Zeremi 1:16 - Bibeli do fee

¹⁶ An jɔ̀ ide iyi ǹ fɔ si gãmɛi inɛm ŋau fei ku ba ŋai na laalɔ ku ce nŋau, si na iyi í jɔ̀ à kɔ̀sim nɔ à waa cea iwɛ̃ ŋa kuwee do tuae, do si na iyi í jɔ̀ à ya maa sɛɛbata si wajui icɛi awɔ nŋa ŋa.

Zeremi 1:16 Iomraidhean Croise

Ilaalu 2, 22:17

An ce bɛɛbɛi si na iyi í jɔ̀ à kɔ̀sim nɔ à koo à waa joa iwɛ̃ ŋa tuae, nɔ mii iyi à waa ce fei í dede idɔɔkɔ̃m nii. Idɔm í kɔ̃ si iluu bɛi nɔ kaa sũ pai.

Bomma 2, 15:2

Nɔ Azaria í bɔ wajui Aza nɔ í sɔ̃ɔ í ni, i sotĩ i gbɔ idem ŋa, awɔ Aza do inɛi Zudaa ŋa do inɛi Bɛnzamɛɛ ŋa fei. Aɔ̃ Lafɛ̃ɛ á wɛɛ do iŋɛ bii ì wɛɛ do nŋu ŋa. Bii ì waa dɛdɛɛ ŋa aa yɔɔ ŋa. Amma bii ì kɔ̀siɛ ŋa á kɔ̀si ŋɛ.

Bomma 2, 28:2

Í tooi si kucei ilaalui Izirɛli ŋau hee mɔm í yɔ isɔ ŋa í ceò iwɛ̃ Baali ŋa.

Bomma 2, 34:25

An ce bɛɛbɛi si na iyi í jɔ̀ à kɔ̀sim nɔ à koo à waa joa iwɛ̃ ŋa tuae, nɔ mii iyi à waa ce fei í dede idɔɔkɔ̃m nii. Idɔɔkɔ̃m í naa si inyau bɛ, nɔ kaa sũ pai.

Bomma 2, 7:19

Amma bii awɔ do zamaaɛ do tɔku nŋɛ ŋa ì sinda hai bi tom ŋa, nɔ ì fũsi woodam ŋa do ide ŋa iyi ǹ jilɛ nŋɛ awɔ, nɔ ì na ì koo ì waa tɔɔ iwɛ̃ ŋa ì waa sɛɛbata si waju nŋa ŋa,

Ezai 2:8

Bɛɛbɛ mɔi iwɛ̃ ŋa à waa kɔ̃ si ilɛu, nɔ inɛ ŋa à ya maa gulɛ nŋa. Mii ŋa iyi aŋa taka nŋa à ce do awɔ nŋai à ya maa gulɛa.

Ezai 37:19

À ko iwɛ̃ nŋa ŋa à kosi ina. Iwɛ̃ nŋa ŋau, a kù jɛ Ilaaɔ̃, amma icɛi awɔi amanɛ ŋai. À ce ŋai do jĩi ŋa, do kuta ŋa, nɔ à ce nfe nŋa mam mam.

Ezai 44:15

Jĩi nɔui inɛ ŋa à ya so a koò ina nɔ do nŋui à ya koò ina iyi aa nyiaò. Jĩi nɔui à ya so a koò ina a tɛkɛò sɔnda, nɔ nŋui à ya nyi a so a ceò iwɛ̃ má nɔ a maa gulɛaa. À ya ce iwɛ̃ui nɔ a gulɛ a maa tɔɔɛ.

Ezai 65:3

Zamaau í ya dɛdɛ anum nii ijuò iju waati kãma fei. À ya maa ce kuwee ŋa si lambo nŋa ŋa, nɔ à ya maa joa iwɛ̃ nŋa ŋa tuae si antaii bi ku ce kuwee nŋa iyi à ma do biiki ŋau.

Zeremi 10:15

Inya ngbɛ ŋai, nɔ dɔ̃anyi ŋai. Aŋa fei aa lɔi waati iyi ijuukpã á to wa.

Zeremi 10:3

Kpãai iwɛ̃ ŋa ku tɔɔi dimi mmu ŋau, inya ngbɛi, nkãma kù wa si. À ya koo a da jĩi wai hai inɔ sako nɔ woo gbe jĩi ku gboo do amaanya ku ceò iwɛ̃.

Zeremi 11:12

Inɛi Zudaa do inɛi Zeruzalɛmu ŋau aa koo a maa tɔɔ iwɛ̃ ŋa iyi à ya maa cea kuweei tuae ku dɔ̃ inunu ŋau. Amma kù nɛ sika kãma, iwɛ̃ ŋau a kaa faaba ŋa si waatii wahala nŋau.

Zeremi 11:17

Amu Aɔ̃ Lafɛ̃ɛi lele do ilɛ, amu iyi ǹ lɔ jĩi nɔu, amui an jɔ̀ laalɔ ku naa siɛ wa na laalɔ iyi iŋɛ kpasɛ̃i Izirɛli do Zudaa ì cea ara nŋɛ ŋa waati iyi ì dede idɔɔkɔ̃m ŋa na kuweei tuae ku dɔ̃ inunu iyi ì koo ì waa cea iwɛ̃ iyi à ya kpe Baaliu ŋa.

Zeremi 15:6

Ŋɔi Aɔ̃ Lafɛ̃ɛ í ni má, ì fũsim awɔ ì sinda ì nyi do anyi. Na nŋu, an yɔ awɔm wa siɛ nɔ n ce nfeɛ. N kaa n yɔkɔ n maa n mɔsi do araareɛ ku ce.

Zeremi 16:11

Waati bɛɛbɛ, aa jɛ nŋai i ni, Aɔ̃ Lafɛ̃ɛ í ni, bala nŋɛ ŋai à fũsim awɔ à koo à waa tɔɔ iwɛ̃ ŋa nɔ à waa sɛɛbata nŋa. À sinda à toom anyii nɔ a kù ceò woodam ŋa icɛ.

Zeremi 17:13

Aɔ̃ Lafɛ̃ɛ, awɔi ì jɛ kpãa ku cɔi Izirɛli. Inɛ ŋa iyi à fũsiɛ awɔ fei, si anyɔi aa wa. Inɛ ŋa iyi à sɛkɛɛ à jɔ̀ɛ fei, aa yɛi bɛi inɛ ŋa iyi à kɔ iri nŋa si ilulu, domi awɔ Aɔ̃ Lafɛ̃ɛ iyi ì jɛ isɔ̃i inyii kuwɛɛi à fũsi awɔ bɛ.

Zeremi 18:15

To, inɛm ŋa wee à gbɛjɛm. À koo à waa cea iwɛ̃ ŋa kuwee. Iwɛ̃ ŋaui à waa dasi ŋa isɛ ku ko si kpãa nŋa ŋa iyi à mà hai tako wo, nɔ à koo à waa nyaa ara nŋa kpãa titɔ̃ ŋa.

Zeremi 19:4

Ntɔ ntɔ, inɛi Zudaa ŋau à fũsim awɔi. À jɔ̀ inɛ ŋa a kù mà inyau ihɛ̃. Iwɛ̃ ŋai à ya maa joa tuae ku dɔ̃ inunu ŋa. Iwɛ̃ ŋau aŋa taka nŋa a kù mà ŋa, nɔ bala nŋa ŋa a kù mà ŋa, nɔ ilaalui Zudaa ŋau mɔ a kù mà ŋa. Nɔ à jɔ̀ inyau í kɔ̃i do njɛi inɛ ŋa iyi a kù nɛ taale kãma.

Zeremi 2:13

Ntɔ ntɔ, hee tuuba minjii zamaam nɔu ihɛ̃ í ce kurara bɛbɛi. À kɔ̀sim, amu iyi ǹ jɛ isɔ̃i inyii kuwɛɛ, nɔ à koo à waa tua ara nŋa lɔgɔ ŋa iyi a kaa yɔkɔ a jilɛ inyi.

Zeremi 2:17

I kù yɛ iyi inɛ bɛ ŋa fei wa baɛi si na iyi í jɔ̀ ì fũsi Aɔ̃ Lafɛ̃ɛɛ awɔ si waati iyi í gbãɛ wa nɛòɛ si kpãa jiida?

Zeremi 2:19

Inɔ kukãɛi á jɔ̀ i ba ijuukpã, nɔ dee dee hai jɛɛi á jɔ̀ i yɛ bɔ̃nɛ. Do yaase bɛɛbɛ, aa mà iyi mii iyi ì ce í jɛ laalɔ nɔ í ro. Ì fũsi amu Aɔ̃ Lafɛ̃ɛɛ awɔ nɔ i kù mà bɛɛrɛm. Amu Aɔ̃ Lafɛ̃ɛi lele do ilɛ, amui ǹ fɔ bɛɛbɛ.

Zeremi 2:28

To, iwoi iwɛ̃ nŋɛ ŋa iyi ì ce ŋau à wa. I jɔ̀ a dede mɛɛ, bii í jɛ aa yɔkɔ a faaba ŋɛ si waatii wahala. Ntɔ ntɔ, iŋɛ inɛi Zudaa ŋa, iwɛ̃ nŋɛ ŋa do ilu nŋɛ ŋa à waa mungai.

Zeremi 4:12

Fufu ku nɛ gbugbã gɔi amu Aɔ̃ Lafɛ̃ɛ ǹ jɔ̀ í dede wa naa hai bɛ. Nsɛi, amui an kiiti ŋa.

Zeremi 4:28

Na ŋɔi í ce ilɛ í wa si inɔ kufɔi iku, nɔ lele í kuku. Nɔ Aɔ̃ Lafɛ̃ɛ í ni, ntɔ ntɔ bɛɛbɛi ǹ fɔ, nɔ ǹ coo. N kaa n nɔ n kpaasiɛ, nɔ n kaa n baa do anyi pai.

Zeremi 44:17

Amma ide iyi wa fita wa hai si gɛlɛ nwa fei, nŋui à bi ka ceò icɛ. Aa ka cea ilaalu inaaboi lelei Aɔ̃u kuweei tuae ku dɔ̃ inunu nɔ ka ceaa kuweei atɛ̃ vɛ̃ɛ ŋa bɛi à nɛ dɔ̃ɔnɛi ku ceɛ awa do bala nwa ŋa do ilaalu nwa ŋa do akawe nwa ŋa si ilui Zudaa ŋa do si kpãa ŋa iyi à wa si ilui Zeruzalɛmu ŋa. Nɔ à nɛ pɛ̃ɛ ŋa bãm bãm. À wɛɛò inɔ didɔ̃ nɔ a kù ba wahala kãma.

Zeremi 5:29

Amu Aɔ̃ Lafɛ̃ɛ, n kù nɛ n kpã kookoosu ŋau bɛ iju de. N kù nɛ n baò inɛi ilɛ dimiɛ ŋa ijai?

Zeremi 5:9

Amu Aɔ̃ Lafɛ̃ɛ, n kù nɛ n kpã kookoosu ŋau bɛ iju de. N kaa n baò inɛi ilɛ dimiɛ ŋa ija de.

Zeremi 51:17

Inɛ ŋau fei nnyɛii, a ci ya gbɔ yaasei nkãma. Woo ce icɛi wura ŋau fei, anyɔ í ya baa ku mu ŋai si mii ŋa iyi à ceu, domi iwɛ̃ ŋau ibo ŋai, a kù jɛ ilu hunde ŋa.

Zeremi 7:17

I kù waa yɛ mii iyi à waa ce si ilui Zudaa ŋau do si kpãai Zeruzalɛmu ŋau de.

Zeremi 7:18

Amu ŋa à bɔ jĩi wa. Baa ŋau à ko ina. Nɔ inaabo ŋa à fɔ iyafũ ku ba a sɔ̃a iwɛ̃ iyi à ya kpe abo ilaalui leleu kaa nɔ a cea iwɛ̃ ŋa kuwee do atɛ̃ vɛ̃ɛ ŋa, na mba a dede idɔɔkɔ̃m.

Zeremi 7:9

Mii iyi ì ya maa ce ŋa wee. Ile do inɛ ku kpa do sakara do kugbasi ku ce si ibo do iwɛ̃ Baali ku joa tuae do iwɛ̃ mmu ŋa iyi i kù mà ŋa ku tɔɔ.

Ezekiɛli 16:18

Jĩnɛ ku nɛ boodaɛ ŋaui ì koo ì biiò iwɛ̃ɛ ŋau. Nɔ ì so ikpom do tuae ku dɔ̃ inunum nɔu ì koo ì na ŋa.

Ezekiɛli 24:14

Amu Aɔ̃ Lafɛ̃ɛi ǹ fɔɔ, nɔ bɛɛbɛi an coo. N kaa n jɔ̀ nkãma. N kaa n ce araare, nɔ n kaa n ni bii ǹ mà. Aa kiitiɛi si yaasei isɛɛnɛɛ do kuceɛ ŋa. Amu Aɔ̃ Lafɛ̃ɛi ǹ fɔ bɛɛbɛ.

Ozee 11:2

Amma si anyiɛ, inɛi Izirɛli ŋa à na à nɛ hee jĩijĩ. Nɔ bɛi à waa kpe ŋa fei, bɛɛbɛi à ya maa jĩò inɛ ŋa iyi à waa kpe ŋau. À ya maa cea iwɛ̃ ŋa iyi à ya kpe Baali ŋau kuwee nɔ à ya joa iwɛ̃ mmu ŋa tuae ŋa.

Ozee 8:6

Kɛtɛ kombo saasaabɔ nŋɛu wa naai hai Izirɛli. Iwɛ̃i, kù jɛ Ilaaɔ̃. Woo ce icɛi awɔ gɔi í coo. Na nŋu, kɛtɛ kombo saasaabɔi Samariu, aa bububuui.

Zoɛli 2:11

Aɔ̃ Lafɛ̃ɛ í ya jɔ̀ soogeɛ ŋa a gbɔ imuɛi do waju. Sooge ŋa iyi à waa ceò woodaɛ ŋa icɛ, à kpɔ nɔ à nɛ gbugbã. Ntɔ ntɔ, ajɔi Aɔ̃ Lafɛ̃ɛu, ajɔ kugaabui. Ajɔu í to njo nɔ inɛ kãma kaa yɔkɔ ku fita si.

Woo bɛ ŋa 7:41

Ŋɔi à ce iwɛ̃ gɔ iyi í jɔ ama kɛtɛ, nɔ inɔ nŋa í dɔ̃ na icɛi awɔ nŋau nɔ à ceaa kuwee.

Wooda ku kɔsi 28:20

Si wũaa iyi ì waa ce ŋa fei, Aɔ̃ Lafɛ̃ɛ á jɔ̀ ikpe ku naa sii. Zigiida do wahala ŋa mɔ aa naa si ŋɛ, nɔ i kaa kpɛ ŋa mɔm ku ce nfe nŋɛ mam mam si na iyi í jɔ̀ ì fũsiɛ awɔ ŋa nɔ nŋu bɛi á jɛ taale iyi ì ce ŋa.

Wooda ku kɔsi 31:16

Ŋɔi Aɔ̃ Lafɛ̃ɛ í sɔ̃ Moizi í ni, kaa kpɛ má aa nyi i koo i ba balaɛ ŋa. Amma si anyii ikuɛ, inɛi Izirɛli ŋau aa lɔsi iwɛ̃ ŋa iyi à wa si ilɛ bii aa lɔ siu ku tɔɔi. Aa fũsim awɔi nɔ a fũ akabuu iyi í wa si gãmɛi awaò ŋau.

Kuyɛi Zãa 9:20

Do nŋu fei, inɛi andunya ŋa iyi à gbe a kù ku si bɔ̃nɛu à kɔ̀ ku kpaasi idɔ. Nɔ à kɔ̀ ku jɔ̀ mii ŋa iyi à ce do awɔ nŋa ku tɔɔ. À waa mɔsi inɛi inɔɔko ŋa ku tɔɔ do iwɛ̃ ŋa iyi à ce do wura do isɔ fũfũ do isɔ danya do kuta do jĩi ŋa, aŋa iyi a kaa yɔkɔ a gbɔ ide, a kaa nɔ a yɔkɔ a yɛ ilu, hee má jɛ a nɛ.