Zeremi 10:7 - Bibeli do fee

⁷ Yooi kaa ce njoɛ, awɔ ilaalui ilɛ ŋa. Awɔi inɛ ŋa à nɛ a jirima, domi si ilu laakaii inɛi ilɛ ŋa fei, do si bomma ŋa fei, inɛ kãma kù yɛ bɛi awɔ.

Zeremi 10:7 Iomraidhean Croise

Ilaalu 2, 17:39

Amma i tɔɔ amu Aɔ̃ Lafɛ̃ɛ nŋɛ nɔ n faaba ŋɛ hai si awɔi mbɛɛ nŋɛ ŋau fei ŋa.

Bomma 1, 16:25

Aɔ̃ Lafɛ̃ɛ í la nɔ í to a cũu. Nŋui inɛ fei í nɛ ku mà bɛɛrɛɛ ku re iwɛ̃ ŋa.

Ɛsitɛɛ 1:13

Ŋɔi ilaaluu í sɔ̃ ilu bisi ŋa, aŋa iyi à nɛ kumài waati ŋau. Bɛɛbɛi ilaaluu í ya ce wũaɛ ŋa si wajui inɛ ŋa iyi à mà wooda ŋa do asaiya ŋa.

Iri ku kɔ̃ 147:5

Aɔ̃ Lafɛ̃ɛ nwa í la, nɔ gbugbãɛ í caa. Bisiɛ kù nɛ kɔɔ.

Iri ku kɔ̃ 22:28

Inɛ ŋa iyi à wa hee kɔɔi andunya ŋa fei aa ye gigii Aɔ̃ Lafɛ̃ɛ nɔ a sinda siɛ. Nɔ bɛɛbɛ mɔi dimi fei á na ku sɛɛbata si wajuɛ.

Iri ku kɔ̃ 47:3

domi Aɔ̃ Lafɛ̃ɛ nŋu iyi í wa hee lele í to à ce njoɛ. Nŋui í jɛ ilaalu nla si andunya fei.

Iri ku kɔ̃ 72:11

Ilaalu ŋau fei aa sɛɛbatai si wajuɛ, nɔ dimi ŋau fei aa sũa iri ilɛi,

Iri ku kɔ̃ 76:7

Ilaaɔ̃ Lafɛ̃ɛi Zakɔbu, waati iyi ijuukpãɛu í dede, masa ŋau do acĩ nŋa ŋau fei à kua gbugbãi.

Iri ku kɔ̃ 86:8

Aɔ̃ Lafɛ̃ɛ, iwɛ̃ kãma kù wɛɛ iyi í yɛ bɛi awɔ, nɔ iwɛ̃ kãma kaa yɔkɔ ku ce mii iyi ì ce.

Iri ku kɔ̃ 86:9

Dimi ŋa iyi ì taka fei aa naa a sɛɛbatai si wajuɛ, nɔ a maa naɛ bɛɛrɛ.

Iri ku kɔ̃ 89:6

Aɔ̃ Lafɛ̃ɛ, inɛi lelei Aɔ̃ ŋa à waa saabuɛ na icɛ maamaakeɛ ŋa. Nɔ amalekaɛ ŋa mɔ à waa fɔ dee dee ku jɛɛ.

Kufita 8:10

Nɔ à tɔtɔɔ ŋa ikɔ ikɔ. Ŋɔi konkombi í fangaa si ilɛu fei.

Kufita 9:14

domi si tuubau ihɛ̃ an jɔ̀ wahala gɔ ku naa siɛ do si akaweɛ ŋa do si inɛɛ ŋa ku ba ku mà iyi inɛ kãma kù yɛ bɛi amu si andunya fei.

Ezai 2:4

Nŋui á jɛ woo kiitii ilɛu fei, nɔ nŋui á kiiti zamaau fei. Taakuba nŋa ŋai aa so a ceò sɔɔku ŋa, nɔ kaka nŋa ŋa mɔi aa so a ceò kɔɔma ŋa. Ilɛ gɔ kaa bɔ igũ si ilɛ mmu gɔ má, nɔ inɛ kãma kaa maa kɔkɔ igũ ku ce má.

Zeremi 10:6

Aɔ̃ Lafɛ̃ɛ, inɛ kãma kù yɛ bɛi awɔ. Ì la, nɔ iriɛ í bɔ bii fei na gbugbãɛ.

Zeremi 5:22

Aɔ̃ Lafɛ̃ɛ í ni, i kù mà gbugbãm ŋai? I kù wa yaya si wajum ŋa de. Amui ǹ nyaa tenku kɔɔ do sãa. Kɔɔu á maa wɛɛi hee do ajɔ fei, nɔ tenkuu kaa yɔkɔ ku kuaɛ wa. Kutãngãm ndɛɛ ŋau wa yaga, amma a kù nɛ gbugbã. À waa ce iba, do nŋu fei, a kaa yɔkɔ a kua.

Daniɛli 2:27

Ŋɔi Daniɛli í jɛaa í ni, yaasei idei asii iyi ì waa beeu bɛ, ilu laakai ŋa, do woo ce dobu dobu ŋa, do woo ce alisi ŋa, do woo mà yaasei leleaɔ̃ ŋa, kãma nŋa kaa yɔkɔ ku tusɛɛ yaaseɛ.

Daniɛli 2:28

Amma lelei Aɔ̃, Ilaaɔ̃ í wa bɛ. Nŋui í ya fɔ yaasei asii ŋa, nɔ nŋui í jɔ̀ Nebukanɛsaa í mà mii ŋa iyi á na ku ce do waju. To, mii iyi ì yɛ si waati iyi ì waa sĩ njoou wee.

Abakuku 3:2

í ni, Aɔ̃ Lafɛ̃ɛ, ǹ gbɔ à sɔ̃m bɛi ì ce, ŋɔi í jɔ̀ ǹ mà bɛɛrɛi icɛɛu. Aɔ̃ Lafɛ̃ɛ, jɔ̀ ku ce si waati nwau ihɛ̃. Jɔ̀ inɛ ŋa a yɔɔ si waati nwau ihɛ̃. Amma si idɔɔkɔ̃ɛ, ye gigi nwa nɔ i ce araare nwa.

Zakari 2:11

Iŋɛ inɛi Zeruzalɛmu ŋa iyi ì wa si ilɛi Babilɔni, i kookaai i sa ŋa.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Luku 12:5

An sɔ̃ ŋɛ inɛ iyi í jɔ i ya ce njoɛ ŋa. I ce njoi inɛ iyi í nɛ yiiko ku kpa inɛ nɔ ku dasiɛ si ina iyi ci ya ku má. Ntɔ ntɔ ǹ wa n sɔ̃ ŋɛi, lafɛ̃ɛi í jɔ i ya ce njoɛ ŋa.

Kɔrɛnti 1, 8:6

bi tu wa Ilaaɔ̃ akãi í wɛɛ. Nŋui í jɛ Baaba nɔ nŋui í taka mii fei. Na iriɛi awa à nɔ à wɛɛ. Lafɛ̃ɛ akã mɔi í nɔ í wɛɛ. Nŋui í jɛ Jesu Kirisi, nɔ mii fei í wɛɛi na iriɛ. Do saabuɛi à nɛò kuwɛɛ.

Zozue 4:24

Í ce bɛɛbɛi ku ba inɛi andunya fei ku mà bɛi gbugbãɛ í la í to, nɔ iŋɛ taka nŋɛ i ya maa jirimaɛ ŋa hee do ajɔ fei.

Kuyɛi Zãa 11:15

Si anyii nŋu, amaleka mɛɛjesiau í fã kãakãakĩɛ. Ŋɔi à gbɔ anu ku dɔ̃ nla nla gɔ ŋa lelei Aɔ̃ à ni, à sindoa Aɔ̃ Lafɛ̃ɛ nwa do inɛ iyi í cicau bommai andunyau, nɔ á jɛ bomma hee do ajɔ fei.

Kuyɛi Zãa 15:4

Yooi kaa ce njoɛ, Lafɛ̃ɛ. Yooi á kɔ̀ ku saabuɛ. Awɔ akãi ì jɛ inɛ kumá. Inɛi ilɛ baa yooma fei á naa bi tɛɛ, aa na a gulɛ a tɔɔɛ, domi ì nyisi iyi kiitiɛ í jɛ dee dee.