Zeremi 1:9 - Bibeli do fee

⁹ Ŋɔi Aɔ̃ Lafɛ̃ɛ í yɔ awɔ í lu gɛlɛm, nɔ í sɔ̃m í ni, wee ǹ daaɛ idem ŋa si gɛlɛɛ.

Zeremi 1:9 Iomraidhean Croise

Ezai 49:2

Í jɔ̀ gɛlɛm í yɛi bɛi taakuba ku dɔ̃ anu, nɔ í biim nii do awɔɛ. Í cem nii bɛi afa ku gbe anu, nɔ í singam nii si inɔ tongoɛ.

Ezai 50:4

Aɔ̃ Lafɛ̃ɛ í kɔm si ide iyi ǹ nɛ ku fɔ ku ba n mà ide ŋa iyi an fɔ n sobiò inɛ iyi í kua gbugbã. Daakɔ fei nŋui í ya jĩim ku ba n de itĩ bɛi mɔcɔ ŋa à ya maa de si lafɛ̃ɛ nŋa itĩ.

Ezai 51:16

Amui ǹ dasi idem ŋa si gɛlɛɛ, nɔ ǹ biiɛ do awɔm ŋa. Amui ǹ teese ǹ tɛ́ lele nɔ ǹ teese ǹ jilɛ icui ilɛ má, nɔ ǹ sɔ̃ Siɔ̃ɔ ǹ ni, iŋɛi ì jɛ zamaam ŋa.

Ezai 59:21

Nɔ Aɔ̃ Lafɛ̃ɛ í nyi í ni má, kuwã iyi ǹ wa n ce si gãmɛi inɛ ŋau ihɛ̃ wee. Hundem iyi ǹ da nŋa si do idem ŋa iyi ǹ dasi si gɛlɛ nŋa, n kaa n nyaa hai si ŋa má, nɔ n kaa n nyaa baa hai si gɛlɛi tɔku nŋa ŋa má, nɔ n kaa n nyaa hai si gɛlɛi tɔkui aŋa mɔ má hai nsɛi hee do ajɔ fei. Bɛi Aɔ̃ Lafɛ̃ɛ í fɔ mbɛ.

Zeremi 15:19

Na ŋɔi í jɔ̀ Aɔ̃ Lafɛ̃ɛ í fɔ í ni, bii ì sinda ì nyi wa bi tom, an jɔ̀ i baa si icɛɛ si wajum má. Bii ì tã sɔɔlu i ya wũaa ide iyi í nɛ bɛɛrɛ, do iyi kù nɛ bɛɛrɛ, awɔi aa jɛ woo fɔ idem. Nɔ aŋai à nɛ a sinda a baa bi titɛɛ bɛbɛi, amma kù jɛ awɔi aa nyi si ŋa.

Zeremi 34:6

Walii Zeremi í sɔ̃ Sedesiasi ilaalui Zudaa ide ŋau bɛ fei Zeruzalɛmu bɛ.

Zeremi 36:2

so tia iyi à ya kau nɔ i kɔ ide ŋa iyi ǹ sɔ̃ɛ si gãmɛi Izirɛli do si gãmɛi Zudaa do si ilɛ ŋau fei, hai si waatii ilaalu Zoziasi iyi ǹ sinti ku baɛ ide ku fɔu hee ku baa nnyi.

Zeremi 5:14

Na nŋu, amu Aɔ̃ Lafɛ̃ɛi lele do ilɛ ǹ ni, si na iyi í jɔ̀ à waa fɔ bɛɛbɛ, an jɔ̀ idem ku yɛ bɛi ina si gɛlɛɛ, nɔ zamaau ku yɛ bɛi jĩi iyi inau á jo.

Ezekiɛli 3:10

Nɔ í ni má, amanɛ, cĩ itĩɛ ŋa i gbɔ nɔ i mu ide ŋa iyi an sɔ̃ɛ fei si idɔɛ.

Daniɛli 10:10

Ŋɔi awɔ gɔ í naa í lum í jɔ̀ ǹ dede ǹ gulɛ ǹ tɛ awɔ ilɛ.

Daniɛli 10:16

Ŋɔi inɛ gɔ iyi í jɔ amanɛ í naa í lu gɛlɛm. Ŋɔi ǹ cĩ gɛlɛ nɔ ǹ sɔ̃ inɛ iyi wa leekĩ si wajum nɔu ǹ ni, Lafɛ̃ɛm, na kuyɛu, ara kuro í naa sim nɔ ǹ kua gbugbã.

Kuka 23:5

Ŋɔi Aɔ̃ Lafɛ̃ɛ í sɔ̃ Balamu ide iyi á koo fɔ, nɔ í ni ku sinda ku nyi bi Balaki koo fɔ bɛɛbɛ.

Matie 10:19

Amma bii à bɔò ŋɛ bi ku kiiti, i maà ti i biti do ide iyi aa fɔ ŋa walakɔ do yaase bɛi aa fɔɔò ŋa. Bii waatiu í to, Ilaaɔ̃ á mu nŋɛ ide iyi aa fɔ ŋa.

Maaku 7:33

Ŋɔi Jesu í bɔòɛ hee bii í jĩò zamaau. Ŋɔi í dasi amaawɔɛ si itĩi dekĩu, nɔ í tu antɔ, í jɔaa si amɛɛ.

Luku 12:12

I maà ce njo ŋa domi waati bɛɛbɛ Hundei Ilaaɔ̃i á sɔ̃ ŋɛ iyi í jɔ i fɔ ŋa.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Wooda ku kɔsi 18:16

Mii iyi ì tɔɔ Aɔ̃ Lafɛ̃ɛ ajɔ iyi ì tɔtɔɔ bi iri kutai Ɔrɛbuu ŋa mbɛ. Ì ni ŋa i kù bi Aɔ̃ Lafɛ̃ɛ nŋɛ ku ba ŋɛ ide ku fɔ gɛlɛò gɛlɛ má hee má jɛ i yɛ ina dimi bɛɛbɛ má, ku ba i maà na i ku ŋa.

Wooda ku kɔsi 18:17

Ŋɔi Aɔ̃ Lafɛ̃ɛ í sɔ̃m í ni, bɛi inɛ ŋau à fɔ í sĩa.

Wooda ku kɔsi 18:18

An jɔ̀ walii gɔ ku dede si aninii nŋa bɛi awɔ, an daa idem ŋa si gɛlɛɛ, nɔ ide iyi ǹ sɔ̃ɔ fei nŋui á ya sɔ̃ ŋa.