Zeremi 10:12 - Bibeli do fee

¹² Aɔ̃ Lafɛ̃ɛ í ce ilɛi do gbugbãɛ. Í jilɛ andunyai si kumàɛ, nɔ í tɛ lelei do bisiɛ.

Zeremi 10:12 Iomraidhean Croise

Kusintii Andunya 1:1

Hai sinte Ilaaɔ̃i í taka lele do ilɛ.

Kusintii Andunya 2:5

waati bɛɛbɛ jĩi kãma kù fita si ilɛu titã, fɔfɔ gɔ mɔ kù fita, domi Aɔ̃ Lafɛ̃ɛ kù jɔ̀ ijĩ ku wɔ si waati bɛɛbɛ. Nɔ inɛ gɔ kù wɛɛ iyi á logoo ilɛu.

Bomma 1, 16:26

Iwɛ̃i dimi mmu ŋau, a kù jɛ nkãma. Aɔ̃ Lafɛ̃ɛ njɛi í ce lele.

Zɔɔbu 26:7

Ilaaɔ̃ í tɛ lele do ikpa awɔ njɛi kpãai inunu si inya ngbɛ. Nŋui í kɔa ilɛ si inya ngbɛ.

Zɔɔbu 37:18

Lelei Aɔ̃ í le bɛi isɔ iyi à yɔ wa daana bɛi digi. Ì mà bɛi aa ce i jɔ̀ ku cĩ ku kɔ̃ɔsi bɛi Ilaaɔ̃?

Zɔɔbu 9:8

Nŋu akãi í tɛ́ lele, nɔ í kãmia kutãngãm dii tenku.

Iri ku kɔ̃ 104:2

Ì bii araɛi do inya kumá bɛi ibɔ nla, nɔ ì tɛ lele bɛi acɔ.

Iri ku kɔ̃ 104:24

Aɔ̃ Lafɛ̃ɛ, icɛɛ ŋa a kù nɛ jia, ì ce fei ndɛɛi do laakai. Ilɛ í kɔ̃i do mii ŋa iyi ì taka.

Iri ku kɔ̃ 119:90

Dee dee ku jɛɛ á maa wɛɛi si tɔku do tɔku ŋa. Awɔi ì jilɛ icui ilɛ í nɛ gbugbã.

Iri ku kɔ̃ 24:2

Aɔ̃ Lafɛ̃ɛi í jilɛ icui ilɛ hai si lɛlɛi tenku ŋa wa nɔ í jɔ̀ í nɛ gbugbã si ido nla ŋa.

Iri ku kɔ̃ 33:6

Aɔ̃ Lafɛ̃ɛ í taka lelei Aɔ̃i do idei gɛlɛɛ. Nɔ do woodaɛi í takaò leleaɔ̃ ŋa mɔ fei.

Iri ku kɔ̃ 65:7

Aɔ̃ Lafɛ̃ɛ, ì nɛ gbugbã. Do gbugbãɛui ì jilɛò icui iri kuta ŋa.

Iri ku kɔ̃ 78:69

Si iri kutau bɛi í ma bi kuwa kumáɛ í nɛ gbugbã bɛi lele do ilɛ, iyi í ce do ajɔ fei.

Iri ku kɔ̃ 93:1

Aɔ̃ Lafɛ̃ɛi í jɛ ilaalu, í dasi jĩnɛi ilaalu ŋa. Gbugbãɛ í kaakoɛi bɛi kungbã. Do yaase bɛɛbɛ ilɛ í nɛ gbugbã, nɔ kaa cuku.

Mɔnda ŋa 3:19

Do bisiui Aɔ̃ Lafɛ̃ɛ í takaò ilɛ, do kumàɛi í tɛò lele.

Mɔnda ŋa 30:4

Yooi í bɔ lele í baa. Yooi í kukutu fufu si awɔɛ ŋa. Yooi í wo inyi si ibɔ kumbooɛ. Yooi í jilɛ kɔɔi ilɛu fei. Bɛirei à ya kpoo nɔ bɛirei à ya kpe amaɛ. Fɔɔ bii í jɛ ì màai.

Ezai 37:16

Aɔ̃ Lafɛ̃ɛi lele do ilɛ, Aɔ̃ Lafɛ̃ɛi inɛi Izirɛli ŋa, awɔ iyi ì waa buba si antaii serubɛ̃ɛ ŋa, awɔ akãi ì jɛ Aɔ̃ Lafɛ̃ɛi bomma ŋa fei si ilɛu ihɛ̃. Awɔi ì taka lele do ilɛ.

Ezai 40:22

Aɔ̃ Lafɛ̃ɛi, nŋu iyi lelei Aɔ̃i í jɛ bi kuwaɛ si antaii ku kaakoi ilɛ iyi í ce bokotou, nɔ wa cɔ inɛ ŋa iyi à wa si ilɛu wa bɛi cɛ̃cɛ̃ɛ ŋa. Í tɛ́ lelei Aɔ̃i bɛi acɔ nla nla gɔ, nɔ í fũui bɛi ilei acɔ ku ba ku coo bi kuwaɛ.

Ezai 42:5

Aɔ̃ Lafɛ̃ɛ, nŋu iyi í taka lelei Aɔ̃ si bɛi í cĩ í tou bɛ fei, nŋu iyi í taka ilɛ do jĩi ndɛɛ ŋau, nŋu iyi í jɔ̀ inɛɛ ŋa à waa wɛɛ, nŋu iyi í muaa inɛ ŋa iyi à wa si ilɛu fei ami, í sɔ̃ inɛ iyi í cicau í ni,

Ezai 44:24

Izirɛli, Aɔ̃ Lafɛ̃ɛ woo faabaɛ, nŋu iyi í rɔɛ hai waati iyi a kù bíɛ wa wa sɔ̃ɛ í ni, amui ǹ jɛ icui mii iyi í wɛɛ fei. Amu akãi ǹ tɛ lele do ilɛ, kù jɛ do sobii inɛ kãma.

Ezai 45:12

Amui ǹ ce ilɛ, nɔ ǹ taka amanɛ ŋa ǹ jɔ̀ à wa si ilɛu. Amui ǹ ce lele, nɔ amui ǹ wa n na leleaɔ̃ ŋa wooda.

Ezai 45:18

Aɔ̃ Lafɛ̃ɛi í ce lele, nŋu iyi í jɛ Ilaaɔ̃ iyi í ce ilɛ nɔ í jɔ̀ í nɛ gbugbã. Kù coo ku maa wɛɛ ngbɛ, amma í cooi ku ba amanɛ ku wa si. Bɛi í fɔ wee. Í ni, amui ǹ jɛ Aɔ̃ Lafɛ̃ɛ. Ilaaɔ̃ mmuɛ kãma kù wɛɛ má.

Ezai 48:13

Do awɔm ŋai ǹ jilɛò icui ilɛ, nɔ do awɔm ŋai ǹ tɛò lele. Bii ǹ kpe mii ndii lele ŋau do iri nŋa, aŋa fei à ya fita wai.

Ezai 49:8

Nɔ Aɔ̃ Lafɛ̃ɛ í fɔ má í ni, si waati jiida, ǹ jɛ kukpe iyi ì kpem nɔu. Si ajɔi faabau, ǹ naa ǹ sobiɛ. Ǹ ceɛ wai ku ba hai bi tɛɛ akabuum nɔu ku kɔ̃ si gãmɛi inɛi andunya ŋa. An dede ilɛi Izirɛliu, nɔ n nyi n kpɛ̃a inɛɛ ŋau ilɛ iyi à ce asɔɔɛu má.

Zeremi 10:13

Bii í naa wooda, inyi í ya tɔtɔɔi lele, nɔ inɛ ŋa à ya yɛ kudũi ijĩ ŋai hee jĩijĩ. Ijĩu í ya maa ŋɔi nɔ í ya jɔ̀ fufu ku dede wai hai bi kuwaɛ.

Zeremi 10:16

Lafɛ̃ɛi inɛi Zakɔbu ŋa kù yɛ bɛi aŋa, domi nŋui í taka mii fei. Nɔ dimii Izirɛliu nŋui í nɔɔ. Iriɛi í jɛ Aɔ̃ Lafɛ̃ɛi lele do ilɛ.

Zeremi 14:22

Si iwɛ̃i inɛi ilɛ ŋau ihɛ̃, baa akã í wɛɛ iyi á yɔkɔ ku jɔ̀ ijĩ ku naa? Mà lelei í ya jɔ̀ ijĩ ku naa anu akã nɔ ku leekĩ. Kù jɛ awɔ Aɔ̃ Lafɛ̃ɛ nwai? Siɛi kpãa ku cɔ nwa í wa, domi awɔi ì waa ce mii ŋau bɛ fei.

Zeremi 27:5

Amui ǹ ce ilɛ do amanɛ ŋa do mɛɛmu ŋa iyi à wa si ilɛu do gbugbãm do kumàm, nɔ inɛ iyi ǹ bii ǹ na ilɛu.

Zeremi 32:17

Aɔ̃ Lafɛ̃ɛ, awɔi ì ce lele do ilɛ do gbugbã nla nlaɛ. Nkãma kù gaabu bi titɛɛ.

Zakari 12:1

Ide iyi Aɔ̃ Lafɛ̃ɛ í fɔ si inɛi Izirɛli ŋa wee. Í ni, amu Aɔ̃ Lafɛ̃ɛ, amui ǹ tɛ lele nɔ ǹ jilɛ icui ilɛ, nɔ ǹ mua amanɛ kuwɛɛ, amui ǹ wa n fɔ ǹ ni,

Laabaau jiida iyi Zãa í kɔ 1:3

Do nŋui Ilaaɔ̃ í taka mii baa yooma fei, nɔ nkãma kù wɛɛ iyi kù jɛ nŋui í takaɛ.

Kolosee 1:16

Nŋui í taka mii fei, nɔ mii fei í wɛɛi na iriɛ. Na saabuɛi Ilaaɔ̃ í takaò mii fei iyi í wa lele do ilɛ. Mii ŋa iyi à waa yɛ do iyi a kù waa yɛ fei, nŋui í taka ŋa. Hai gbugbãi lele ŋa do ilu iri ŋa do ilu yiiko ŋa do ilu gbugbã ŋa fei icɛi awɔɛi.