Zeremi 12:2 - Bibeli do fee

² Awɔi ì lɔ ŋa, à ce icã, à la à waa koo, nɔ à waa so iso ŋa. Iriɛ í ya maa wai si gɛlɛ nŋa waati kãma fei, amma idɔ nŋa í jĩòɛ.

Zeremi 12:2 Iomraidhean Croise

Zɔɔbu 24:12

Inɛ ŋa iyi à maai iku à ya maa kakaai si inɔ ilu ŋa, nɔ inɛ ŋa iyi à ba kumɛɛ ŋa à ya maa tɔɔ sobii. Amma Ilaaɔ̃ wa cokoɛ si ideu.

Zɔɔbu 5:3

Do ntɔ ǹ yɛ kuwɛɛi nnyɛi gɔ í ce icu, nɔ anu akãi ǹ ceekpe kpasɛ̃ɛ.

Iri ku kɔ̃ 37:35

Ǹ yɛ ilu inɔ kukã hai nɛ araare wa la bɛi jĩi tũtũ.

Ezai 29:13

Ŋɔi Aɔ̃ Lafɛ̃ɛ í ni, inɛ ŋau ihɛ̃ à ya naa kɔkɔm nii a maa jirimam do gɛlɛ nŋu akã. Amma idɔ nŋa í jĩim. Bɛɛrɛm iyi à waa ni aŋa à mà, iboi. Woodai amanɛ ŋa do cio nŋa nŋu akãi à waa too si.

Zeremi 11:17

Amu Aɔ̃ Lafɛ̃ɛi lele do ilɛ, amu iyi ǹ lɔ jĩi nɔu, amui an jɔ̀ laalɔ ku naa siɛ wa na laalɔ iyi iŋɛ kpasɛ̃i Izirɛli do Zudaa ì cea ara nŋɛ ŋa waati iyi ì dede idɔɔkɔ̃m ŋa na kuweei tuae ku dɔ̃ inunu iyi ì koo ì waa cea iwɛ̃ iyi à ya kpe Baaliu ŋa.

Zeremi 3:10

Do nŋu fei wecĩɛ Zudaa hai jɛ dee deeu kù nyi wa sim do idɔɛ fei. Si iboi í ce nŋu bɛ fei. Amu Aɔ̃ Lafɛ̃ɛi ǹ fɔ bɛɛbɛ.

Zeremi 45:4

Waati bɛɛbɛ, ide iyi Aɔ̃ Lafɛ̃ɛ í ni n sɔ̃ɛ wee. Aɔ̃ Lafɛ̃ɛ í ni, mii iyi ǹ mai ǹ wa n lɛgɛ nɔ ǹ wa n wu mii iyi ǹ tako ǹ lɔ wo. Ǹ wa n bɛjɛ mii iyi í wa si ilɛu feii mam mam.

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Ozee 7:14

A ci ya dɔ̃ anu wa ikpa bi tom do idɔ nŋa fei. Amma à ya maa dɔ̃ anui si antaii daayi nŋa. À ya tɔtɔɔi ku ba a ba bilee do vɛ̃ɛ, nɔ à ya maa jĩim nii.

Abakuku 1:13

Ijuɛ ci ya yɔkɔ ku maa cɔ laalɔ, domi ì mái dee dee. To, bɛirei í ce ì yɔkɔ ì waa cɔ mii iyi woo zamba ŋa à waa ce, nɔ i kù waa ni ide kãma. Bɛirei í ce ì waa coko waati iyi inɛ laalɔ ŋau à waa kpa inɛ dee dee ŋa.

Matie 15:8

inɛ ŋau ihɛ̃ à waa jirimam nii do gɛlɛ nŋu akã. Amma idɔ nŋa í jĩim.

Maaku 7:6

Nɔ Jesu í jɛ nŋa í ni, iŋɛ ilu muafiti ŋa, hai tako Ezai í ce waliiɛi dee dee na iri nŋɛ waati iyi í kɔ si tiaɛ í ni, Ilaaɔ̃ í ni, inɛ ŋau ihɛ̃ à waa jirimam nii do gɛlɛ nŋu akã. Amma idɔ nŋa í jĩim.

Titee 1:16

À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.