Zeremi 11:8 - Bibeli do fee

⁸ Amma a kù jɛ ku gbɔ, a kù jɛ ku desim itĩ. Aŋa fei idɔ ku lele sãmi nŋai à too si. Na nŋu, ide ŋa iyi à fɔ si akabuuu si gãmɛi inɛ ŋa iyi a kù jirima woodam ŋau fei, ǹ jɔ̀ ide ŋau í ba ŋa.

Zeremi 11:8 Iomraidhean Croise

Neemi 9:26

Do nŋu fei a kù jirimaɛ, à na à dedeò ide ku kɔ̀ siɛ. À nyɔ woodaɛ do anyi nŋa. À kpa waliiɛ ŋa iyi à waa mante ŋa a baa wa bi tɛɛ. Nɔ à waa ce daa ŋa iyi kù sĩa.

Neemi 9:29

Si anyiɛ ì sɔ̃ ŋa ì ni a jirima woodaɛu. Amma à so ara nŋa lele à waa koo a kù gbɔ ideɛ. À kua woodaɛ baa do iyi woodaɛui í ya mua inɛ iyi wa jirimaɛ kuwɛɛ. À nyisi iyi aŋa à jɛ hai gbɔ ide ŋa nɔ à kɔ̀ ku jirimaɛ.

Zeremi 13:10

Inɛ ŋau inɛ laalɔ ŋai iyi à kɔ̀ ku gbɔ idem ŋa. Inɛ ŋai iyi à waa nɛ si idɔ kulele nŋa, nɔ à nɛ anu akã do iwɛ̃ ŋa. À ya koo a gulɛ a maa tɔɔ ŋa nɔ à ya maa sɛɛbata nŋa. Inɛ ŋau aa baa a yɛi bɛi kungbãu ihɛ̃ iyi kaa ce saalu kãma gɔ má.

Zeremi 3:17

Si waati nŋu bɛ, aa ya kpe ilui Zeruzalɛmui, kitãi bommai Aɔ̃ Lafɛ̃ɛ. Nɔ inɛi ilɛ ŋau fei aa ya tɔtɔɔ wa Zeruzalɛmui do irii Aɔ̃ Lafɛ̃ɛ. Nɔ a kaa ya too si lasabu laalɔ iyi á naa nŋa si idɔ má.

Zeremi 31:32

Nɔ akabuuu kaa jɛ dimi bɛi ǹ tako ǹ dĩ do bala nŋa ŋa si waati iyi ǹ mu awɔ nŋa ǹ fitaò ŋa wa ilɛi Ezibitiu. Akabuu inɛ nŋu a kù kɔ̃ɔ baa do iyi ǹ jɛ Lafɛ̃ɛ nŋa fei.

Zeremi 32:23

À naa nɔ à na à buba si í jɛ tu ŋa. Amma a kù gbɔ ide ku fɔɛ, nɔ a kù jirima woodaɛ. A kù ce mii ŋa iyi ì sɔ̃ ŋa ì ni a ce fei. Nɔ na ŋɔi í jɔ̀ ì jɔ̀ wahala ŋau ihɛ̃ fei à naa si ŋa.

Zeremi 34:14

bii í koo í to kɔɔi adɔ̃ mɛɛje, inɛ iyi í ra inɛi Ebɛɛ kpaasiɛ í jɛ aruɛ fei, bii í cea icɛ zakai adɔ̃ mɛɛfa, í nɛ ku jɔ̀ɔ ku nɛi. À nɛ a jɔ̀ɔ ku nɛ araɛi. Amma bala nŋɛ ŋau à kɔ̀ ku jirimam. À kɔ̀ ku sotĩ ku gbɔ ide iyi ǹ wa n sɔ̃ ŋa.

Zeremi 35:15

Ǹ bɛ si iŋɛ fei walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, iŋɛ fei i jɔ̀ kpãa laalɔ nŋɛ i sinda i baa wa ŋa. I teese kuce nŋɛ ŋa, nɔ i maà nɛ anu akã do iwɛ̃ ŋa hee i koo i maa tɔɔ ŋa ŋa. Do yaase bɛɛbɛ, an jɔ̀ i buba si ilɛ iyi ǹ muaa iŋɛ do bala nŋɛ ŋau. Amma wee i kù jɛ ku sotĩ ku gbɔ nɔ i kù jirimam ŋa.

Zeremi 35:17

Nɔ Zeremi í sɔ̃ ŋa má í ni, na nŋu, Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau í ni, wahala ŋa iyi ǹ fɔ ideɛ si gãmɛi inɛi Zudaa ŋa do inɛi Zeruzalɛmu ŋau fei, an jɔ̀ ku naa si ŋai, domi iyi ǹ ba ŋa ide ku fɔ a kù desim itĩ, nɔ iyi ǹ kpe ŋa à kɔ̀ ku jɛ.

Zeremi 38:20

Ŋɔi Zeremi í jɛa í ni, aawo, a kaa soɛ a da nŋa si awɔ. Sotĩ i gbɔ ide iyi Aɔ̃ Lafɛ̃ɛ wa sɔ̃ɛ si ide iyi ǹ wa n fɔ. Aa fita si mbɛ nɔ i wɛɛ si hunde nkãma kaa ceɛ.

Zeremi 44:16

a kù bi ide iyi ì waa sɔ̃ wa do irii Aɔ̃ Lafɛ̃ɛu bɛ ku gbɔ má.

Zeremi 44:17

Amma ide iyi wa fita wa hai si gɛlɛ nwa fei, nŋui à bi ka ceò icɛ. Aa ka cea ilaalu inaaboi lelei Aɔ̃u kuweei tuae ku dɔ̃ inunu nɔ ka ceaa kuweei atɛ̃ vɛ̃ɛ ŋa bɛi à nɛ dɔ̃ɔnɛi ku ceɛ awa do bala nwa ŋa do ilaalu nwa ŋa do akawe nwa ŋa si ilui Zudaa ŋa do si kpãa ŋa iyi à wa si ilui Zeruzalɛmu ŋa. Nɔ à nɛ pɛ̃ɛ ŋa bãm bãm. À wɛɛò inɔ didɔ̃ nɔ a kù ba wahala kãma.

Zeremi 44:5

Amma ì kɔ̀ ku gbɔ ŋa, ì kɔ̀ ku desi ŋa itĩ ŋa, i kù jɛ ku fũsi laalɔ ku ce nŋɛ ŋau awɔ ŋa. I kù jɔ̀ iwɛ̃ ŋa ku joaa tuae ku dɔ̃ inunu ŋau ŋa.

Zeremi 7:13

Nɔ bɛbɛi, si bɛi iŋɛ mɔ ì ce kookoosu ŋau bɛ fei, si bɛi ǹ sɔ̃ ŋɛ hai daakɔ nɔ ì kɔ̀ ku gbɔ ŋa, si bɛi ǹ kpe ŋɛ nɔ i kù jɛɛm ŋa,

Zeremi 7:24

Nɔ à kɔ̀ ku gbɔ. A kù sotĩ pai. Ikɔ do lasabu laalɔi idɔ nŋa ŋai a too si. Ŋɔi à baa do anyi, a kù wa waju.

Zeremi 7:26

Amma a kù gbɔ idem ŋa pai, a kù desi itĩ. À lele idɔ nŋa, nɔ à ce daa laalɔ iyi í re ti bala nŋa ŋa.

Ezekiɛli 20:8

À dedeò ide ku kɔ̀ sim nɔ à kɔ̀ baa idem ku gbɔ. Baa inɛ akã nŋa kù jɔ̀ laalɔ iyi wa fa laakaiɛu, nɔ a kù fũsi iwɛ̃i inɛi Ezibiti ŋau awɔ. Ŋɔi ǹ lasabu n jɔ̀ idɔɔkɔ̃m ku naa si ŋa si ilɛi Ezibitiu.

Zakari 1:4

Ǹ wa n tɔɔ ŋɛ, i maà ti i sisi bala nŋɛ ŋa. Hai kukpɛi waliim ŋa à sɔ̃ ŋa idem, à ni a jɔ̀ kuwɛɛ laalɔ do kookoosu laalɔ nŋa ŋa iyi à waa ceu, amma a kù bi ku gbɔ mɔm hee a jirimam.

Zakari 7:11

Amma inɛ ŋau à kɔ̀ ku gbɔ ideu. À dĩ itĩ nŋa ku ba a maà gbɔ.