Biblia Todo Logo
Bìoball air-loidhne

- Sanasan -




Zeremi 10:5 - Bibeli do fee

5 Iwɛ̃ ŋau à yɛi bɛi ama dekĩ ŋa iyi à ya ce si iko a leleò yɛi ŋa. Iwɛ̃ ŋau a ci ya fɔ ide, nɔ à ya maa so ŋai, domi a kaa yɔkɔ a wu baa isɛ akã. Na nŋu, i maà ce njo nŋa ŋa, domi a kaa yɔkɔ a ce nŋɛ laalɔ kãma. Nɔ bɛɛbɛ mɔi a kaa yɔkɔ a ce mii jiida kãma.

Faic an caibideil Dèan lethbhreac




Zeremi 10:5
16 Iomraidhean Croise  

Ŋɔi à so kɛtɛ kombo iyi à na ŋau, nɔ à ce icɛɛ à bɛi à wasi irii Baali ku kpe hai daakɔ hee dasã à waa ni, Baali, jɛ nwa. Amma ide kãma kù ce hee ku jɛ nŋa. Ŋɔi à lɔsi ku fo ku dingaa si wajui bi kuwee iyi à mau.


Ŋɔi idɔɔkɔ̃i Aɔ̃ Lafɛ̃ɛ í dede siɛ, nɔ í bɛ walii gɔ wa í naa í beeɛ í ni, na mii í jɔ̀ ì so iwɛ̃i inɛ ŋau bɛ, aŋa iyi à mɔngɔ ku faaba inɛ nŋa ŋa hai si awɔɛ.


Bii inɛi Moabu ŋa à naa, nɔ à gbɛɛji si geetei bi ku ce kuweeu ku gũ, nɔ à to ilei iwɛ̃ nŋa bɛ ku ba a ce kutɔɔ, a kaa yɔkɔ a ba nkãma.


Iŋɛ dimi mmu ŋa iyi ì fita si ŋau, i tɔtɔɔ i naa wa ŋa. Iŋɛ fei i naa wa ŋa. Inɛ ŋa iyi à waa so jĩi ŋa iyi à gbe à jɛ iwɛ̃ nŋa ŋau, nɔ à waa tɔɔ iwɛ̃ ŋa iyi a kaa yɔkɔ a faaba ŋa ŋau, a kù nɛ kumà.


Iwɛ̃ iyi à ya kpe Bɛliu í kua gbugbã, nɔ iwɛ̃ mɔ iyi à ya kpe Nebou í gulɛ. Ŋɔi à so iwɛ̃ ŋau à kãa mɛɛmu ŋa iyi à ya ceò icɛ. Aso ŋau, iŋɛi ì waa soo si kɔngɔ ŋa wo. Amma bɛbɛi, à baa à jɛ aso kuwo iyi à kãa mɛɛmu ŋa iyi à gbɛɛji.


Bii à waa bɔ fei, à ya so iwɛ̃ nŋaui si kɔngɔ a maa nɛò, nɔ a na a baaò wa a jilɔɔ si agbɛɛ má. Ci ya sɛkɛɛ hai tuu bii í wa. Baa bii à waa dɔ̃ siɛ anu à waa tɔɔɛ sobi, ci ya fɔ ide kãma, nɔ ci ya faaba inɛ kãma hai si wahala.


Inɛ ŋau fei nnyɛi ŋai, a ci ya gbɔ yaasei nkãma. Woo ce icɛi wura ŋau fei, anyɔ í ya baa ku mu ŋai si mii ŋa iyi à ceu, domi iwɛ̃ ŋau ibo ŋai, a kù jɛ ilu hunde ŋa.


Inɔ kufɔi á jɛ ti iŋɛ iyi ì sɔ̃ jĩi ì waa ni ku dede, nɔ ì sɔ̃ kuta gɔ iyi kaa yɔkɔ ku fɔ ide ì waa ni ku dede, aŋa iyi a kaa yɔkɔ a kɔ ŋɛ si nkãma, nɔ baa bii í jɛ à bii ŋa do wura do isɔ̃ fũfũ, hunde kãma de kù wa si ŋa.


Ì mà ŋa, waati iyi i kù mà Ilaaɔ̃ ŋa à ya maa fa ŋɛi si kpãai iwɛ̃ dekĩ ŋa ku tɔɔ.


Iyi í jɛ ti idei iŋai kuwee si bii ì waa bee mà í sĩa i ya ŋɔɔ ŋa. Awa à mà iyi iwɛ̃ kù jɛ ngɔgɔ si andunya. À nɔ à mà iyi Ilaaɔ̃ nŋu akãi í wɛɛ.


Tengi bɛi aa ya tɔɔ iwɛ̃ ŋa iyi amanɛ ŋa à gbe do jĩi ŋa do kuta. Iwɛ̃ ŋau a kaa yɔkɔ a yɛ ilu, nɔ a kaa gbɔ ide. A kaa yɔkɔ a jɛ nɔ a kaa gbɔ inunu.


Lean sinn:

Sanasan


Sanasan