Zeremi 10:1 - Bibeli do fee

¹ Iŋɛ inɛi Izirɛli ŋa, i gbɔ ide iyi Aɔ̃ Lafɛ̃ɛ wa fɔ si ŋɛ.

Zeremi 10:1 Iomraidhean Croise

Ilaalu 1, 22:19

Ŋɔi Misee í ni, i sotĩ i gbɔ ide iyi Aɔ̃ Lafɛ̃ɛ wa fɔ. Ǹ yɛ Aɔ̃ Lafɛ̃ɛ wa buba si kitãi bommaɛ nɔ soogei lelei Aɔ̃ ŋau fei à wa kɔkɔɛ canga do njɛɛ.

Iri ku kɔ̃ 50:7

Zamaam, sotĩ i gbɔ ǹ wa n baɛ ide ku fɔ. Izirɛli awɔ zamaam, an jɛ sɛɛda si gãmɛɛ. Amui ǹ jɛ Ilaaɔ̃, Aɔ̃ Lafɛ̃ɛɛ.

Ezai 1:10

Iŋɛ inɛ ngbo laalɔ ŋa iyi ì yɛ bɛi inɛi Sodomu ŋa, i sotĩ i gbɔ bɛi Aɔ̃ Lafɛ̃ɛ wa fɔ ŋa. Nɔ iŋɛ zamaa ŋau mɔ, iŋɛ iyi ì jɛ inɛ laalɔ bɛi inɛi Gomɔɔ ŋau, i sotĩ i gbɔ ikɔi Ilaaɔ̃ Lafɛ̃ɛ nwau ŋa.

Ezai 28:14

Na nŋu, iŋɛ woo yaako inɛ ŋau, iŋɛ iyi ì waa jɛ inɛ ngboi zamaau Zeruzalɛmu bɛ, i sotĩ i gbɔ idei Aɔ̃ Lafɛ̃ɛ ŋa.

Ezai 40:18

Mii aa so i wãò Ilaaɔ̃ ŋa. Mii aa ce ŋa iyi á jɔɔ.

Ezai 44:6

Aɔ̃ Lafɛ̃ɛ, nŋu iyi í jɛ ilaalui inɛi Izirɛli ŋa nɔ í jɛ woo ya nŋa, nŋu iyi í jɛ Aɔ̃ Lafɛ̃ɛi lele do ilɛ í ni, amui ǹ jɛ sinte nɔ amui ǹ jɛ iri ku kpa. Baai amu baasi, Ilaaɔ̃ mmuɛ gɔ kù wɛɛ má.

Zeremi 10:2

Aɔ̃ Lafɛ̃ɛ í ni, i maà too si isɛɛnɛi dimi mmu ŋa, nɔ i maà jɔ̀ nyindai lelei Aɔ̃ ŋau bɛ a da zigi nŋɛ, bɛi wa da zigii dimi mmu ŋau.

Zeremi 2:4

Iŋɛ tɔkui Zakɔbu ŋa, iŋɛ iyi ì jɛ nyaanzei inɛi Izirɛli ŋau fei, i sotĩ i gbɔ idei Aɔ̃ Lafɛ̃ɛ ŋa.

Zeremi 22:2

sotĩ i gbɔ ide iyi Aɔ̃ Lafɛ̃ɛ wa fɔ awɔ ilaalui Zudaa iyi ì waa buba si kitãi bommai Davidi, awɔ do woo ce icɛɛ ŋa do inɛɛ ŋa iyi à ya lɔ inɔ kabai bommaɛu.

Zeremi 42:15

waati bɛɛbɛ, iŋɛ inɛi Zudaa ŋa iyi ì gbe ŋau i sotĩ i gbɔ bɛi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋau wa fɔ ŋa. Í ni, bii ì dasi idɔ i bɔ ilɛi Ezibiti ŋa, bii ì koo ì buba bɛ ŋa,

Ozee 4:1

Iŋɛ inɛi Izirɛli ŋa, i sotĩ i gbɔ idei Aɔ̃ Lafɛ̃ɛ ŋa, domi idei taale í wa si gãmɛi Aɔ̃ Lafɛ̃ɛ do inɛi ilɛɛ ŋau si na iyi í jɔ̀ jiida ku jɛ do dee dee ku jɛ do Ilaaɔ̃ ku mà kù wa si ŋa.

Amɔsu 7:16

Nsɛi sotĩ i gbɔ idei Aɔ̃ Lafɛ̃ɛ, awɔ iyi ì ni, maà ce walii si inɛi Izirɛli ŋa, maà ce ide nkpɔ si kpasɛ̃i Izaaki.

Tɛsalonika 1, 2:13

À ya ka maa saabu Ilaaɔ̃ ajɔ fei domi si waati iyi à waazo nŋɛ i kù doo ideu si idei amanɛ ŋa, amma ì gbaa ŋai si ti Ilaaɔ̃. Nɔ bɛɛbɛ mɔi í jɛ do ntɔ, nɔ wa ce icɛ si iŋɛ woo dasi Jesu naanɛ ŋa.

Kuyɛi Zãa 2:29

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei.