Zeremi 1:8 - Bibeli do fee

⁸ Ŋɔi Aɔ̃ Lafɛ̃ɛ í sɔ̃m má í ni, maà ce njo nŋa, domi ǹ wɛɛ do awɔ nɔ an faabaɛ.

Zeremi 1:8 Iomraidhean Croise

Kufita 3:12

Nɔ Ilaaɔ̃ í ni, an wɛɛ do awɔ nɔ an naɛ sɛɛda ku ba i mà iyi ntɔ ntɔ amui ǹ wa n bɛɛ. Sɛɛdau wee. Bii ì nya inɛ ŋau wa hai ilɛi Ezibiti, si antaii iri kutau ihɛ̃i aa naa i tɔɔm ŋa.

Ezai 43:2

Bii ì waa kua inyi, an wɛɛ do awɔ. Nɔ bii ì waa kua ido ŋa, inyi kaa nɛòɛ. Bii ì waa nɛ si ina ì waa kua, kaa joɛ nɔ amɛi inau kaa ceɛ nkãma.

Ezai 51:12

Ŋɔi Aɔ̃ Lafɛ̃ɛ í ni, amui ǹ wa n mu nŋɛ gbugbã, nɔ ntɔ ntɔ amu akãi ǹ wa n mu nŋɛ gbugbã. Iŋɛ inɛm ŋa, na mii í ce ì waa ce njoi amanɛ ŋa, aŋa iyi aa na a ku nɔ a kpa iri bɛi fɔfɔ ŋa.

Ezai 51:7

I sotĩ i gbɔ idem ŋa, iŋɛ iyi ì mà mii iyi í jɛ dee dee, iŋɛ iyi woodam í wa si idɔ nŋɛ. I maà ce njoi taale ŋa iyi amanɛ ŋa aa ce nŋɛ nɔ i maà jɔ̀ zigi nŋɛ ku da do arabu nŋa ŋa.

Zeremi 1:17

Awɔ Zeremi, dede i ce sɔɔlu i koo i sɔ̃ ŋa iyi an sɔ̃ɛ fei. Maà ti i ce njo si waju nŋa i maa yaya, ku ba amu takam n maà n na n jɔ̀ i maa yaya si waju nŋa.

Zeremi 1:19

Aa ce igũ do awɔ, amma a kaa kãmiaɛ, domi ǹ wɛɛ do awɔ ku ba n faabaɛ. Ide iyi amu Aɔ̃ Lafɛ̃ɛi ǹ fɔ mbɛ.

Zeremi 20:11

Amma Aɔ̃ Lafɛ̃ɛ, ì nɛ gbugbã, nɔ awɔi ì waa jaam. Inɛ ŋa iyi à waa kpãm iju ŋaui aa koosɛ a cuku, nɔ a kaa jɛ igũ. Anyɔ á mu ŋai do iyi aa yɛ aŋa a kù jɛ igũ. Si anyɔi aa maa wa hee do ajɔ fei, nɔ inɛ kãma kaa gbɛjɛ ideɛ.

Zeremi 30:11

Nɔ Aɔ̃ Lafɛ̃ɛ í nyi í ni má, ǹ wɛɛ do awɔ ku ba n faabaɛ. Dimi ŋa bii ǹ jɔ̀ ì fangaa ì nɛu fei, an kpa iri nŋai. Amma awɔ, n kaa n ce nfeɛ. Ntɔi, ǹ kpãɛ iju bɛi í jɔ fei, domi n kaa n yɔkɔ n jɔ̀ɛ bɛi inɛ iyi kù nɛ taale kãma, amma ijuukpã iyi ì ba hai bi tom dee deei.

Zeremi 39:11

Nebukanɛsaa ilaalui Babilɔniu í na wooda si gãmɛi Zeremi, nɔ woodau Nebuzaradãa inɛ ngboi woo degbeɛ ŋaui í sɔ̃ í ni,

Zeremi 42:11

I maà ce njoi ilaalui Babilɔniu ŋa, i maà jɔ̀ zigi nŋɛ ku da na iriɛ ŋa. Amu Aɔ̃ Lafɛ̃ɛi ǹ wa n sɔ̃ ŋɛ, i maà ce njoɛ ŋa, domi ǹ wɛɛ do iŋɛ ku ba n faaba ŋɛ nɔ n nya ŋɛ hai si awɔɛ.

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 3:25

Nɔ ilaaluu í nyi í ni má, to wee nsɛi amanɛ mɛɛi ǹ wa n yɛ si inɔ inau bɛ mɛɛ, aŋa fei à waa nɛ nŋa nkãma kù waa dĩ ŋa, nɔ inɛ mɛɛsiau í jɔ inɛi lelei Aɔ̃ gɔ.

Matie 10:26

Nɔ Jesu í ni má, do nŋu fei i maà ce njo nŋa ŋa, domi ngɔgɔ kù wɛɛ iyi wa manji iyi kaa fita gbugbãa, nɔ asii kãma kù wɛɛ iyi a kàa na a mà.

Matie 28:20

Nɔ ide ŋa iyi ǹ sɔ̃ ŋɛ fei, i kɔ ŋa si ide ŋau ku jirima ŋa. Nɔ an maa n wɛɛ do iŋɛ ajɔ fei hee kɔɔi andunya.

Woo bɛ ŋa 18:10

domi ǹ wɛɛ do awɔ. Inɛ gɔ kaa yɔkɔ ku lesiɛ awɔ hee ku ceɛ laalɔ. Sɔ̃ ŋa ideu domi inɛ nkpɔi í wa ilu ihɛ̃ iyi á jɛ titom.

Woo bɛ ŋa 26:17

An degbeɛ si gãmɛi inɛi Izirɛli ŋa do si gãmɛi dimi mmu ŋa nɔ ǹ wa n bɛɛ bi tu ŋa

Woo bɛ ŋa 4:13

Iyi inɛ ŋau à gbɔ ideu ŋɔi à biti domi à yɛ wɔɔkɔi Piɛɛ do Zãa nɔ à mà gbakã iyi taaka ŋai iyi a kù ce baa cio. Ŋɔi à mà iyi aŋai à wɛɛ wo do Jesu.

Woo bɛ ŋa 4:29

Na nŋu nsɛi, Lafɛ̃ɛ, ce laakaii ide ku fɔ nŋa nɔ i jɔ̀ awa woo ce icɛɛ ŋau ka sisi ideɛu do wɔɔkɔ nla nla.

Efɛɛzu 6:20

Na irii ideui ǹ jɛ woo bɛi Ilaaɔ̃ baa do iyi ǹ wa piisɔ̃ɔ si nsɛi. Na nŋu, i ce kutɔɔ ku ba n yɔkɔ n sisi ideu do wɔɔkɔ bɛi á sĩa.

Wooda ku kɔsi 31:6

I jɔ̀ i ce wɔɔkɔ nɔ i dasi gbugbã ŋa. I maà jɔ̀ njo ku mu ŋɛ, nɔ i maà jɔ̀ zigi nŋɛ ku daò ŋa ŋa, domi Aɔ̃ Lafɛ̃ɛ takaɛi á maa nɛ do iŋɛ, nɔ kaa fũsi ŋɛ awɔ ajɔ kãma.

Wooda ku kɔsi 31:8

Aɔ̃ Lafɛ̃ɛ takaɛi á maa cuaɛ do waju. Nŋui á maa wɛɛ do awɔ nɔ kaa fũsiɛ awɔ ajɔ kãma. Debɛi, maà jɔ̀ njo ku muɛ nɔ i maà jɔ̀ zigiɛ ku da.

Zozue 1:5

Si kuwɛɛɛ fei mbɛɛ kãma kaa yɔkɔ ku kɔ̀ ide si wajuɛ, domi an maa n wɛɛ do awɔi bɛi ǹ tako ǹ wɛɛ do Moizi wo. Ajɔ kãma n kaa n fũsiɛ awɔ hee má jɛ n jɔ̀ɛ.

Zozue 1:9

Maà gbɛjɛ iyi ǹ sɔ̃ɛ ǹ ni, jɔ̀ i nɛ wɔɔkɔ nɔ i nɛ gbugbã. Maà jɔ̀ njo ku muɛ, nɔ i maà ti i mɔngɔ munya, domi amu Aɔ̃ Lafɛ̃ɛɛ an wɛɛ do awɔ bii ì waa bɔ fei.