Zeremi 1:6 - Bibeli do fee

⁶ Ŋɔi ǹ jɛaa ǹ ni, Aɔ̃ Lafɛ̃ɛ, amu wee n kù mà ide ku fɔ, domi amu ama keekei.

Zeremi 1:6 Iomraidhean Croise

Kufita 4:1

Ŋɔi Moizi í jɛ í ni, inɛ ŋau a kaa dasim naanɛ, nɔ a kaa gbɔ idem má. Aa ni Aɔ̃ Lafɛ̃ɛ kãma kù naa sim.

Kufita 6:12

Ŋɔi Moizi í jɛa Aɔ̃ Lafɛ̃ɛ í ni, bii baa inɛi Izirɛli ŋa taka nŋa a kù gbɔ idem, bɛirei Faraɔ̃ á ce ku gbɔ idem, amu iyi ide ku fɔm í ya gaabu.

Kufita 6:30

Amma Moizi í jɛaa í ni, ide ku fɔ í ya gaabum. Bɛirei Faraɔ̃ á ce ku gbɔ idem.

Ezai 6:5

Ŋɔi ǹ dɔ̃ anu ǹ ni, inɔ kufɔi í jɛ tom. Ǹ ce nfe mbɛ, domi gɛlɛm kù maaju, nɔ ǹ wa si aninii inɛ ŋa iyi gɛlɛ nŋa ŋa kù maaju. Nɔ wee ǹ yɛ ilaalu Aɔ̃ Lafɛ̃ɛi lele do ilɛ do ijum.

Zeremi 14:13

Ŋɔi ǹ jɛaa ǹ ni, Aɔ̃ Lafɛ̃ɛ, walii ŋa wee à sɔ̃ ŋa à ni igũ kaa naa si ŋa hee má jɛ ari. À ni awɔ aa mu nŋa laakai ku sũ iyi í jɛ ntɔ si inyau ihɛ̃.

Zeremi 32:17

Aɔ̃ Lafɛ̃ɛ, awɔi ì ce lele do ilɛ do gbugbã nla nlaɛ. Nkãma kù gaabu bi titɛɛ.

Zeremi 34:6

Walii Zeremi í sɔ̃ Sedesiasi ilaalui Zudaa ide ŋau bɛ fei Zeruzalɛmu bɛ.

Zeremi 4:10

Ŋɔi ǹ ni, Aɔ̃ Lafɛ̃ɛ, debɛi ì lɛlɛ zamaau do inɛi Zeruzalɛmu ŋaui iyi ì ni, aa ba laakai ku sũ, nɔ waati nŋui taakuba wa kpa ŋa.

Ezekiɛli 4:14

Ŋɔi ǹ ni, Aɔ̃ Lafɛ̃ɛ ǹ mu aram nii si mii iyi kù maaju fei. N kù ŋɔ mɛɛmu gɔ iyi í ku do araɛ walakɔ iyi mɛɛmu gɔ í kpa hai awaasũm hee ku baa nnyi. Nɔ iŋa hai maaju kãma gɔ kù lɔ gɛlɛm.

Zakari 2:4

Nɔ ǹ bee ǹ ni, mii à naa ku ce. Nɔ í jɛɛm í ni, à naa ku kɛkɛ dimi ilu gbugbã ŋaui nɔ a jɔ̀ a ce njo. Dimi ŋau aŋai à tako à dede si inɛi Zudaa ŋa à fangaa ŋa wo.