Zeremi 10:3 - Bibeli do fee

³ Kpãai iwɛ̃ ŋa ku tɔɔi dimi mmu ŋau, inya ngbɛi, nkãma kù wa si. À ya koo a da jĩi wai hai inɔ sako nɔ woo gbe jĩi ku gboo do amaanya ku ceò iwɛ̃.

Zeremi 10:3 Iomraidhean Croise

Iri ku kɔ̃ 115:4

Iwɛ̃ nŋa ŋa iyi à ce do isɔ fũfũ do iyi à ce do wura, icɛi awɔi amanɛ ŋai.

Ezai 45:20

Iŋɛ dimi mmu ŋa iyi ì fita si ŋau, i tɔtɔɔ i naa wa ŋa. Iŋɛ fei i naa wa ŋa. Inɛ ŋa iyi à waa so jĩi ŋa iyi à gbe à jɛ iwɛ̃ nŋa ŋau, nɔ à waa tɔɔ iwɛ̃ ŋa iyi a kaa yɔkɔ a faaba ŋa ŋau, a kù nɛ kumà.

Zeremi 1:16

An jɔ̀ ide iyi ǹ fɔ si gãmɛi inɛm ŋau fei ku ba ŋai na laalɔ ku ce nŋau, si na iyi í jɔ̀ à kɔ̀sim nɔ à waa cea iwɛ̃ ŋa kuwee do tuae, do si na iyi í jɔ̀ à ya maa sɛɛbata si wajui icɛi awɔ nŋa ŋa.

Zeremi 10:8

Aŋa fei mam mam à ce nnyɛii nɔ a kù nɛ yaase. Kpãai iwɛ̃ ku tɔɔ nŋau bɛ, cioi inya ngbɛi.

Zeremi 14:22

Si iwɛ̃i inɛi ilɛ ŋau ihɛ̃, baa akã í wɛɛ iyi á yɔkɔ ku jɔ̀ ijĩ ku naa? Mà lelei í ya jɔ̀ ijĩ ku naa anu akã nɔ ku leekĩ. Kù jɛ awɔ Aɔ̃ Lafɛ̃ɛ nwai? Siɛi kpãa ku cɔ nwa í wa, domi awɔi ì waa ce mii ŋau bɛ fei.

Zeremi 16:19

Aɔ̃ Lafɛ̃ɛ, awɔi ì jɛ gbugbãm, nɔ awɔi ì jɛ bi kuwa ku nɛ gbugbãm. Si waatii wahala, bi titɛɛi an ba n sa n koo n manji. Inɛ ŋa iyi à wa hee ilɛ jĩijĩ ŋa aa naa bi tɛɛ. Nɔ aa maa ni, bala nwa ŋa, tubui iboi à jɛ. Nɔ inya ngbɛi, kù nɛ aranfãani kãma.

Zeremi 2:5

Aɔ̃ Lafɛ̃ɛ í ni, kuce hai jɛ dee dee yoomai bala nŋɛ ŋa à yɛ sim iyi í jɔ̀ à saam, nɔ à koo à waa tɔɔ iwɛ̃ nfe ŋa hee aŋa taka nŋa à baa à jɛ nfe.

Kuwee 18:30

I ce bɛi ǹ sɔ̃ ŋɛu fei ŋa, i maà too si laalɔ iyi í tako í wa si ilɛu hai waati iyi i kù to wa bɛ ŋa, ku ba i maà na i na ara nŋɛ si hee i so riisi ŋa. Amui ǹ jɛ Aɔ̃ Lafɛ̃ɛ nŋɛ.

Matie 6:7

Bii ì waa ce kutɔɔ ŋa i maà ya fɔ ide akã i maa sisi ŋa bɛi hai mà Ilaaɔ̃ ŋa à ya ce. À waa tamaa na ide nkpɔ ku fɔi aŋai Ilaaɔ̃ á gbɔò kutɔɔi aŋa.

Woo bɛ ŋa 19:26

Iŋɛ taka nŋɛ ì waa yɔɔ ŋa, ì nɔ ì waa gbɔ ŋa mii iyi Pɔlu wa ce. Wa ni kù jɛ iwɛ̃ ŋa iyi amanɛ ŋa à ce do awɔ nŋai aa tɔɔ. Nɔ í yɔkɔ í kãmia inɛ nkpɔ nkpɔ, kù nɔ kù jɛ baa Efɛɛzu ihɛ̃ nŋu akã, do si ilu nkpɔi ilɛi Azii feii.

Romu 1:21

À mà Ilaaɔ̃ amma a kù waa saaluɛ hee a bɛi a saabuɛ si bɛi í jɔ. Iri nŋa í na í ku, nɔ idɔ hai nɛ bisi nŋa í dási ilu kuku nla nla.

Piɛɛ 1, 1:18

Bala nŋɛ ŋa à jɔ̀ nŋɛ tubui kuwɛɛ nfe nfe. Nɔ iŋɛ taka nŋɛ ì mà ŋa iyi à ya ŋɛi hai si kuwɛɛu. Kù jɛ do isɔ fũfũ walakɔ wura iyi á na ku tãi à ya ŋɛò.