Zeremi 10:8 - Bibeli do fee

⁸ Aŋa fei mam mam à ce nnyɛii nɔ a kù nɛ yaase. Kpãai iwɛ̃ ku tɔɔ nŋau bɛ, cioi inya ngbɛi.

Zeremi 10:8 Iomraidhean Croise

Iri ku kɔ̃ 115:8

Inɛ ŋa iyi à ce iwɛ̃ ŋau à jɔ ŋa nɔ inɛ ŋa iyi à waa naanɛ ŋa ŋau fei à jɔ ŋa.

Iri ku kɔ̃ 135:18

Inɛ ŋa iyi à ce ŋa nɔ à waa naanɛ ŋa ŋau à jɔ ŋa.

Ezai 41:29

Aŋa fei, kãma nŋa kù jɛ ngɔgɔ. Icɛ nŋa fei ngbɛi. Iwɛ̃ nŋa ŋau, fufui nɔ inya ngbɛi.

Ezai 44:18

Inɛ ŋau a kù nɛ kumà, nɔ a kù nɛ bisi. Iju nŋa wa bii hee í jɔ̀ a kù waa yɛ ilu. Bɛɛbɛi idɔ nŋa mɔ í yɛ hee í jɔ̀ a kù nɛ yaase jiida kãma.

Ezai 44:19

Inɛ kãma ci ya lasabu, nɔ inɛ kãma kù nɛ yaase jiida walakɔ bisi hee ku fɔ ku ni, bubui jĩi nɔu ihɛ̃i ǹ so ǹ koò ina, nɔ do nyɛnyɛui ǹ tɛkɛò sɔnda. Do nŋui ǹ bandaò iŋa ǹ ŋɔ. Nɔ bubu iyi í gbeui ǹ ceò mii laalɔ. Si wajui sɔmbɔ kusii iyi í gbeui ǹ ya n naa n maa n gulɛ.

Zeremi 10:14

Inɛ ŋau fei nnyɛi ŋai, a ci ya gbɔ yaasei nkãma. Woo ce icɛi wura ŋau fei, anyɔ í ya baa ku mu ŋai si mii ŋa iyi à ceu, domi iwɛ̃ ŋau ibo ŋai, a kù jɛ ilu hunde ŋa.

Zeremi 2:27

Ì ya sɔ̃ jĩi i ni ŋa, awɔi ì jɛ baa nwa. Nɔ ì ya sɔ̃ kuta i ni ŋa, awɔi ì bím wa. Amui ì nɛ i cɔ ŋa wo, amma ì sinda ì toom anyi ŋa. Nɔ waati iyi ì wa si wahala, ì ya ni ŋai, dede i faaba wa.

Zeremi 3:9

Izirɛli í jɔ̀ ilɛu í so riisi. Í ya maa tɔɔ iwɛ̃ ŋa iyi à ce do kuta ŋa do jĩi ŋa.

Zeremi 4:22

Aɔ̃ Lafɛ̃ɛ í ni, ntɔ ntɔ zamaam nɔu í sũmui, kù màm. Ama nnyɛi ŋai, a kù nɛ bisi. Bisii laalɔ ku cei à nɛ. Amma a kù mà jiida ku ce.

Zeremi 5:4

Ǹ ya n fɔi wo n maa n ni, inɛ ŋa iyi a kù nɛ kumà ŋai, nɔ ǹ ya n ni idei nnyɛii à waa ce, si na iyi í jɔ̀ a kù mà kpãai Ilaaɔ̃ ku too do woodai Aɔ̃ Lafɛ̃ɛ nŋa.

Ozee 4:12

Zamaam nɔu, jĩi iyi í gbe í jɛ iwɛ̃ɛi í ya maa bee ide. Jĩi nɔui í ya jɛaa. Lasabui iwɛ̃ ŋa ku tɔɔi í naa si ŋa nɔ í jɔ̀ à nyɔ. Nŋui í jɛ bɛi sakara iyi à ya maa ce, nɔ à fɛɛfɛ do amu Aɔ̃ Lafɛ̃ɛ nŋa.

Zonasi 2:8

Waati iyi hundem wa bi ku da ǹ ye gigiɛ awɔ Aɔ̃ Lafɛ̃ɛ, nɔ kutɔɔm í to hee si kpasɛ̃ kumáɛu.

Abakuku 2:18

Aranfãani yoomai iwɛ̃ ŋa ku ce í nɛ. Mii gɔ ŋai iyi à ya ce do wura walakɔ do isɔ̃ fũfũ, nɔ à ya jɔ̀ amanɛ ku dasi ibo naanɛ. Na mii í ce amanɛ á dasi mii ŋa iyi nŋu takaɛ í ce do awɔɛ naanɛɛ. Mii ŋa iyi a kaa yɔkɔ a fɔ ide.

Zakari 10:2

Iwɛ̃ nŋɛ ŋa iyi ì ya maa tɔɔ ŋau bɛ, ide iyi à ya jɛ nŋɛu, iboi. Woo ce alisi ŋau mɔ, mii iyi à ya sɔ̃ ŋɛ si kuyɛ nŋau, iboi. Ala ŋa iyi à waa sisi nŋɛ ŋau, a kù nɛ aranfãani kãma. À waa tũ inɔ nŋɛi si ngbɛ. Nŋui í jɔ̀ zamaau fei í fangaa, à baa à wɛɛ do inɔ kufɔ bɛi angudã ŋa iyi a kù nɛ woo degbe.