Biblia Todo Logo
Bìoball air-loidhne

- Sanasan -




Zeremi 10:10 - Bibeli do fee

10 Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Faic an caibideil Dèan lethbhreac




Zeremi 10:10
69 Iomraidhean Croise  

Aburahamu í lɔ jĩi ndii tamarisi Bɛɛseba, nɔ tengi bɛi í ya maa tɔɔ Aɔ̃ Lafɛ̃ɛ, nŋu iyi í wɛɛ do ajɔ fei.


Iyi zamaau fei í yɔɔ ŋɔi aŋa fei à sɛɛbata à wasi ku ni, Aɔ̃ Lafɛ̃ɛi í jɛ ntɔ, Aɔ̃ Lafɛ̃ɛi í jɛ ntɔ.


Nɔ inɛi andunya fei ku mà iyi Aɔ̃ Lafɛ̃ɛ nŋu akãi í jɛ Ilaaɔ̃, nɔ mmuɛ gɔ kù wɛɛ má.


Aɔ̃ Lafɛ̃ɛ, awɔi ì la, ì nɛ gbugbã, ì nɛ bɛɛrɛ, ì nɛ amboe nɔ hai bi tɛɛi inya kumá wa naa, domi mii iyi í wa lele do ilɛ fei titɛɛi. Awɔi ì jɛ ilaalu, nɔ awɔi ì wa antaii mii fei.


Hai ku kpɛ wa inɛi Izirɛli ŋa a kù nɛ Ilaaɔ̃ ntɔ hee má jɛ woo wee iyi á kɔ ŋa si woodai Ilaaɔ̃.


Í ya jɔ̀ ilɛ ku yaya nɔ sɔbeɛ ŋa a yaya.


Aɔ̃ Lafɛ̃ɛ í jɛ ilaalu hee do ajɔ fei. Dimi mmu ŋa aa kpa iri si ilɛu.


I jɔ̀ i mà ŋa iyi Aɔ̃ Lafɛ̃ɛi í jɛ Ilaaɔ̃. Nŋui í taka wa nɔ titɛɛi à jɛ. Awai à jɛ inɛɛ ŋa, nɔ à yɛi bɛi angudã gaa ŋa iyi wa degbe.


domi Aɔ̃ Lafɛ̃ɛ í jɛ jiida nɔ kubiɛ í ya maa wɛɛi hee do ajɔ fei. Dee dee ku jɛɛ mɔ í ya maa wɛɛi si tɔku do tɔku ŋa.


Ì cɔ ilɛ, nɔ wa yaya. Ì lu iri kuta ŋa, nɔ à waa ce cua.


Ilɛ, yaya si wajui Lafɛ̃ɛ, si wajui Aɔ̃ Lafɛ̃ɛi Zakɔbu.


Bommaɛ, bomma gɔi iyi á maa wɛɛ hee do ajɔ fei. Nɔ gbugbãi bommaɛu á maa wɛɛi hee si tɔku do tɔku ŋa fei. Aɔ̃ Lafɛ̃ɛ, awɔ ilu naanɛi si kuwãɛ ŋa fei. Ì ya nyisi kubiɛi si mii ŋa iyi ì waa ce fei.


Aɔ̃ Lafɛ̃ɛi í ce lele do ilɛ do tenku do mii ŋa iyi à wa si fei. Nŋui í jɛ ilu naanɛ hee do ajɔ fei.


Si zigiidam, ǹ kpe Aɔ̃ Lafɛ̃ɛm, ǹ tɔɔɛ faaba. Hai lele bi kuwaɛ wa, í gbɔ imum. Anu ku dɔ̃i faaba iyi ǹ dɔ̃ si wajuɛu í lɔ si itĩɛ.


Aɔ̃ Lafɛ̃ɛ wa bubai si kitãi bommaɛ si waati iyi inyi nla í jɛ andunyau. Wa bubai bɛi ilaalu hee do ajɔ fei.


Aa nyam hai si cɛkũm iyi à leem, domi awɔi ì waa mum.


Bɛi kulu iyi agbɛ wa kpa ntɔ ntɔ í ya bɔ ido inyi ku dɛ, bɛɛbɛi amu mɔ ǹ wa n dɛdɛ Ilaaɔ̃ ntɔ ntɔ.


Ilaaɔ̃, ì cea inɛɛ ŋa bi kuwa. Si jiida ku jɛɛi ì ce sɔɔluɛ na inɛ ŋa iyi à waa wahala.


Ilaaɔ̃, waati iyi ì fita ì waa cuaa inɛɛ ŋa, waati iyi ì waa nɛ si gbaau, Kusĩmi.


Ilaaɔ̃i í jɛ ilaalum hai ku kpɛ. Nŋui í faaba inɛ ŋa tuuba nkpɔ nkpɔ si ilɛu.


Ilaaɔ̃ Lafɛ̃ɛi Zakɔbu, waati iyi ijuukpãɛu í dede, masa ŋau do acĩ nŋa ŋau fei à kua gbugbãi.


Awɔi ì jɛ inɛ iyi í to a ce njoɛ, yooi á yɔkɔ ku leekĩ si wajuɛ si waatii idɔɔkɔ̃ɛ.


Inyi wa nikã wa hai si kudũi ijĩ ŋau. Lele wa ce iba. Ntɔ ntɔ, afaɛ ŋa à fo à waa nɛi bii fei.


Aɔ̃ Lafɛ̃ɛi lele do ilɛ, kubii kpasɛ̃ɛ wa mum jiida jiida.


Aɔ̃ Lafɛ̃ɛ wa buba si kitãi bommaɛi do ajɔ fei. Í jilɛ bommaɛi na irii kiitiu hee do ajɔ fei.


Yooi í mà bɛi gbugbãi idɔɔkɔ̃ɛ í to. Yooi wa jirimaɛ na gbugbãi idɔɔkɔ̃ɛu.


Hee i maa ce iri kuta ŋa, nɔ hee i maa taka andunya, awɔ Ilaaɔ̃ ì wɛɛi hai ku kpɛ, nɔ aa maa wɛɛi hee do ajɔ fei.


Aɔ̃ Lafɛ̃ɛ, bommaɛ í wɛɛi hai ku kpɛ, nɔ á maa wɛɛi hee do ajɔ fei.


Í jɔ̀ kuŋɔi ijĩ í ce inya kumá si andunya, ilɛ í yɔɔ nɔ wa yaya.


Aɔ̃ Lafɛ̃ɛ, sotĩ nɔ i gbɔ. Cĩ ijuɛ nɔ i cɔ. Gbɔ idei arabu ŋa iyi Senakeribu í bɛò inɛ ŋa wa a naa a fɔ si gãmɛi awɔ Aɔ̃ Lafɛ̃ɛ iyi ì wɛɛ.


Á yɔkɔ ku jɛ Aɔ̃ Lafɛ̃ɛɛ á gbɔ ide ŋa iyi inɛ ngboi soogei Asiri ŋau wa fɔ, nŋu iyi ilaalui Asiri lafɛ̃ɛɛ í bɛ wa ku naa ku bu Aɔ̃ Lafɛ̃ɛ iyi í wɛɛu. Á yɔkɔ ku jɛ Aɔ̃ Lafɛ̃ɛɛ á kpãa iju na ide ŋa iyi í fɔ nɔ í gbɔu. Na nŋu, ce kutɔɔ na zamaa iyi í gbeu.


Inɛi ilɛ ŋa à yɛi bi Aɔ̃ Lafɛ̃ɛ bɛi inyi iyi í tontoo wa gbakã akã hai si itĩi soo. À yɛi má bɛi kuta wɛwɛɛ akã iyi í wa si pɛrɛntii kiloo iyi à ya wãò mii ŋa. Inɛi gũngũm ŋau à fɛɛi bɛi ilùlù.


I kù màa? I kù gbɔɔ? Aɔ̃ Lafɛ̃ɛi í jɛ Ilaaɔ̃ iyi kuwɛɛɛ kù nɛ kɔɔ. Nŋui í taka ilɛ hai kɔɔ ihɛ̃ hee ku bɔ kɔɔ ihɔ̃. Gbugbãɛ ci ya tã hee má jɛ ku gbɛɛji. Kumàɛ í jĩisa nɔ kù nɛ kɔɔ.


Ntɔ ntɔ inɛ iyi í wa hee lele feiu, nŋu iyi kuwɛɛɛ kù nɛ kɔɔ, nɔ iriɛ í máu í fɔ í ni, lele bii í mái ǹ wa amma ǹ nyi ǹ wa bi inɛ ŋa iyi à waa taa gbugbã nɔ à waa ba wahala ku ba n dede ŋa nɔ n mu nŋa gbugbã.


Si ilɛu, inɛ ŋa iyi à waa bi a weea inɛ mmu ŋa fei, aa ya cooi do irii Ilaaɔ̃ nŋu iyi inɛ á yɔkɔ ku na si gbugbã. Inɛ ŋa mɔ iyi à waa bi a ce kugbasi gɔ fei, aa ya cooi do irii Ilaaɔ̃ nŋu iyi inɛ á yɔkɔ ku na si gbugbã. Ntɔ ntɔ, inɔ kufɔi tako ŋau fei aa lɔi nɔ a gbɛjɛ ide nŋa. Fei ndɛɛ á lɔi, kaa maa wa si wajum má. Aɔ̃ Lafɛ̃ɛi í fɔ bɛɛbɛ.


Amma i maà fɔ idei ijuukpãi Aɔ̃ Lafɛ̃ɛ ŋa, domi ijuukpãu á naai si ide ku fɔi inɛ akã akã fei. Amma bii à kɔ̀ à waa fɔ bɛɛbɛ, idei Ilaaɔ̃ nŋu iyi í wɛɛ, nŋu iyi í jɛ Aɔ̃ Lafɛ̃ɛi lele do ilɛui à waa bɛjɛ, nŋu iyi í jɛ Lafɛ̃ɛ nwa.


Bii ì fɔ do kugbasi ì ni, Aɔ̃ Lafɛ̃ɛ í wɛɛ, nɔ ì fɔɔi do idɔ iyi í má do ntɔ do dee dee ku jɛ, aa yɛ inɛi ilɛ mmu ŋa aa tɔɔ n weea aŋa nɔ aa tɔɔ fufu na irim.


Ǹ cɔ iri kuta nla ŋau, nɔ ǹ ba wee à yaga. Nɔ geete ŋa mɔ fei à waa yaga.


Ibai kucuku nŋau á jɔ̀ ilɛ ku yayai. Hai bɛ, aa maa gbɔ anu ku dɔ̃ nŋaui hee bi dimi mmu ŋa fei.


Ŋɔi ilɛ í yaya. Í yayai si waati iyi Aɔ̃ Lafɛ̃ɛ wa ce mii iyi í dasi idɔ ku cea Babilɔniu. Í kpaasi ilɛi Babilɔnii í baa í jɛ ilɛ bii amanɛ ŋa a kù wa. Í jɔ̀ ilɛu í baa í kpɔò bomma.


Ǹ na woodai ǹ ni a jɔ̀ woo mài Babilɔni ŋau fei a naa wa bi titom ku ba a tusɛɛm yaasei ala iyi ǹ ceu ihɛ̃.


Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.


Si anyiɛ, ilaalu Dariusi í kɔa zamaau fei, do dimi fei, do fee ŋa iyi à wa si andunyau fei. Nɔ í ni, laakai ku sũ nla nla ku wɛɛ do iŋɛ.


Si anyii nŋu, nɔ Dariusi í ni má, wooda iyi ǹ wa n jilɛ wee. Si bommam nɔu, inɛ fei í nɛ ku mà bɛɛrɛi Ilaaɔ̃ Lafɛ̃ɛi Daniɛlii nɔ ku ya maa jirimaɛ, domi nŋui í jɛ Ilaaɔ̃ iyi í wɛɛ nɔ á maa wɛɛi hee do ajɔ fei. A kaa ce nfei bommaɛ ajɔ kãma, nɔ gbugbãɛu á maa wɛɛi kaa nɛ kɔɔ.


Inɛ iyi à naaò wau, à naa gbugbã do bɛɛrɛ do yiikoi ilaalu. Nɔ zamaa fei do dimi fei do fee fei à lɔsi icɛ ku ceaa. Gbugbãɛ á maa wɛɛi hee do ajɔ fei, kaa nɛ kɔɔ, nɔ bommaɛ kaa cuku pai.


Aɔ̃ Lafɛ̃ɛ í ya jɔ̀ soogeɛ ŋa a gbɔ imuɛi do waju. Sooge ŋa iyi à waa ceò woodaɛ ŋa icɛ, à kpɔ nɔ à nɛ gbugbã. Ntɔ ntɔ, ajɔi Aɔ̃ Lafɛ̃ɛu, ajɔ kugaabui. Ajɔu í to njo nɔ inɛ kãma kaa yɔkɔ ku fita si.


Si isɛɛnɛɛ, iri kuta ŋa à waa yɔ, nɔ lɔɔma ŋa mɔ à ce iwo, wa yɔ wa bɛi fãfãi nyikɔ̃ iyi à lesi ina, do bɛi inyi iyi wa cã wa hai si geete.


Í ya jɔ̀ iri kuta ŋa a yagai nɔ geete ŋa mɔ a lɛgɛ. Í ya jɔ̀ ilɛ ku yaya, do inɛ ŋa iyi à wa si fei.


Yooi á yɔkɔ ku leekĩ si wajui Aɔ̃ Lafɛ̃ɛ waati iyi idɔɛ í kɔ̃. Yooi á yɔkɔ ku leekĩ si wajui idɔɔkɔ̃ nla nlaɛ. Idɔɔkɔ̃ɛ í ya fangaai bɛi ina, nɔ í ya lɛgɛ kuta ŋa.


Iri kuta ŋa à yɛɛ nɔ à waa yaya, ijĩ wa wɔ do gbugbã nɔ í cã wa lɔ, nɔ à waa gbɔ ibai kutãngãm dii tenku iyi wa bɔ hee lele.


Nŋui í dede í wã ilɛ, í cɔ inɛi andunya ŋa nɔ í jɔ̀ zigi nŋa í da. Iri kuta ŋa iyi à wɛɛ hai ku kpɛ, à lɛgɛ. Geete ŋa iyi à wɛɛ hai ku kpɛ iyi à jɛ kpãa bii í ya too wo, à yɔ.


Yooi á yɔkɔ ku leekĩ dim dim si ajɔ iyi á to wa. Mà yooi á yɔkɔ ku leekĩ waati iyi á faata wa, domi á yɛi bɛi ina iyi wa yɔ isɔ. Nɔ ku yɛ bɛi acɛ jiidai woo fɔ jĩnɛ ŋa.


Nɔ Simɔɔ Piɛɛ í jɛaa í ni, awɔ Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.


Amma Jesu wa cokoɛ. Ŋɔi woo wee nlau í sɔ̃ɔ í ni, do irii Ilaaɔ̃ nŋu iyi í wɛɛ, fɔ bii awɔ ì jɛ Amai Ilaaɔ̃ inɛ iyi Ilaaɔ̃ í cicaui.


Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.


na mii í ce ì waa ce bɛɛbɛ, iŋɛ kpaasi ŋa. Awa mɔ amanɛi bɛi iŋɛ taka nŋɛ. Laabaau jiidai à naa ku sɔ̃ ŋɛ ku ba i jɔ̀ iwɛ̃ nfe nŋɛ ŋau nɔ i sinda si Ilaaɔ̃, nŋu iyi í jɛ icui kuwɛɛ. Nŋui í ce lele do ilɛ do tenku do mii iyi í wa inɔ nŋa fei.


Aɔ̃ Lafɛ̃ɛi í jɛ kuta ku nɛ gbugbã iyi wa degbe wa. Mii iyi wa ce fei, í ya cooi dee dee. Ideɛ ŋa iyi í jilɛ fei, si asaiyai í ya jɛ. Ilaaɔ̃ Lafɛ̃ɛ nwa ci ya kpaasi. Ci ya ce laalɔ ajɔ kãma. Waati kãma fei, iyi í jɛ dee dee do iyi í tɛi í ya ce.


Ntɔ ntɔ, yooi í gbɔ imui Aɔ̃ Lafɛ̃ɛ ajɔ gɔ hai si aninii ina bɛi awa nɔ í kɔ í wɛɛ si hunde.


Inɛ ŋa à waa fɔ bɛi ì mu wa ŋa si waati iyi à naa bi tu ŋɛu, do bɛi ì jɔ̀ iwɛ̃ ku tɔɔ ŋa, ì kpaasi idɔ ì sinda si Ilaaɔ̃ ŋa ku ba i ceaa icɛ ŋa, nŋu akã iyi í jɛ Ilaaɔ̃ do ntɔ nɔ nŋui í jɛ icui kuwɛɛ.


Ilaaɔ̃ nŋu akãi í jɛ ilaalu hee do ajɔ fei, ci ya ku nɔ a ci ya yɔɔ do iju. Ka saabuɛ nɔ ka mà bɛɛrɛɛ hee do ajɔ fei. Ami.


Sɔ̃ ilu amani ŋa a maà ti a tɔɔ fufu, nɔ naanɛ nŋa ku maà wa si amani iyi á na ku tã, amma a jɔ̀ naanɛ nŋa ku wa si Ilaaɔ̃, nŋu iyi wa mu nwa fei ndɛɛ do inɔ akã ku ba ka wɛɛò inɔ didɔ̃.


Ideu í to njo nla nla bii amanɛ í dasi awɔi Ilaaɔ̃, nŋu iyi í wɛɛ.


Kpakoi akabuui Ilaaɔ̃ Lafɛ̃ɛi ilɛu fei wee á cua nŋɛ ku kua idoi Zuudɛ̃ɛu. Nŋu bɛi á jɔ̀ i mà kãm kãm ŋa iyi Ilaaɔ̃, nŋu iyi í jɛ icui kuwɛɛ, í wa anini nŋɛ, nɔ á lele inɛi Kanaã ŋa hai si waju nŋɛ, do inɛi Hɛti ŋa do inɛi Hɛvi ŋa do inɛi Ferɛzi ŋa do inɛi Girigasi ŋa do inɛi Amɔre ŋa do inɛi Zebusi ŋa.


À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.


Si anyii nŋu, ŋɔi ǹ yɛ kitãi bomma nla fũfũ gɔ do inɛ iyi wa buba si antaiɛ. Nɔ ilɛ do lele à sa hai si wajuɛ, nɔ a kù yɛ gɔgɔ nŋa gɔ má.


Aɔ̃ Lafɛ̃ɛ, waati iyi ì fita wa hai Seii, nɔ ì waa nɛ wa hai ilɛi Edɔmu, ilɛ í yaya, nɔ ijĩ í dũ, nɔ hai lele wa, ijĩ í wɔ ntɔ ntɔ.


Ŋɔi Davidi í bee inɛ ŋa iyi à wa kɔkɔɛ ŋau í ni, mii aa muaa inɛ iyi í kpa inɛi Filisiu ihɛ̃ nɔ í nya anyɔ hai si ilɛi Izirɛli. Mɔkɔu ihɛ̃ kù bu baa bango nɔ wa nyaanyi inɛi Ilaaɔ̃ ŋa.


Si bɛi ǹ kpa iŋa laalɔ ŋau, bɛɛbɛ mɔi an yɔkɔ n kpa inɛi Filisi hai bu bangou bɛ, nŋu iyi wa nyaanyi inɛi Ilaaɔ̃ ŋa.


Lean sinn:

Sanasan


Sanasan