Zeremi 10:9 - Bibeli do fee

⁹ À ya cea iwɛ̃ nŋa ŋau boodai do isɔ jiida iyi à baaò wa hai ilɛi Taasi, walakɔ do wura iyi wa naa hai Ufaazi. Woo ce icɛi awɔ ŋau, aŋai à ya rɔɔ, nɔ woo ce icɛi wura ŋai à ya ce icɛɛ. Jĩnɛ jiida nkpa ku nɛ fia ŋai à ya daa si, walakɔ bulam bulam. Iwɛ̃ ŋau bɛ fei, inɛ ŋa iyi à nɛ kumà, icɛi awɔ nŋa mbɛ.

Zeremi 10:9 Iomraidhean Croise

Ilaalu 1, 10:22

Ilaaluu í nɛ akɔi inyi ŋa iyi à ya bɔ Taasi do akɔi inyii ilaalu Hiramu ŋa. Nɔ adɔ̃ mɛɛta do adɔ̃ mɛɛta fei, akɔi inyi ŋau à ya koo a so wura ŋa wa do isɔ fũfũ ŋa do inyíi jua ŋa do bee ŋa do dimii yɛi kusĩa gɔ ŋa wa.

Bomma 2, 9:21

Ilaaluu í nɛ akɔi inyi ŋa iyi à ya bɔ Taasi do woo ce icɛi ilaalu Hiramu ŋa. Nɔ adɔ̃ mɛɛta do adɔ̃ mɛɛta fei, akɔi inyi ŋau à ya koo a so wura ŋa wa do isɔ fũfũ ŋa do inyíi jua ŋa do bee ŋa do dimii yɛi kusĩa gɔ ŋa wa.

Iri ku kɔ̃ 115:4

Iwɛ̃ nŋa ŋa iyi à ce do isɔ fũfũ do iyi à ce do wura, icɛi awɔi amanɛ ŋai.

Iri ku kɔ̃ 72:10

Ilaalui Taasi do ilaalui ilɛ jĩijĩ ŋau aa naa amua ŋa wa. Ilaalui Saba do ilaalui Seba ŋau mɔ aa naa baa nŋa wa.

Ezai 23:6

I kua tenkuu i bɔ hee Taasi ŋa, nɔ i dɔ̃ anu i maa weewea ŋa iŋɛ inɛi gũngũm ŋau.

Ezai 40:19

Woo ce icɛi awɔ ŋa à ya yɔ isɔ a ceò mii iyi í jɔ iwɛ̃, nɔ woo ce icɛi wura ŋa mɔ à ya biiɛi do wura nɔ a daa si saba iyi à ce do isɔ fũfũ.

Ezekiɛli 27:12

Inɛi Taasi ŋa à ya maa ce sĩa si ilɛɛ na amani ikã ikã nkpɔ nkpɔ iyi ì nɛ. À ya naa a ra iwoɛ ŋai do isɔ fũfũ, do isɔ do isɔ fũfũ kurɔ do lolo.

Ezekiɛli 27:7

Tuutaɛ ŋa iyi à ce do acɔ ku nɛ gbugbãi Ezibiti ŋa iyi à ce si booda ŋaui à ya jɔ̀ a màɛ hai jĩijĩ. Acɔ ku nɛ ila bulam bulam do nkpa, iyi wa naa hai gũngũm dii Kitimui í ya maa bii iwoɛ ŋa.

Daniɛli 10:5

Ŋɔi ǹ wu iju ǹ cɔ ilu, nɔ ǹ yɛ inɛ gɔ wa dasi jĩnɛ gɔ iyi à ce do acɔ ku nɛ sisima, nɔ wa dĩ santiiki iyi à ce do wura alala si kpakaɛ.

Ozee 8:6

Kɛtɛ kombo saasaabɔ nŋɛu wa naai hai Izirɛli. Iwɛ̃i, kù jɛ Ilaaɔ̃. Woo ce icɛi awɔ gɔi í coo. Na nŋu, kɛtɛ kombo saasaabɔi Samariu, aa bububuui.

Zonasi 1:3

Amma Zonasi í dasi idɔ nŋu ku saa Aɔ̃ Lafɛ̃ɛ nŋu ku nɛ ikpa Taasi. Si bɛɛbɛi í bɔ Zopee nɔ í ba akɔi inyi gɔ iyi wa bɔ ikpa Taasi. Ŋɔi Zonasi í sã fia nɔ í lɔ akɔu do zamaau ajɔ à waa nɛ Taasi.

Abakuku 2:19

Inɔ kufɔi á jɛ ti iŋɛ iyi ì sɔ̃ jĩi ì waa ni ku dede, nɔ ì sɔ̃ kuta gɔ iyi kaa yɔkɔ ku fɔ ide ì waa ni ku dede, aŋa iyi a kaa yɔkɔ a kɔ ŋɛ si nkãma, nɔ baa bii í jɛ à bii ŋa do wura do isɔ̃ fũfũ, hunde kãma de kù wa si ŋa.