Zeremi 12:1 - Bibeli do fee

¹ Aɔ̃ Lafɛ̃ɛ, dee dee ku jɛɛ í caa. N kù nɛ n maa n ce kakɔɔ do awɔ. Amma do nŋu fei, ǹ bi n baɛ ide ku fɔ si kiitiɛ ŋa. Inɛ ŋa iyi à jɛ inɛ laalɔ ŋa, mii iyi à waa ce si kuwɛɛ nŋa fei, í ya maa nɛ nŋai dee dee. Na mii. Bɛirei í ce woo zamba inɛ ŋa, aŋa fei à ya maa wɛɛ nŋai do laakai ku sũ.

Zeremi 12:1 Iomraidhean Croise

Kusintii Andunya 18:25

Kù sĩa i kpa inɛ jiida ŋa do inɛ laalɔ ŋa fei ajɔ, aŋa fei a ba riba dimi akã. Aawo. Kù sĩa i ce bɛɛbɛ. Awɔ iyi ì waa kiiti inɛi ilɛu ihɛ̃ fei, kù sĩa i ce iyi í jɛ dee dee?

Ɛsidarasi 9:15

Awɔ Aɔ̃ Lafɛ̃ɛi awa inɛi Izirɛli ŋa, si dee dee ku jɛɛ ì jɔ̀ awa iyi à gbeu ihɛ̃ nnyi à wɛɛ si hunde. Awa wee à wɛɛ à waa leekĩ si wajuɛ do dulum nla nla, nɔ wee si laalɔ dimi bɛɛbɛ ku ce inɛ kãma kù nɛ kpãa ku wɛɛ si hunde ku maa leekĩò si wajuɛ.

Neemi 9:33

Si mii iyi í ba wa fei awɔi ì jɛ dee dee nɔ ì jɛ ilu naanɛ, amma awai à ce mii iyi kù sĩa.

Zɔɔbu 12:6

Amma ile ŋa à ya maa wɛɛò laakai ku sũi si inɔ kpasɛ̃ nŋa ŋa. Inɛ ŋa iyi à waa dɛdɛ anui Ilaaɔ̃ ŋa à ya maa wɛɛ nŋai hai nɛ zigiida, aŋa iyi a kù mà Ilaaɔ̃ kãma bii kù jɛ gbugbã nŋa.

Zɔɔbu 13:3

Amma Ilaaɔ̃ ilu gbugbã feii an ba ide ku fɔ. Si wajuɛi an koo kɔ̀ò aram,

Zɔɔbu 24:12

Inɛ ŋa iyi à maai iku à ya maa kakaai si inɔ ilu ŋa, nɔ inɛ ŋa iyi à ba kumɛɛ ŋa à ya maa tɔɔ sobii. Amma Ilaaɔ̃ wa cokoɛ si ideu.

Zɔɔbu 24:23

Nŋui í ya jɔ̀ a nɛ kpãa ku cɔ, amma í ya maa cɔ kuce nŋa.

Zɔɔbu 8:17

Í ya mile icãɛ ŋai si inɔ kuta ŋa nɔ ku wongoo si ŋa.

Iri ku kɔ̃ 116:5

Aɔ̃ Lafɛ̃ɛ í ya cea inɛ didɔ̃ nɔ í jɛ dee dee. Aɔ̃ Lafɛ̃ɛ nwa í nɛ araare.

Iri ku kɔ̃ 119:137

Aɔ̃ Lafɛ̃ɛ, awɔi ì jɛ dee dee. Kiitiɛ ŋai à jɛ ntɔ.

Iri ku kɔ̃ 119:75

Aɔ̃ Lafɛ̃ɛ, ǹ mà iyi kiitiɛ ŋai à jɛ dee dee, nɔ ì nɛ ntɔ iyi ì kpãm iju.

Iri ku kɔ̃ 145:17

Aɔ̃ Lafɛ̃ɛ, ì jɛ dee deei si kpãaɛ ŋa fei. Nɔ bɛɛbɛ mɔi ì ya nyisi jiida ku jɛɛ si icɛɛ ŋa fei.

Iri ku kɔ̃ 37:1

Iriu ihɛ̃ ti Davidii. Maà jɔ̀ idɔɛ ku kɔ̃ si inɛ ŋa iyi à waa ce laalɔ, maà jɔ̀ kɔdɛɛ ku wa si inɛ laalɔ ŋau.

Iri ku kɔ̃ 37:35

Ǹ yɛ ilu inɔ kukã hai nɛ araare wa la bɛi jĩi tũtũ.

Iri ku kɔ̃ 51:4

Wɛm hai si kuraram ŋa sãa sãa jɔ̀ n maaju si dulum dom.

Iri ku kɔ̃ 51:6

Bi awɔ akãi ǹ ce dulum. Si wajuɛi ǹ ce mii iyi kù sĩa, do yaase bɛɛbɛ, kiitiɛi í jɛ dee dee nɔ i kù nɛ taale si ijuukpãm.

Iri ku kɔ̃ 92:7

Nnyɛi ci ya mà nkãma si icɛ ŋa iyi Ilaaɔ̃ wa ce, nɔ hai nɛ yaase ci ya nɛ laakai ku màò icɛ ŋa iyi Ilaaɔ̃ wa ce.

Mɔnda ŋa 1:32

Hai mà ŋa iyi à kɔ̀ ku gbɔ idei bisi, aa kui, nɔ nnyɛi ŋa iyi a kù ce njoi ijuukpã, aa nyɔi.

Woo lasabu 8:14

Mii gɔ wee má iyi yaasei ku gbɔɛ í gaabu. À waa kpã inɛ dee dee ŋa iju bɛi à nɛ a cea inɛ laalɔ ŋa, nɔ à waa cea inɛ laalɔ ŋa mii jiida bɛi à nɛ a cea inɛ dee dee ŋa. Nɔ ǹ ni má, iyi bɛ mɔ yaasei ku gbɔɛ í gaabu.

Ezai 41:21

Ŋɔi Aɔ̃ Lafɛ̃ɛ í ni, iŋɛ iwɛ̃ ŋa, i naa i nyisi wa iyi ì jɛ ntɔ ŋa. I nyisi wa do nyinda ŋa ka yɔɔ ŋa. Aɔ̃ Lafɛ̃ɛ ilaalui tɔkui Zakɔbu ŋaui í fɔ bɛɛbɛ.

Ezai 48:8

Iyi í re mɔm, i kù bi ku gbɔ ŋa, nɔ i kù bi nkãma ku mà ŋa. I kù ce laakai ajɔ kãma ŋa mɔm. Ǹ mà iyi iŋɛ woo zamba ŋai nɔ hai waati iyi à bí ŋɛ wa, woo kɔ̀ ide ŋai à ya kpe ŋɛ.

Zeremi 11:20

Amma Aɔ̃ Lafɛ̃ɛi lele do ilɛi í jɛ woo kiiti dee dee, nɔ nŋui í mà mii iyi í wa si idɔi amanɛ ŋa do lasabu nŋa fei. An maa n cɔ do yaase bɛi a kɔ̀ɔm, domi nŋui ǹ so idem nɔu ǹ daa si awɔ.

Zeremi 12:6

Ntɔ ntɔ, inɛɛ ŋa taka nŋa mɔ, do inɛi kpasɛ̃i baaɛ ŋa à waa zambaɛ. Aŋa taka nŋa à waa dɔ̃ anu si fitiɛ wa ntɔ ntɔ. Maà dasi naanɛ baa bii à waa sɔ̃ɛ ide didɔ̃ ŋa.

Zeremi 3:20

Amma bɛi inaabo iyi í zamba mɔkɔɛ, bɛɛbɛi iŋɛ inɛi Izirɛli ŋa ì zambam ŋa.

Zeremi 3:7

Ǹ wa n fɔ wo ǹ ni, bii í ce nŋu ŋau bɛ wa fei í tã, á nyi wa bi tom. Amma kù nyi wa. Nɔ ifɔɛ Zudaa hai jɛ dee deeu í yɔɔ.

Zeremi 32:16

Si anyii iyi ǹ so tiai akabuu iyi ǹ raò inyau ǹ na Baruku amai Neria, ǹ tɔɔ Aɔ̃ Lafɛ̃ɛ ǹ ni,

Zeremi 5:11

Ntɔ ntɔ, hai inɛi Izirɛli ŋa do inɛi Zudaa ŋau fei, kãma nŋa kù leekĩ do amu. Amu Aɔ̃ Lafɛ̃ɛi ǹ fɔ bɛɛbɛ.

Zeremi 9:2

Aɔ̃ Lafɛ̃ɛ í ni, amɛ nŋa í yɛi bɛi bioo, nɔ à nɛ ibo. Gbugbã ku nɛ nŋa si ilɛu kù jɛ na dee dee ku jɛ nŋa, domi si inɔ kukãu bɛi à ya maa nɛ si, nɔ a kù màm.

Kukpata 1:18

Ŋɔi Zeruzalɛmu í ni, Aɔ̃ Lafɛ̃ɛ í nɛ ntɔ ku ce bɛɛbɛ, domi amu Zeruzalɛmu ǹ kɔ̀ ku ceò woodaɛ ŋa icɛi. Iŋɛ fei, ǹ wa n tɔɔ ŋɛi, i soti i gbɔ ŋa, nɔ i yɛ wahalam ŋa. Ama mudɛ̃ɛm ŋa do ama awaasũm ŋa, à nɛò ŋa ilɛ mmu à waa jɛ aru.

Ezekiɛli 18:25

Ì ya fɔ i maa ni ŋa lasabui amu Aɔ̃ Lafɛ̃ɛ kù jɛ dee dee. I sotĩ i gbɔ, iŋɛ inɛi Izirɛli ŋa, lasabum nii kù jɛ dee dee? Mà lasabu nŋɛ ŋa.

Daniɛli 9:14

Awɔ Aɔ̃ Lafɛ̃ɛ ì waa ce laakaii, nɔ ì jɔ̀ laalɔu í naa si wa, domi awɔ Aɔ̃ Lafɛ̃ɛ nwa ì jɛ dee dee si icɛɛ ŋa iyi wa ce fei, nɔ awa a kù de itĩ a kù gbɔ ideɛ.

Daniɛli 9:7

Aɔ̃ Lafɛ̃ɛ, awɔ ì jɛ dee dee, nɔ anyɔi í jɛ ti awa. Ntɔ ntɔ nnyiu ihɛ̃, hai inɛi Zeruzalɛmu ŋa hee do inɛi bommai Zudaa ŋau fei, à wa si anyɔ nla nla. Nɔ bɛɛbɛ mɔi hee do inɛi Izirɛli ŋau fei, hai inɛ ŋa iyi à wa amɛɛ hee do inɛ ŋa iyi à wa hee jĩijĩ ŋau fei. Awɔi ì lele ŋa ì jɔ̀ à koo à wa si ilɛ mmu ŋa bii fei si na iyi í jɔ̀ à ce dulum bi tɛɛ.

Ozee 6:7

Iŋɛ mɔ i kù jirima akabuum bɛi inɛi ilui Adamu ŋa. Si gãmɛu bɛi ì zambam ŋa.

Abakuku 1:4

Wooda kù waa ce icɛ má nɔ ntɔ mɔ kù wɛɛ má. Inɛ laalɔ ŋai à ya ba ntɔ si inɛ dee dee ŋa, nɔ iyi bɛi í jɔ̀ kiiti ku ce dee dee í bɛjɛ.

Sofoni 3:5

Do nŋu fei, Aɔ̃ Lafɛ̃ɛ njɛ í wa bi tu ŋa bɛ, nɔ í jɛ dee dee. Ci ya ce mii iyi kù jɛ dee dee. Daakɔ fei í ya jɔ̀ dee dee ku jɛɛ ku fita gbugbãai si inya kumá, nɔ ci ya haata ajɔ kãma. Amma inɛ laalɔ kù mà anyɔ.

Malasi 2:17

Ì jɔ̀ Aɔ̃ Lafɛ̃ɛ wa gbɛɛji ŋa na ide ku fɔ nŋɛ. Nɔ ì waa ni ŋa, si iwoi à gbɛɛjiɛ. Waati iyi ì fɔ ì waa ni ŋa, inɛ iyi wa ce laalɔ, nŋui Aɔ̃ Lafɛ̃ɛ í ya cɔ do iju jiida. Si inɛ dimi bɛɛbɛi inɔ didɔ̃i Aɔ̃ Lafɛ̃ɛ í ya wa. Nɔ ì ya nyi i ni má ŋa, hee iwoi Ilaaɔ̃ iyi í ya ce kiiti dee deeu í wa.

Malasi 3:15

Wee nsɛi ì waa fɔ ì waa ni ŋa ì waa yɔɔ woo tɔɔ fufu ŋa do woo ce laalɔ ŋai à ya maa bɔ waju. Ì fɔ ì waa ni ŋa baa bii à waa cɔ laakaii amu Ilaaɔ̃, ǹ ya n jɔ̀ ŋai n ci ya n ce nŋa nkãma.

Wooda ku kɔsi 32:4

Aɔ̃ Lafɛ̃ɛi í jɛ kuta ku nɛ gbugbã iyi wa degbe wa. Mii iyi wa ce fei, í ya cooi dee dee. Ideɛ ŋa iyi í jilɛ fei, si asaiyai í ya jɛ. Ilaaɔ̃ Lafɛ̃ɛ nwa ci ya kpaasi. Ci ya ce laalɔ ajɔ kãma. Waati kãma fei, iyi í jɛ dee dee do iyi í tɛi í ya ce.