ nkãma. N kù ce dulum kãma si ide ku fɔm.

Iri ku kɔ̃ 26:1

Iriu ihɛ̃ ti Davidii. Aɔ̃ Lafɛ̃ɛ, jɔ̀ n jɛ dee dee, domi isɛɛnɛm kù nɛ lɛɛfi. Aɔ̃ Lafɛ̃ɛi ǹ dasi naanɛ, n kaa n koosɛ pai.

Iri ku kɔ̃ 7:9

Aɔ̃ Lafɛ̃ɛ, awɔ iyi ì ya kiiti inɛ ŋa, jɔ̀ n ba ntɔ si dee dee ku jɛm do si taale hai cem.

Zeremi 15:15

Ŋɔi Zeremi í ni, Aɔ̃ Lafɛ̃ɛ, ì mà mii fei sãa sãa si gãmɛm. Dasi ideu baa na irim. Jaam bi woo kpãm iju ŋau bɛ. Maà jɔ̀ n ku, awɔ iyi idɔɛ ci ya saasa ku kɔ̃. Jɔ̀ i mà iyi na iriɛi ǹ wa n temuaò arabu ŋa.

Zeremi 17:16

Amu n kù kɔ̀ n jɛ amaadegbe si fitiɛ. Awɔ takaɛ ì mà iyi amu si ǹ tɔɔ ajɔi wahalau ihɛ̃. Ide iyi wa fita hai si gɛlɛm fei, í jɛ do kumà siɛ.

Zeremi 17:18

Inɛ ŋa iyi à jɛ woo kpãm iju ŋai a nɛ a yɛ anyɔ, nɔ amu anyɔ ku maà mum. Aŋai a nɛ a maa yaya, nɔ amu n maà n yaya. Jɔ̀ ajɔi wahala ku naa si ŋa. Jɔ̀ wahala tuuba minji ku naa si ŋa.

Zeremi 20:12

Aɔ̃ Lafɛ̃ɛi lele do ilɛ, awɔi ì ya mà bii í jɛ inɛ í jɛ dee dee si wajuɛ. Awɔi í ya mà lasabuɛ ŋa iyi wa manji. Awɔi ǹ so idem ŋa fei ǹ daa si awɔ, nɔ ǹ wa n cɔ do yaase bɛi aa jaam bi mbɛɛm ŋa.

Zeremi 48:15

À kɛkɛ ilui Moabu ŋau, nɔ cua í dede. Woo ja igũi hai waatii awaasũɛu í bɔ bi ku kpa mɛɛmu ŋa. Ilaalu iyi à ya kpe Aɔ̃ Lafɛ̃ɛi lele do ilɛui í fɔ bɛɛbɛ.

Zeremi 50:27

I kpa sooge jiida nŋa ŋa fei iyi à yɛ bɛi kɛtɛ kombo ŋa iyi à bɔò ŋa asɔ laga. Inɔ kufɔi á jɛ tu ŋa, domi ajɔ nŋai í to wa bɛ, waati si bii aa ba ijuukpã nŋa.

Zeremi 51:4

Inɛ ŋa aa ba kumɛɛi hee a cuku a maa sũ ilɛi inɛi Kaladee ŋau. Inɛ ŋa iyi aa gũ ŋa a kpa ŋa si igũu, aa cukui si kpãai Babilɔni ŋau bii fei.

Laabaau jiida iyi Zãa í kɔ 21:17

Nɔ í sisi í beeɛ má isɛ gbɛɛtasia í ni, Simɔɔ amai Zãa, ì bim? Nɔ inɔi Piɛɛ í fɔ do si bɛi í beeɛ isɛ gbɛɛtasia í ni, ì bim? Ŋɔi Piɛɛ í jɛaa í ni, Lafɛ̃ɛ, ì mà fei ndɛɛ, ì mà kãm kãm iyi ǹ biɛ. Nɔ Jesu í sɔ̃ɔ í ni, to, gbã angudãm ŋa.

Zaaki 5:5

Ì ce kuwɛɛ nŋɛ ŋa si andunya do amani nla nla do faayi. Ì jɛ ì ce kaato bɛi angudã iyi aa bɔò asɔ laga ŋa.

Piɛɛ 2, 2:12

Amma inɛ ŋau à ya maa bu mii iyi a kù mà. À yɛi bɛi mɛɛmui sako ŋa iyi a kù nɛ lasabu kãma, nɔ aa ce nfei bɛi mɛɛmui sako ŋau iyi à bí ku ba a mu ŋa a kpa ŋa.