Zeremi 11:4 - Bibeli do fee

⁴ iyi amu Aɔ̃ Lafɛ̃ɛ ǹ jilɛa bala nŋɛ ŋa si ajɔ iyi ǹ fitaò ŋa wa hai ilɛi Ezibiti. Tengi bɛ, à yɛi bɛi inɛ ŋa iyi à wa si inɔ caka iyi à ya tɛkɛ si ina à yɔò isɔ. Waati bɛɛbɛi ǹ sɔ̃ ŋa ǹ ni, i sotĩ i gbɔ idem ŋa, nɔ i ce bɛi an sɔ̃ ŋɛ.

Zeremi 11:4 Iomraidhean Croise

Kusintii Andunya 17:8

Hai awɔ do dimiɛ ŋa iyi aa naa si anyiɛ an na ŋa ilɛ bii ì wa si nsɛi ì waa jɛ inɛ njoo. Ilɛi Kanaã fei á jɛ tu ŋa do ajɔ fei nɔ n jɛ Lafɛ̃ɛ nŋa.

Ilaalu 1, 8:51

domi zamaaɛ ŋai aŋa iyi ì nya wa hai ilɛi Ezibiti hai si inyai wahala nla nlau.

Ilaalu 2, 18:6

Í leekĩ do Aɔ̃ Lafɛ̃ɛi dim dim, kù fũsiɛ awɔ. Wa jirima wooda ŋa iyi Aɔ̃ Lafɛ̃ɛ í na Moizi fei.

Kufita 20:6

Amma inɛ ŋa iyi à bim nɔ à waa jirima woodam ŋa an ce araare nŋa hee ku koo si tɔku dubusia nŋa ŋa.

Ezai 30:6

Mɛɛmu ku ce icɛ ŋa à so aso à waa nɛò ikpa awɔ cangai kpãai inunu. Do ikpa bii à waa bɔu, inyai inɔ kufɔ do inyai zigiidai. Muusu nla kugaabu ŋai à wa bɛ, nɔ à waa dɔ̃ anu. Njo wukuku ŋa à wa bɛ do akandama ku fo lele ŋa. Amani ŋai à kãa gbankɛlɛ ŋa do kpookpo ŋa à waa kooò bi inɛi ilɛ ŋau, amma inɛ ŋau a kaa sobi ŋa si nkãma.

Ezai 48:10

Ǹ cɔ laakai nŋɛi, amma kù jɛ si ina bɛi à ya cea isɔ fũfũ. Ǹ cɔ laakai nŋɛi si wahala.

Zeremi 11:7

Hai ajɔ iyi amu Aɔ̃ Lafɛ̃ɛ ǹ jɔ̀ bala nŋɛ ŋa à fita wa hai ilɛi Ezibiti ǹ sɔ̃ ŋa ǹ kɔnkɔn du ŋa ǹ ni a ya sotĩ a gbɔ idem ŋa. Bɛɛbɛi ǹ wa n sɔ̃ iŋɛ mɔ nnyi ǹ wa n kɔnkɔn du ŋɛ ǹ ni i ya sotĩ i gbɔ idem ŋa.

Zeremi 24:7

An jɔ̀ a mà iyi amui ǹ jɛ Aɔ̃ Lafɛ̃ɛ. Bii à sinda a nyi wa bi titom do idɔ nŋa fei, waati bɛɛbɛ aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Zeremi 26:13

Bɛbɛi, i teese isɛɛnɛ nŋɛ ŋa nɔ i kpaasi kuce nŋɛ ŋa. I sotĩ i gbɔ idei Aɔ̃ Lafɛ̃ɛ nŋɛ ŋa ku ba ku fũsi laalɔ iyi í dasi idɔ nŋu ku ce nŋɛu awɔ.

Zeremi 30:22

Aa jɛ zamaam ŋa, nɔ amu mɔ an jɛ Aɔ̃ Lafɛ̃ɛ nŋɛ.

Zeremi 32:28

Na nŋu, iyi ǹ wa n fɔ wee. An so iluu ihɛ̃i n daa inɛi Kaladee ŋa do Nebukanɛsaa ilaalui Babilɔni si awɔ. Aŋai aa gba iluu.

Zeremi 38:20

Ŋɔi Zeremi í jɛa í ni, aawo, a kaa soɛ a da nŋa si awɔ. Sotĩ i gbɔ ide iyi Aɔ̃ Lafɛ̃ɛ wa sɔ̃ɛ si ide iyi ǹ wa n fɔ. Aa fita si mbɛ nɔ i wɛɛ si hunde nkãma kaa ceɛ.

Ezekiɛli 11:20

Do yaase bɛɛbɛ, aa too si ikɔm ŋa nɔ aa ceò woodam ŋa icɛ. Aa jɛ inɛm ŋa nɔ amu mɔ an jɛ Ilaaɔ̃ Lafɛ̃ɛ nŋa.

Ezekiɛli 14:11

Do yaase bɛɛbɛ, inɛi Izirɛli ŋau a kaa nyɔ nɔ a kaa jĩim má. Nɔ a kaa dasi ara nŋa riisi má na dulum nkpɔ nkpɔ nŋa ŋau. Amma aa jɛ inɛm ŋa nɔ n jɛ Aɔ̃ Lafɛ̃ɛ nŋa. Amu Aɔ̃ Lafɛ̃ɛi ǹ fɔ bɛɛbɛ.

Ezekiɛli 36:28

Aa wa si ilɛ iyi ǹ na bala nŋɛ ŋau. Aa jɛ inɛm ŋa nɔ an jɛ Ilaaɔ̃ Lafɛ̃ɛ nŋɛ.

Ezekiɛli 37:23

A kaa riisi ara nŋa do iwɛ̃ nŋa ŋa ku tɔɔ do kuce laalɔ nŋa ŋa do kurara ikã ikã nŋa ŋa má. An nya ŋai hai si mii ŋa iyi a kù jɛ dee dee iyi à ce, nɔ n jɔ̀ a maaju si wajum. Aa jɛ inɛm ŋa nɔ amu mɔ an jɛ Ilaaɔ̃ Lafɛ̃ɛ nŋa.

Ezekiɛli 37:27

An wa si anini nŋa, n jɛ Ilaaɔ̃ Lafɛ̃ɛ nŋa, nɔ aŋa mɔ a jɛ inɛm ŋa.

Daniɛli 3:26

Si anyii nŋu, ilaalu Nebukanɛsaa í nɛ í bɔ kɔkɔi andɛ bii à dasi ina nla nlau nɔ í ni, Sadaaki, Mesaaki do Abɛdi-Nego, iŋɛ woo ce icɛi Ilaaɔ̃ iyi í wa leleu, i fita i naa wa. Ŋɔi Sadaaki do Mesaaki do Abɛdi-Nego ŋa à fita wa hai si inɔ inau.

Kuwee 26:12

An maa n wa si anini nŋɛ, an jɛ Aɔ̃ Lafɛ̃ɛ nŋɛ, nɔ iŋɛ mɔ i jɛ inɛm ŋa.

Kuwee 26:3

Bii ì waa too woodam ŋau ŋa, bii ì waa jirima ŋa ŋa, nɔ ì waa ceò ŋa icɛ ŋa,

Zakari 13:9

Ikɔ akã iyi í gbeu an dasi ŋa ina n yɔɔ bɛi à ya yɔ isɔ fũfũ do wura si ina a nya jiidaɛ. Amui aa ya tɔɔ nɔ an ya n gbɔ kutɔɔ nŋa. An kpe ŋa zamaam nɔ aŋa mɔ aa ni, Aɔ̃ Lafɛ̃ɛi í jɛ Lafɛ̃ɛ nwa.

Zakari 6:15

[Nɔ Zakari í ni,] inɛ ŋa aa naa hai jĩijĩ a na a sobi inɛ ŋa si kpasɛ̃i Aɔ̃ Lafɛ̃ɛu ku ma. Waati bɛɛbɛi aa mà ŋa iyi Aɔ̃ Lafɛ̃ɛi lele do ilɛ í bɛm wa bi tu ŋɛ. Nŋu ŋau bɛ fei á ce bii ì waa jirima Aɔ̃ Lafɛ̃ɛ nŋɛ mam mam.

Zakari 8:8

An jɔ̀ a baa hai bɛ a naa a buba Zeruzalɛmu. Aa jɛ inɛm ŋa nɔ n jɛ Lafɛ̃ɛ nŋa. An maa n mu ŋa si kpãai ntɔ do si dee dee ku jɛm.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Kɔrɛnti 2, 6:16

Bɛirei bi kuwai Ilaaɔ̃ do iwɛ̃ ŋa á ce ku tɔtɔɔ. Awai à jɛ bi kuwai Ilaaɔ̃, nŋu iyi í jɛ icui kuwɛɛ. Nɔ nŋu takaɛ í fɔ í ni, an wɛɛ do aŋa nɔ awaò ŋa ka maa nɛ. An jɛ Lafɛ̃ɛ nŋa nɔ aa jɛ inɛm ŋa.

Wooda ku kɔsi 11:27

Aa ba kuwee ŋa bii ì waa jirima woodai Aɔ̃ Lafɛ̃ɛ nŋɛ iyi ǹ wa n sɔ̃ ŋɛ nnyiu ihɛ̃.

Wooda ku kɔsi 4:20

Amma iŋɛ, Aɔ̃ Lafɛ̃ɛ í koo í nya ŋɛ í fitaò ŋɛ wai hai ilɛi Ezibiti iyi í yɛ bɛi tengi bii à ya dasi isɔ ina ku yɔ. Í ce bɛɛbɛi ku ba i jɛ zamaaɛ bɛi ì jɛ nnyiu ihɛ̃ ŋa.

Wooda ku kɔsi 5:6

amui ǹ jɛ Aɔ̃ Lafɛ̃ɛ nŋɛ iyi í nya ŋɛ wa hai ilɛi Ezibiti hai bii ì tako ì waa jɛ aru ŋau wo.

Ebɛɛ 5:9

Iyi í kɔ̃ í tã nɔ í baa í jɛa inɛ ŋa iyi à waa jirimaɛ fei icui faaba iyi ci ya tã,

Samuɛli 1, 15:22

Nɔ Samuɛli í ni, Aɔ̃ Lafɛ̃ɛ í bi inɛ ŋa a jirima idei nŋu í re a cea nŋu kuwee, domi ideɛ ku gbɔ í tia kuwee ŋa, nɔ iri ilɛ ku sũ í tia ikpoi angudã ŋa.